ԳԻՐՔ ՍԱՂՄՈՍԱՑ 32:5 - Գրաբար Աստվածաշունչ (1895)

⁵ եւ սիրէ զողորմութիւն եւ զիրաւունս Տէր. ողորմութեամբ Տեառն լի եղեւ երկիր.

ԳԻՐՔ ՍԱՂՄՈՍԱՑ 32:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:13

Եւ ասէ Դաւիթ ցՆաթան. Մեղայ Տեառն։ Եւ ասէ Նաթան ցԴաւիթ. Եւ Տէր անցոյց զքեւ զմեղս քո եւ մի՛ մեռցիս։

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:9

Եւ ընդէ՞ր անարգեցեր զբան Տեառն առնել չար առաջի աչաց նորա. զՈւրիա Քետացի հարեր դու սրով, եւ զկին նորա առեր դու քեզ կնութեան, եւ զնա սպաներ սրով որդւոցն Ամոնայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:10

Եւ եհար զԴաւիթ սիրտն իւր յետ թուելոյ զժողովուրդն, եւ ասէ Դաւիթ ցՏէր. Մեղայ յոյժ զոր արարի. եւ արդ անցո զանօրէնութիւն ի ծառայէ քումմէ, զի ընդունայնացայ յոյժ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:17

Եւ ասէ Դաւիթ ցՏէր, իբրեւ ետես զհրեշտակն որ հարկանէր զժողովուրդն, ասէ. Աւասիկ կամ, ես մեղայ, ես հովիւս յանցեայ, եւ դոքա ոչխարքդ զի՞ արարին. եղիցի ձեռն քո յիս եւ ի տուն հօր իմոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:50

եւ քաւեսցես զանիրաւութիւնս նոցա զոր մեղան քեզ, եւ ըստ ամենայն արհամարհանաց նոցա զոր արհամարհեցին զքեզ. եւ տացես զնոսա ի գթութիւն առաջի գերչաց իւրեանց, եւ գթասցիս ի նոսա.

ՄՆԱՑՈՐԴԱՑ ԵՐԿՐՈՐԴ 6:29

ամենայն աղօթք եւ ամենայն պաղատանք որ լինիցին ամենայն մարդոյ եւ ամենայն ժողովրդեան քո Իսրայելի, եթէ ծանիցէ մարդ զբորոտութիւն իւր եւ զախտ իւր՝՝, եւ ամբարձցէ զձեռս իւր ի տունս յայս,

ԵԶՐ 10:11

Եւ արդ տուք զօրհնութիւն Տեառն Աստուծոյ հարցն ձերոց, եւ արարէք զհաճոյսն առաջի նորա. եւ զատեալ որոշեցայք յամենայն հեթանոսաց երկրի եւ ի կանանց այլազգեաց զորս արարէք։

ԳԻՐՔ ՅՈԲԱՅ 31:33

եթէ թաքուցի զմեղս իմ ակամայ մեղուցեալ.

ԳԻՐՔ ՅՈԲԱՅ 33:27

Ապա մեղադիր լիցի մարդ, ինքն ցինքն ասիցէ, թէ՝ Զորպիսի՛ս վճարէի, եւ ոչ արժանի ըստ որոց մեղայն պատժեաց զիս։

ԳԻՐՔ ՍԱՂՄՈՍԱՑ 103:12

Անդ թռչունք երկնից բոյնս դիցեն, եւ ի միջոյ վիմաց տացեն զձայնս իւրեանց։

ԳԻՐՔ ՍԱՂՄՈՍԱՑ 103:3

եւ արկեր ի վերայ ջուրց զվերնայարկս նորա. ո դնէ յամպս զգնացս իւր, եւ շրջի նա ի վերայ թեւոց հողմոց։

ԳԻՐՔ ՍԱՂՄՈՍԱՑ 30:5

եւ հանցես զիս յորոգայթէ յայսմանէ որ թաքուցաւ ինձ. դու ես պաշտպան իմ, Տէր։

ԳԻՐՔ ՍԱՂՄՈՍԱՑ 51:6

Սիրեաց նա զամենայն խօսս կործանման, եւ զլեզուս նենգաւորս։

ԳԻՐՔ ՍԱՂՄՈՍԱՑ 86:5

Սիոնի ասի մայր, եւ մարդ՝՝ ծնաւ ի նմա, եւ ինքն հիմունս արկ ի նմա Բարձրեալն։

ԱՌԱԿՔ ՍՈՂՈՄՈՆԻ 28:13

Որ ծածկէ զամպարշտութիւն իւր՝ ոչ յաջողեսցի, իսկ որ ի վեր հանէ եւ յանդիմանէ՝ սիրելի լիցի՝՝։

