ԳԻՐՔ ՍԱՂՄՈՍԱՑ 16:5 - Գրաբար Աստվածաշունչ (1895)

⁵ Հաստատեա զշաւիղս իմ ի ճանապարհի քում, զի մի՛ գայթակղեսցին գնացք իմ։

ԳԻՐՔ ՍԱՂՄՈՍԱՑ 16:5 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 11:6

Վասն տառապանաց աղքատին եւ հեծութեան տնանկին՝ Այժմ յարեայց, ասէ Տէր, եդից զփրկութիւն իմ եւ համարձակեցայց ի նոսա՝՝։

ԳԻՐՔ ՍԱՂՄՈՍԱՑ 125:3

Մեծ արար Տէր զառնել իւր ընդ մեզ, եւ մեք եղաք բերկրեալք։

ԳԻՐՔ ՍԱՂՄՈՍԱՑ 142:5

Յիշեցի զաւուրսն զառաջինս, խորհեցայ յամենայն ի գործս քո. յարարածս ձեռաց քոց խորհեցայ։

ԳԻՐՔ ՍԱՂՄՈՍԱՑ 2:6

Ես կացի թագաւոր ի նմանէ, ի վերայ Սիոնի լերին սրբոյ նորա՝ ի պատմել զհրամանս Տեառն։

ԳԻՐՔ ՍԱՂՄՈՍԱՑ 23:5

Սա առցէ զօրհնութիւն ի Տեառնէ, զողորմութիւն յԱստուծոյ փրկչէ իւրմէ։

ԳԻՐՔ ՍԱՂՄՈՍԱՑ 89:4

Հազար ամ յաչս Տեառն որպէս օր երեկի զի անց, որպէս պահ մի գիշերոյ.

ԳԻՐՔ ՍԱՂՄՈՍԱՑ 9:4

Ի դառնալ յետս թշնամեաց իմոց, տկարասցին եւ կորիցեն յերեսաց քոց։

ՄԱՐԳԱՐԷՈՒԹԻՒՆ ԵՍԱՅԵԱՅ 42:1

Յակոբ ծառայ իմ, օգնական եղէց նմա, Իսրայէլ ընտրեալ իմ զոր ընկալաւ անձն իմ. ետու զՈգի իմ ի վերայ նորա, եւ իրաւունս հեթանոսաց հանցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 53:12

Վասն այնորիկ նա ժառանգեսցէ զբազումս, եւ զաւար հզօրաց բաշխեսցէ՝՝. փոխանակ զի ի մահ մատնեցաւ անձն նորա՝՝, եւ ընդ անօրէնս համարեցաւ. եւ նա զմեղս բազմաց վերացոյց եւ վասն անօրէնութեանց նոցա մատնեցաւ՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 10:16

Այլ ոչ այնպիսի ինչ է Բաժինն Յակոբայ. զի որ ստեղծն զամենայն՝ նա է բաժին նորա՝՝, եւ Իսրայէլ գաւազան ժառանգութեան նորա. Տէր զօրութեանց անուն է նորա։

ՈՂԲՔ 3:24

Ասաց անձն իմ. Բայ, բաժին իմ է Տէր, վասն այնորիկ ակն կալայց նմա։

ԳՈՐԾՔ ԱՌԱՔԵԼՈՑ 2:32

Զայս Յիսուս յարոյց Աստուած, որում ամենեքին մեք վկայ եմք։

ԳՈՐԾՔ ԱՌԱՔԵԼՈՑ 5:31

Զնա Աստուած Առաջնորդ եւ Փրկիչ բարձրացոյց աջովն իւրով տալ ապաշխարութիւն Իսրայելի եւ թողութիւն մեղաց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:25

Զի պարտ է նմա թագաւորել մինչեւ դիցէ զամենայն թշնամիս ի ներքոյ ոտից իւրոց։

ԱՌ ԵՓԵՍԱՑԻՍ ԹՈՒՂԹ 5:18

Եւ մի՛ արբենայք գինւով յորում զեղխութիւն է, այլ մանաւանդ լցարուք Հոգւով.

ԵՐԿՐՈՐԴՈՒՄՆ ՕՐԻՆԱՑ 18:2

եւ վիճակ մի՛ լիցի նոցա ի մէջ եղբարց իւրեանց. զի Տէր է վիճակ նոցա, որպէս ասաց նոցա։

ԵՐԿՐՈՐԴՈՒՄՆ ՕՐԻՆԱՑ 32:9

եղեւ բաժին Տեառն ժողովուրդ իւր, Յակոբ վիճակ ժառանգութեան իւրոյ Իսրայէլ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:25

Եւ սահման եդ Տէր ընդ մեզ եւ ընդ ձեզ, որդիք Ռուբենի եւ որդիք Գադայ, զՅորդանան, եւ չիք ձեր բաժին ի Տեառնէ. եւ օտարացուցանիցեն որդիք ձեր զորդիսն մեր զի մի՛ պաշտիցեն զՏէր՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:27

այլ զի իցէ սա ի վկայութիւն ընդ մեզ եւ ընդ ձեզ եւ ընդ որդիս մեր յետ մեր, պաշտել զպաշտօն Տեառն առաջի նորա ընծայիւք մերովք եւ պատարագօք մերովք եւ զոհիւք փրկութեանց մերոց՝՝, եւ ոչ ասասցեն որդիք ձեր ցորդիս մեր վաղիւ, թէ՝ Ոչ գոյ ձեր բաժին ի Տեառնէ։