ԳԻՐՔ ՍԱՂՄՈՍԱՑ 42:4 - Գրաբար Աստվածաշունչ (1895)

⁴ Մտից առաջի սեղանոյ Աստուծոյ, առ Աստուած որ ուրախ առնէ զմանկութիւն իմ՝՝ խոստովան եղէց քեզ օրհնութեամբ, Աստուած, Աստուած իմ։

ԳԻՐՔ ՍԱՂՄՈՍԱՑ 42:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:30

եւ մի՛ յուսացուսցէ զձեզ Եզեկիա ի Տէր, եւ ասասցէ եթէ՝ Փրկելով փրկէ զմեզ Տէր, եւ ոչ մատնեսցի քաղաքս ի ձեռս արքային Ասորեստանեայց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:32

մինչեւ եկից առից եւ տարայց զձեզ յերկիրն որ իբրեւ զերկիրս ձեր է, երկիր ցորենոյ եւ գինւոյ, այգեաց եւ հացի, երկիր ձիթենեաց՝ իւղոյ եւ մեղու. եւ կեցէք եւ ոչ մեռանիցիք. եւ մի՛ լսէք Եզեկեայ, զի խաբէ զձեզ եւ ասէ, թէ Տէր փրկեսցէ զմեզ։

ՄՆԱՑՈՐԴԱՑ ԵՐԿՐՈՐԴ 7:10

Եւ ի քսան եւ երիս ամսոյն եւթներորդի արձակեաց զժողովուրդն ի խորանս իւրեանց ուրախութեամբ եւ բարի սրտիւ, յամենայն բարութիւնսն զոր արար Տէր Դաւթի եւ Սողոմոնի եւ ժողովրդեան իւրում Իսրայելի։

ԳԻՐՔ ՅՈԲԱՅ 29:2

Ո՜ առնէր զիս ըստ ամսոց աւուրցն առաջնոց, յորս Աստուած պահէր զիս.

ԳԻՐՔ ՍԱՂՄՈՍԱՑ 100:4

Որ թիւրն էր սրտիւ՝ խոտորեալ յինէն. անզգամին՝ ես ինչ ոչ փոյթ առնէի։

ԳԻՐՔ ՍԱՂՄՈՍԱՑ 102:10

Ոչ ըստ մեղս մեր արար մեզ, եւ ոչ ըստ անօրէնութեան մերում հատոյց մեզ։

ԳԻՐՔ ՍԱՂՄՈՍԱՑ 115:2

Ես ասացի ի զարմանալ իմում, թէ՝ Ամենայն մարդ սուտ է։

ԳԻՐՔ ՍԱՂՄՈՍԱՑ 122:1

Առ քեզ, Տէր, համբարձի զաչս իմ, որ բնակեալդ ես ի յերկինս։

ԳԻՐՔ ՍԱՂՄՈՍԱՑ 62:8

Զի եղեր իմ օգնական, ի հովանի թեւոց քոց ցնծացայց։

ԳԻՐՔ ՍԱՂՄՈՍԱՑ 79:10

եւ առաջնորդեցեր նմա, հաստատեցեր զարմատս նորա եւ ելից զերկիր։

ԳԻՐՔ ՍԱՂՄՈՍԱՑ 80:6

Վկայութիւնն Յովսեփու զոր եդ ընդ նմա. որպէս ելանէր նա յերկրէն Եգիպտացւոց. լեզու զոր ոչ գիտէր լուաւ։

ՄԱՐԳԱՐԷՈՒԹԻՒՆ ԵՍԱՅԵԱՅ 30:29

Միթէ հանապա՞զ պարտ իցէ ձեզ ուրախութեամբ մտանել ի սրբութիւնս իմ, յամենայն ժամ տօնիւք եւ ուրախութեամբ եւ փողո՞վք մտանել ի լեառն Տեառն՝ առ Աստուած Սուրբն Իսրայելի։

ՈՂԲՔ 2:19

Արի ի խոստովանութիւն ի գիշերի, ի սկիզբն ի գլուխ պահուց քոց՝՝. հեղ իբրեւ զջուր զսիրտ քո առաջի Տեառն. համբարձ զձեռն քո վասն անձանց տղայոց՝ որ լուծանէին ի սովոյ ի գլուխ ճանապարհաց ելից եւ մտից քոց։

ՈՂԲՔ 4:1

Զիա՜րդ շլացաւ ոսկին, այլագունեաց արծաթն սպիտակ. հալեցան՝՝ սփռեցան ականք նոցա ի գլուխ անցից ճանապարհաց նոցա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:10

Եւ առաջնորդն ի մէջ նոցա՝ ի մտանելն նոցա ընդ նոսին մտցէ, եւ ընդ ելանելն նոցա՝ ընդ նոսին ելցէ։

ՄԱՐԳԱՐԷՈՒԹԻՒՆ ՅՈՎԵԼԱՅ 2:17

Ընդ աստիճանս եւ ընդ սեղանն լացցեն քահանայք եւ պաշտօնեայք Տեառն, եւ ասասցեն. Խնայեա. Տէր, ի ժողովուրդս քո, եւ մի՛ տար զժառանգութիւն քո ի նախատինս՝ տիրել ի վերայ նորա ազգաց. զի մի՛ ասասցեն ի հեթանոսս թէ՝ Ո՞ւր է Աստուած նոցա։

ՄԱՐԳԱՐԷՈՒԹԻՒՆ ՆԱՒՈՒՄԱՅ 1:15

Զի ահա երագ են՝՝ ի վերայ լերանց ոտք աւետարանչին, եւ որ պատմէ զխաղաղութիւն. տօնեա զտօնս քո, Յուդա, հատո զուխտս քո. զի ոչ եւս յաւելցին անցանել ի հնանալ. վախճանեցաւ, մաշեցաւ եւ բարձաւ՝՝։

ԱՒԵՏԱՐԱՆ ԸՍՏ ՂՈՒԿԱՍՈՒ 16:25

Եւ ասէ ցնա Աբրահամ. Որդեակ, յիշեա զի ընկալար անդէն զբարիս քո ի կեանսն քում, եւ Ղազարոս նոյնպէս զչարչարանս. արդ սա աստ մխիթարի, եւ դու այդր պապակիս։

ԵՐԿՐՈՐԴՈՒՄՆ ՕՐԻՆԱՑ 16:11

եւ ուրախ լիցիս առաջի Տեառն Աստուծոյ քո դու եւ ուստր քո եւ դուստր քո, ծառայ քո եւ աղախին քո, եւ Ղեւտացին որ ի քաղաքս քո, եւ եկն եւ որբն եւ այրին որ ի ձեզ, ի տեղւոջն զոր ընտրեսցէ Տէր Աստուած անուանել զանուն իւր անդ։

ՀՌՈՒԹ 1:21

լի չոգայ, եւ ունայն դարձոյց զիս Տէր. եւ արդ՝ ընդէ՞ր կոչէք զիս Նոոմին, եւ Տէր նկուն արար զիս, եւ Բաւականն չարչարեաց զիս։