ԱՌԱԿՔ ՍՈՂՈՄՈՆԻ 30:20

նոյնպիսի է եւ ճանապարհ կնոջ շնացողի. զի յորժամ գործէ ինչ՝ լուանայ եւ ասէ. Իմ չիք ինչ գործեալ՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 65:24

Եւ եղիցի՝ մինչչեւ կարդացեալ իցէ նոցա՝ ես լուայց նոցա, եւ մինչդեռ խօսիցին, ասացից թէ՝ Զի՞նչ խնդրէք՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 2:23

Զիա՞րդ ասիցես թէ՝ Ոչ պղծեցայ, եւ զհետ Բահաղու ոչ գնացի. տես զճանապարհս քո ի գերեզմանս, եւ ծանիր զինչ գործեցեր։

ՄԱՐԳԱՐԷՈՒԹԻՒՆ ԵՐԵՄԵԱՅ 2:35

Եւ ասացեր թէ՝ Անմեղ եմ, դարձցի սրտմտութիւն նորա յինէն. ահաւասիկ ես դատեցայց ընդ քեզ, զի ասացեր թէ՝ Ոչ մեղայ։

ՄԱՐԳԱՐԷՈՒԹԻՒՆ ԵՐԵՄԵԱՅ 3:13

Բայց ծանիր զանիրաւութիւնս քո, զի ի Տէր Աստուած քո ամպարշտեցար. եւ տարածեցեր զճանապարհս քո օտարաց ի ներքոյ ամենայն անտառախիտ ծառոց, եւ ձայնի իմում ոչ լուար, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 31:20

Եւ թէ՝՝ որդի սիրելի՞ իցէ իմ Եփրեմ, մանո՞ւկ գրգանաց, փոխանակ զի բանք իմ են ի նմա, յիշելով յիշեցից զնա միւսանգամ. վասն այնորիկ փութացայ յաղագս նորա՝՝, ողորմելով ողորմեցայց նմա, ասէ Տէր։

ՄԱՐԳԱՐԷՈՒԹԻՒՆ ՈՎՍԵԱՅ 6:1

Եւ ասասցեն. Դարձցուք եւ երթիցուք առ Տէր Աստուած մեր՝՝, զի նա եհար զմեզ, եւ նոյն բժշկեսցէ. վիրաւորեաց, եւ պատեսցէ զմեզ.

ՂԵՒՏԱԿԱՆ 5:5

եւ խոստովան լինիցի զմեղսն՝ զոր մեղաւ.

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:8

Իցէ՞ թէ խաբիցէ՝՝ մարդ զԱստուած. զի դուք խաբեցէք զիս, եւ ասացէք. Ի՞ւ խաբեցաք զքեզ. զի տասանորդք եւ պտուղք առ ձեզ են.

ԱՒԵՏԱՐԱՆ ԸՍՏ ՂՈՒԿԱՍՈՒ 16:15

Եւ ասէ ցնոսա. Դուք էք որ արդարացուցանէք զանձինս առաջի մարդկան, սակայն Աստուած գիտէ զսիրտս ձեր. զի որ առաջի մարդկան բարձր է՝ պիղծ է առաջի Աստուծոյ։

ԱՒԵՏԱՐԱՆ ԸՍՏ ՂՈՒԿԱՍՈՒ 7:47

Վասն որոյ ասեմ քեզ. Թողեալ լիցին սմա մեղք իւր բազումք, զի յոյժ սիրեաց. զի որում շատ թողուցու՝ շատ սիրէ, եւ որում սակաւ՝ սակաւ։

ԱՌ ԵՓԵՍԱՑԻՍ ԹՈՒՂԹ 4:32

Լերուք ընդ միմեանս քաղցունք, գթածք, շնորհել միմեանց, որպէս եւ Աստուած Քրիստոսիւ շնորհեաց մեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:19

Եւ ասէ Յեսու ցԱքար. Որդեակ իմ, տուր փառս այսօր Տեառն Աստուծոյ Իսրայելի, եւ տուր խոստովանութիւն եւ պատմեա ինձ զինչ գործեցեր, եւ մի՛ թաքուցաներ յինէն։