ԳԻՐՔ ՍԱՂՄՈՍԱՑ 33:10 - Գրաբար Աստվածաշունչ (1895)

¹⁰ Երկերուք ի Տեառնէ ամենայն սուրբք նորա, զի ոչ ինչ է պակասութիւն երկիւղածաց նորա։

ԳԻՐՔ ՍԱՂՄՈՍԱՑ 33:10 ပူးပေါင်းရင်းမြစ်များ

ԾՆՈՒՆԴՔ 11:8

Եւ սփռեաց զնոսա Տէր Աստուած անտի ընդ երեսս ամենայն երկրի, եւ դադարեցին ի շինելոյ զքաղաքն եւ զաշտարակն՝՝։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:31

Ազդ եղեւ Դաւթի եւ ասեն. Եւ Աքիտոփէլ ընդ ժողովեալսն առ Աբիսողոմայ է։ Եւ ասէ Դաւիթ. Ցրեա զխորհուրդն Աքիտոփելայ, Տէր Աստուած իմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:34

ապա թէ դարձցիս ի քաղաք, եւ ասասցես ցԱբիսողոմ, եթէ՝ Անցին եղբարք քո, եւ արքայ կաթոգին էր զկնի իմ, եւ անց հայր քո. եւ արդ՝՝ ծառայ քո եմ, արքայ, եւ թող կացից առաջի քո.՝՝ ծառայ հօր քո էի յայնժամ, եւ արդ քո ծառայ եմ ես, արքայ. եւ ցրեսցես յինէն զխորհուրդն Աքիտոփելայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:14

Եւ ասէ Աբիսողոմ եւ ամենայն այր Իսրայելի. Քաջ է խորհուրդդ Քուսեայ Արաքացւոյ քան զխորհուրդ Աքիտոփելայ։ Եւ Տէր ետ հրաման ցրել զքաջ խորհուրդն Աքիտոփելայ, զի ածցէ Տէր ի վերայ Աբիսողոմայ զամենայն չարիսն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:23

Եւ Աքիտոփէլ իբրեւ ետես եթէ ոչ եղեւ խորհուրդն նորա, հանդերձեաց զէշ իւր եւ յարեաւ գնաց ի տուն իւր ի քաղաք, եւ հրաման ետ տան իւրում, եւ խեղդ արկ եւ մեռաւ, եւ թաղեցաւ ի գերեզմանի հօր իւրոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 6:9

Եւ առաքեաց Եղիսէ առ արքայն Իսրայելի եւ ասէ. Զգոյշ լեր, գուցէ անցանիցես ընդ այն տեղի, զի անդ թաքուցեալ նստին Ասորիք։

ԳԻՐՔ ՆԷԵՄԵԱՅ 4:9

Եւ կացաք յաղօթս առ Տէր Աստուած մեր, եւ կացուցաք պահանորդս ի վերայ մեր ի տուէ եւ ի գիշերի առ ի յերեսաց թշնամեացն։

ԳԻՐՔ ՍԱՂՄՈՍԱՑ 140:8

Առ քեզ, Տէր, Տէր, են աչք իմ, ի քեզ յուսացայ, մի՛ հաներ զհոգի յինէն։

ԳԻՐՔ ՍԱՂՄՈՍԱՑ 21:11

Ի քեզ անկայ ես յարգանդէ, յորովայնէ մօր իմոյ, դու ես Աստուած իմ։

ԳԻՐՔ ՍԱՂՄՈՍԱՑ 9:15

որպէս պատմեցից զամենայն օրհնութիւնս քո ի դրունս դստեր Սիոնի, ցնծացայց ի փրկութեան քում։

ԱՌԱԿՔ ՍՈՂՈՄՈՆԻ 21:30

Ոչ է մարդոյ իմաստութիւն, ոչ արութիւն եւ ոչ խորհուրդ առ Աստուած։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 19:3

Եւ խռովեսցին ոգիք Եգիպտացւոցն յանձինս իւրեանց, եւ զխորհուրդ նոցա ցրեցից. եւ հարցանիցեն զդիսն իւրեանց եւ զպատկերս իւրեանց, եւ զգետնակոչս եւ զվհուկս։

ՄԱՐԳԱՐԷՈՒԹԻՒՆ ԵՍԱՅԵԱՅ 44:23

Ուրախ լերուք, երկինք, զի ողորմեցաւ Աստուած Իսրայելի՝՝. փող հարէք, հիմունք երկրի. գոչեցէք, լերինք, զուրախութիւն, բլուրք եւ ամենայն ծառք որ ի նոսա. զի փրկեաց Աստուած զՅակոբ, եւ Իսրայէլ՝՝ փառաւորեսցի։

ՄԱՐԳԱՐԷՈՒԹԻՒՆ ԵՍԱՅԵԱՅ 44:25

Ո՞ այլ ոք ցրեաց՝՝ զնշանս վհկաց, եւ զըղձութիւնս ի սրտից՝՝. ո՞ դարձուցանէ զիմաստունս յետս, եւ զխորհուրդս նոցա յիմարեցուցանէ,

ՄԱՐԳԱՐԷՈՒԹԻՒՆ ԵՐԵՄԵԱՅ 19:7

Եւ խափանեցից զխորհուրդն Յուդայ եւ զխորհուրդն Երուսաղեմի ի տեղւոջն յայնմիկ. եւ արկից զնոսա տապաստ սրով առաջի թշնամեաց իւրեանց, եւ ի ձեռս խնդրողաց անձանց նոցա. եւ տաց զդիակունս նոցա ի կերակուր թռչնոց երկնից եւ գազանաց երկրի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:32

Եւ եթէ անկցի յոգիս ձեր այդ, ոչ լիցի որպէս դուքդ ասէք, եթէ՝ Եղիցուք մեք իբրեւ զհեթանոսս եւ իբրեւ զազգս երկրի պաշտել զփայտս եւ զքարինս։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:4

Զի թէ ասիցէ Եդովմ, թէ՝ Ահա կործանեցաք, դարձցուք եւ շինեսցուք զքաղաքս աւերեալս. այսպէս ասէ Տէր ամենակալ. Նոքա շինեսցեն, եւ ես կործանեցից. եւ կոչեսցին նոքա Սահմանք անօրէնութեան, եւ ժողովուրդ՝ ընդ որում տացէ պատերազմ՝՝ Տէր մինչեւ ցյաւիտեան։