ԳԻՐՔ ՍԱՂՄՈՍԱՑ 1:4 - Գրաբար Աստվածաշունչ (1895)

⁴ Ոչ այսպէս են ամպարիշտք, եւ ոչ այնպէս.՝՝ այլ որպէս զփոշի զոր հոսէ հողմ ի վերայ երեսաց երկրի՝՝։

ԳԻՐՔ ՍԱՂՄՈՍԱՑ 1:4 ပူးပေါင်းရင်းမြစ်များ

ԳԻՐՔ ՅՈԲԱՅ 21:18

Եղիցին իբրեւ զյարդ առաջի հողմոյ, կամ իբրեւ զփոշի զոր տարաւ մրրիկ։

ԳԻՐՔ ՅՈԲԱՅ 8:13

Արդ այնպէս եղիցի վախճան ամենեցուն որ մոռանայցեն զՏէր. զի յոյս ամպարշտի կորիցէ։

ԳԻՐՔ ՍԱՂՄՈՍԱՑ 35:5

Զանօրէնութիւն խորհեցաւ յանկողնի իւրում. եկաց նա յամենայն ճանապարհ որ ոչ է բարի, եւ ի չարէ նա ոչ ձանձրացաւ։

ՄԱՐԳԱՐԷՈՒԹԻՒՆ ԵՍԱՅԵԱՅ 17:13

Իբրեւ զջուրս բազումս ազգք բազում, իբրեւ ջուրց բազմաց բռնութիւն հոսանաց. եւ վտտեսցէ զնոսա եւ բացուստ ի բաց հալածեսցէ. իբրեւ զունգ յարդի՝՝ հոսեալ յերեսաց հողմոյ, եւ իբրեւ զփոշի անուոյ ի փոթորկէ մրրկեալ։

ՄԱՐԳԱՐԷՈՒԹԻՒՆ ԵՍԱՅԵԱՅ 29:5

Եւ եղիցի իբրեւ զփոշի անուոյ մեծութիւն ամպարշտաց՝՝, եւ իբրեւ զունգ մաղեալ բազմութիւն զրկողացն քոց եւ եղիցի որչափ յական թօթափել։

ՄԱՐԳԱՐԷՈՒԹԻՒՆ ԵՐԵՄԵԱՅ 13:24

Եւ ցրուեցից զնոսա իբրեւ զխռիւ հողմակոծեալ յանապատի։

ՄԱՐԳԱՐԷՈՒԹԻՒՆ ՈՎՍԵԱՅ 13:3

Վասն այնորիկ եղիցին իբրեւ զամպ առաւօտու, եւ իբրեւ զցօղ վաղորդայնոյ որ անցանէ, եւ իբրեւ զփոշի հոսեալ ի կալոյ, եւ իբրեւ զծուխ ի պատուհանից։

Մատթեոսի Աւետարան 3:12

որոյ հեծանոցն ի ձեռին իւրում, եւ սրբեսցէ զկալ իւր, եւ ժողովեսցէ զցորեանն ի շտեմարանս իւր, եւ զյարդն այրեսցէ անշէջ հրով։