ԳԻՐՔ ՍԱՂՄՈՍԱՑ 3:8 - Գրաբար Աստվածաշունչ (1895)

⁸ Արի, Տէր, եւ փրկեա զիս, Աստուած իմ. զի դու հարեր զամենեսեան ոյք էին ընդ իս թշնամութեամբ ի տարապարտուց, եւ զատամունս մեղաւորաց փշրեսցես։

ԳԻՐՔ ՍԱՂՄՈՍԱՑ 3:8 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:12

եւ արձանացաւ ի մէջ վիճակին եւ ապրեցոյց զնա, եւ եհար զայլազգիսն, եւ արար Տէր փրկութիւն մեծ։

ԳԻՐՔ ՍԱՂՄՈՍԱՑ 29:11

Լուաւ ինձ Տէր եւ ողորմեցաւ, եւ Տէր եղեւ ինձ օգնական։

ԳԻՐՔ ՍԱՂՄՈՍԱՑ 58:7

Դարձցին ընդ երեկոյս, սովեսցին որպէս շունք եւ շրջեսցին զքաղաքաւ։

ԳԻՐՔ ՍԱՂՄՈՍԱՑ 72:17

մինչեւ մտից ի սրբութիւնն Աստուծոյ եւ ի միտ առից զկատարած նոցա։

ԳԻՐՔ ՍԱՂՄՈՍԱՑ 9:20

Արի, Տէր, եւ մի՛ զօրասցի մարդ. դատեսցին հեթանոսք առաջի քո։

ԱՌԱԿՔ ՍՈՂՈՄՈՆԻ 21:31

Երիվար պատրաստի յաւուր պատերազմի, բայց ի Տեառնէ է օգնականութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 43:11

Ես եմ Աստուած՝՝, եւ չիք ոք բաց յինէն որ փրկիցէ։

ՄԱՐԳԱՐԷՈՒԹԻՒՆ ԵՐԵՄԵԱՅ 3:23

Արդարեւ սուտ իսկ էին բլուրք եւ զօրութիւնք բարձանց՝՝. բայց ի ձեռն Տեառն Աստուծոյ մերոյ է փրկութիւն Իսրայելի։

ՄԱՐԳԱՐԷՈՒԹԻՒՆ ՈՎՍԵԱՅ 13:4

Ես եմ Տէր Աստուած քո որ հաստատեցի զերկինս եւ հաստատեցի զերկիր, որոյ ձեռք հաստատեցին զամենայն զօրս երկնից, եւ ոչ ցուցի քեզ երթալ զհետ նոցա, եւ ես հանի զքեզ յերկրէն Եգիպտացւոց՝՝. եւ Աստուած բաց յինէն ոչ ծանիցես, եւ Փրկիչ՝ ոչ գոյ բաց յինէն։

ՄԱՐԳԱՐԷՈՒԹԻՒՆ ՅՈՎՆԱՆՈՒ 2:9

Որ պահէին զունայնութիւն եւ զստութիւն՝ զողորմութիւնս իւրեանց թողին։

ԹԻՒՔ 10:35

Եւ եղեւ ի չուել տապանակին՝ ասէ Մովսէս. Արի, Տէր, եւ ցրուեսցին թշնամիք քո, փախիցեն ամենայն ատելիք քո՝՝։

ԳՈՐԾՔ ԱՌԱՔԵԼՈՑ 3:26

Ձեզ նախ յարոյց Աստուած զՈրդի իւր եւ առաքեաց զնա օրհնել զձեզ՝ ի դառնալ ձեզ իւրաքանչիւր ի չարեաց ձերոց։

ԳՈՐԾՔ ԱՌԱՔԵԼՈՑ 4:12

եւ չիք այլով իւիք փրկութիւն, զի եւ ոչ անուն այլ գոյ ի ներքոյ երկնից տուեալ ի մարդիկ, որով արժան իցէ կեալ մեզ։

ԱՌ ԵՓԵՍԱՑԻՍ ԹՈՒՂԹ 1:3

Օրհնեալ է Աստուած եւ Հայր Տեառն մերոյ Յիսուսի Քրիստոսի, որ օրհնեաց զմեզ ամենայն հոգեւոր օրհնութեամբ յերկնաւորս ի Քրիստոս.

ԱՌ ԵԲՐԱՅԵՑԻՍ ԹՈՒՂԹ 6:14

յանձն իւր երդուաւ եւ ասէ. Այո, օրհնելով օրհնեցից զքեզ, եւ բազմացուցանելով բազմացուցից զքեզ։

ՊԵՏՐՈՍԻ ԱՌԱՋԻՆ՝՝ 3:9

Մի՛ չար փոխանակ չարի հատուցանել, կամ բամբասանս ընդ բամբասանաց. այլ զնորին հակառակն օրհնել, զի յայս իսկ կոչեցարուք, զի զօրհնութիւնն ժառանգիցէք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 19:1

Եւ յետ այնորիկ լուայ ձայն մեծ բազմութեան յերկինս ասելով. Ալէլուիա, փրկութիւն եւ փառք եւ պատիւ եւ զօրութիւն Աստուծոյ մերում.

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 7:10

Աղաղակէին ի ձայն մեծ եւ ասէին. Փրկութիւն Աստուծոյ մերոյ, որ նստի ի վերայ աթոռոյն, եւ Գառինն։