ԳԻՐՔ ՍԱՂՄՈՍԱՑ 18:14 - Գրաբար Աստվածաշունչ (1895)

¹⁴ եւ յօտարէն՝՝ պահեա զծառայս քո. ապա թէ ոչ տիրեսցեն ինձ. յայնժամ ամբիծ եղէց, եւ սուրբ եղէց ի մեղաց մեծաց։

ԳԻՐՔ ՍԱՂՄՈՍԱՑ 18:14 ပူးပေါင်းရင်းမြစ်များ

ԳԻՐՔ ՅՈԲԱՅ 37:4

Զկնի նորա գոչեսցէ բարբառ, որոտայցէ ձայնիւ բարձրութեան իւրոյ, եւ ոչ փոխանակեսցէ զնոսա զի լսելի արասցէ զձայն իւր։

ԳԻՐՔ ՅՈԲԱՅ 37:5

Եւ որոտասցէ Հզօրն սքանչելի բարբառով իւրով. քանզի արար մեծամեծս՝ զոր ոչ գիտէաք։

ԳԻՐՔ ՅՈԲԱՅ 38:35

Արձակիցե՞ս շանթս՝ եւ գնայցեն, եւ ասիցեն ցքեզ թէ զի՛նչ է։

ԳԻՐՔ ՅՈԲԱՅ 6:4

Զի նետք Տեառն ի մարմնի իմում են, եւ սրտմտութիւն նորա ծծէ զարիւն իմ. յորժամ սկսանիմ խօսել՝ կտտեն զիս՝՝։

ԳԻՐՔ ՍԱՂՄՈՍԱՑ 144:6

Զզօրութիւն ահի քո ասասցեն, եւ զմեծութիւնս քո պատմեսցեն։

ԳԻՐՔ ՍԱՂՄՈՍԱՑ 21:12

Մի՛ ի բացեայ առնիր յինէն, զի նեղութիւնք մերձեալ են, եւ ոչ ոք է որ օգնէ ինձ։

ԳԻՐՔ ՍԱՂՄՈՍԱՑ 29:3

Տէր, հաներ ի դժոխոց զանձն իմ,

ԳԻՐՔ ՍԱՂՄՈՍԱՑ 29:7

Ես ասացի ի բարեկենդանութեան իմում, թէ՝ Ոչ սասանեցայց յաւիտեան։

ԳԻՐՔ ՍԱՂՄՈՍԱՑ 77:17

սակայն յաւելին ի մեղանչել, եւ եւս բարկացուցին զԲարձրեալն յանջրդի։

ԳԻՐՔ ՍԱՂՄՈՍԱՑ 77:18

Փորձեցին զԱստուած ի սիրտս իւրեանց, ի խնդրել զկերակուր անձանց իւրեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 30:30

Եւ լսելի արասցէ՝՝ զփառս բարբառոյ իւրոյ, եւ զսրտմտութիւն բազկի իւրոյ ցուցցէ բարկութեամբ՝ եւ սրտմտութեամբ եւ բոցով որ ուտիցէ. եւ սաստիկ բարկութեամբ հրացանից, եւ ջրով եւ կարկտիւ միանգամայն հոսելով բռնութեամբ՝՝։

ՄԱՐԳԱՐԷՈՒԹԻՒՆ ՅՈՎԵԼԱՅ 2:11

Եւ Տէր տացէ զձայն իւր առաջի երեսաց զօրութեան իւրոյ. զի բազում է յոյժ բանակ նորա, եւ հզօր գործ պատերազմաց՝՝ նորա. զի մեծ է օր Տեառն, մեծ եւ երեւելի յոյժ. եւ ո՞վ իցէ նմա բաւական։

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 3:11

Բարձաւ արեգակն, եւ լուսին եկաց ի կարգի իւրում. գնասցեն նետք քո ի լոյս՝՝, ի փայլիւն փայլատականց զինուց քոց։

ԹԻՒՔ 24:8

Աստուած առաջնորդեաց նմա յԵգիպտոսէ, իբրեւ փառք միեղջիւրու ի վերայ նորա. կերիցէ զազգս թշնամեաց իւրոց, եւ զպարարտութիւն նոցա ուղղածուծ արասցէ՝՝. եւ նետիւք իւրովք նետաձիգ լիցի ի թշնամիս։

ԵՐԿՐՈՐԴՈՒՄՆ ՕՐԻՆԱՑ 32:23

Կուտեցից ի նոսա չարիս, եւ զնետս իմ սպառեցից ի նոսա։

ԵՐԿՐՈՐԴՈՒՄՆ ՕՐԻՆԱՑ 32:42

Արբեցուցից զնետս իմ յարենէ, եւ սուր իմ կերիցէ միս յարենէ վիրաւորաց եւ գերութեան, ի գլխոց իշխանաց թշնամեաց։ Ուրախ լերուք, երկինք, հանդերձ նովաւ, եւ երկիր պագցեն նմա ամենայն որդիք Աստուծոյ։՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:10

Եւ զարհուրեցոյց զնոսա Տէր յերեսաց Իսրայելի, եւ եբեկ զնոսա բեկումն մեծ ի Գաբաւոն. եւ հալածեցին զնոսա ընդ ճանապարհ զառիվայրին Բեթորոնայ, եւ կոտորեցին զնոսա մինչեւ յԱզեկա եւ ցՄակեդա։

ԹԱԳԱՒՈՐՈՒԹԵԱՆՑ ԱՌԱՋԻՆ 2:10

Տէր տկար առնէ զհակառակորդս իւր, Տէր սուրբ է։ Մի՛ պարծեսցի իմաստունն յիմաստութիւն իւր, եւ մի՛ պարծեսցի հզօրն ի զօրութիւն իւր, եւ մի՛ պարծեսցի մեծատունն ի մեծութիւն իւր. այլ այնու պարծեսցի՝ որ պարծիցին, իմանալ եւ ճանաչել զՏէր, եւ առնել զիրաւունս եւ զարդարութիւն ի մէջ երկրի։ Տէր ել յերկինս եւ որոտաց, եւ ինքն դատի զծագս երկրի, որ արդարն է, տայ զօրութիւն թագաւորաց մերոց՝՝, եւ բարձրացուսցէ զեղջեւր օծելոյ իւրոյ։