ԱՌԱԿՔ ՍