ԳԻՐՔ ՍԱՂՄՈՍԱՑ 33:16 - Գրաբար Աստվածաշունչ (1895)

¹⁶ Աչք Տեառն ի վերայ արդարոց, եւ ականջք նորա ի վերայ աղօթից նոցա։

ԳԻՐՔ ՍԱՂՄՈՍԱՑ 33:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 20:10

Եւ առաքեաց առ նա որդին Ադերայ՝՝ եւ ասէ. Օն եւ օն արասցեն ինձ դիքն եւ օն եւ օն յաւելցեն, եթէ բաւեսցէ հող Սամարեայ՝ աղիւսովք հանդերձ՝՝ ամենայն զօրականի հետեւակաց իմոց։

ԹԱԳԱՒՈՐՈՒԹԵԱՆՑ ԵՐՐՈՐԴ 20:15

Եւ հանդէս արար ծառայից իշխանաց գաւառաց, եւ եղեն երկերիւր եւ երեսուն. եւ ապա հանդէս արար ամենայն ժողովրդեանն, ամենայն որդւոց զօրութեան՝ եւթն հազար արանց, եւ ելանէր զմիջօրէիւ։

ՄՆԱՑՈՐԴԱՑ ԵՐԿՐՈՐԴ 13:8

Եւ արդ դուք ասէք կալ հակառակ երեսաց թագաւորութեան Տեառն, որ է ի ձեռս որդւոց Դաւթի. եւ դուք բազում էք յոյժ, եւ ընդ ձեզ երինջքդ ոսկեղէնք զորս արար ձեզ Յերոբովամ յաստուածս։

ՄՆԱՑՈՐԴԱՑ ԵՐԿՐՈՐԴ 20:12

Տէր Աստուած մեր, ո՞չ առնես դատաստանս ի նոսա. վասն զի ոչ գոյ զօրութիւն մեր ընդդէմ կալ բազում ամբոխին այնորիկ, եւ ոչ գիտեմք զինչ արասցուք նոցա. այլ առ քեզ են աչք մեր։

ՄՆԱՑՈՐԴԱՑ ԵՐԿՐՈՐԴ 20:23

Եւ յարեան որդիքն Ամոնայ եւ Մովաբու ի վերայ բնակչաց լերինն Սէիրայ սատակել եւ խորտակել. եւ իբրեւ վախճանեցին զբնակիչսն Սէիրայ, յարեան ի վերայ միմեանց սատակել։

ՄՆԱՑՈՐԴԱՑ ԵՐԿՐՈՐԴ 32:21

Եւ առաքեաց Տէր հրեշտակ, եւ սատակեաց զամենայն զօրաւոր եւ պատերազմող, զիշխան եւ զզօրագլուխ ի բանակի արքային Ասորեստանեայց. եւ դարձոյց զերեսս իւր ամօթով յերկիրն իւր, եւ չոգաւ ի տուն աստուածոյն իւրոյ. եւ որք ելեալ էին յորովայնէ նորա՝ ընկեցին զնա անդ սրով։

ԳԻՐՔ ՅՈԲԱՅ 36:7

Ոչ արկցէ զաչս իւր յարդարոյ. եւ որ գտանի առաջի նորա՝ ընդ թագաւորս է յաթոռ՝՝, եւ նստուսցէ զնոսա ի սպառ՝ եւ բարձրասցին։

ԳԻՐՔ ՅՈԲԱՅ 39:11

Յուսայցե՞ս ի նա՝ զի բազում է զօրութիւն նորա, եւ թողուցո՞ւս ի նա զամենայն գործս քո։

ԳԻՐՔ ՍԱՂՄՈՍԱՑ 20:8

Թագաւոր յուսացաւ ի Տէր, յողորմութենէ Բարձրելոյն նա մի՛ սասանեսցի։

ԳԻՐՔ ՍԱՂՄՈՍԱՑ 44:3

Գեղեցիկ տեսանելով քան զամենայն որդիս մարդկան. սփռեցան շնորհք ի շրթանց քոց, վասն այսորիկ օրհնեաց զքեզ Աստուած յաւիտեան։

ԵԼՔ 14:28

Եւ դարձուցեալ զջուրսն՝ ծածկեաց զկառս եւ զհեծեալս եւ զամենայն զօրութիւն փարաւոնի, որ մտեալ էին զհետ նոցա ի ծով անդր. եւ ոչ մնաց ի նոցանէ եւ ոչ մի։

ԺՈՂՈՎՕՂ 9:11

Դարձայ եւ տեսի ի ներքոյ արեգական, զի ոչ թեթեւաց են ընթացք, եւ ոչ զօրաւորաց պատերազմ, եւ ոչ իմաստնոց հաց, եւ ոչ հանճարեղաց մեծութիւն, եւ ոչ գիտնոց շնորհք. զի ժամանակ եւ պատահար պատահէ ամենեցուն նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 48:14

Զիա՞րդ ասիցէք թէ՝ Հզօրք եմք եւ արք զօրաւորք պատերազմի։

ՄԱՐԳԱՐԷՈՒԹԻՒՆ ԵՐԵՄԵԱՅ 9:23

Այսպէս ասէ Տէր. Մի՛ պարծեսցի իմաստունն յիմաստութիւն իւր, եւ մի՛ պարծեսցի հզօրն ի զօրութիւն իւր, եւ մի՛ պարծեսցի մեծն ի մեծութիւն իւր.

ՄԱՐԳԱՐԷՈՒԹԻՒՆ ՈՎՍԵԱՅ 10:13

Զմէ՞ խլխլեցէք զամպարշտութիւն, եւ զանօրէնութիւնս նորա գրգեցէք՝՝, եւ կերայք պտուղ ստութեան. զի յուսացար ի կառս քո, ի բազմութիւն զօրութեան քո։

ՄԱՐԳԱՐԷՈՒԹԻՒՆ ԱՄՈՎՍԱՅ 2:14

Եւ կորիցէ փախուստ յընթացողէն, եւ որ զօրաւորն իցէ մի՛ զօրասցի ի զօրութեան իւրում, եւ պատերազմողն մի՛ ապրեցուսցէ զանձն իւր,

ՄԱՐԳԱՐԷՈՒԹԻՒՆ ԱՄՈՎՍԱՅ 2:15

եւ աղեղնաւորն մի՛ կարասցէ ունել զդէմ, եւ որ արագն իցէ ոտիւք՝ մի՛ ապրեսցի, եւ հեծեալն մի՛ ապրեցուսցէ զանձն իւր,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:12

Եւ այժմ խնդրեմ ի քէն զլեառնն զայն, որպէս ասաց Տէր յաւուր յայնմիկ. զի դու ինքնին լուար զբանս զայս յաւուր յայնմիկ. եւ արդ աւանիկ Ենակիմք են անդ, եւ քաղաքք ամուրք եւ մեծամեծք. արդ եթէ Տէր ընդ իս է,՝՝ սատակեցից զնոսա, որպէս ասաց ինձ Տէր։

ԴԱՏԱՒՈՐՔ 7:2

Եւ ասէ Տէր ցԳեդէոն. Բազում է զօրդ որ ընդ քեզ է, առ ի չմատնելոյ ինձ զՄադիամ ի ձեռս դոցա. գուցէ պարծիցի ի վերայ իմ Իսրայէլ եւ ասիցէ, թէ՝ Ձեռն իմ փրկեաց զիս։

ԴԱՏԱՒՈՐՔ 7:4

Եւ ասէ Տէր ցԳեդէոն. Տակաւին բազում է զօրդ. իջո զդոսա ի ջուրն եւ փորձեցից քեզ զդոսա անդ. եւ եղիցի զորմէ ասացից ցքեզ եթէ՝ Դա երթիցէ ընդ քեզ, նա երթիցէ ընդ քեզ. եւ զամենայն զորմէ ասացից, թէ՝ Դա մի՛ երթիցէ ընդ քեզ, նա մի՛ երթիցէ ընդ քեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 17:4

Եւ ել այր զօրաւոր ի ճակատէ այլազգեացն, Գողիադ անուն նորա ի Գեթայ. բարձրութիւն նորա վեց կանգուն եւ թզաւ,

ԹԱԳԱՒՈՐՈՒԹԵԱՆՑ ԱՌԱՋԻՆ 2:9

Տայ զուխտս ուխտաւորի, եւ օրհնեաց զամս արդարոց՝՝. զի ոչ իւրով զօրութեամբ զօրանայ այր հզօր։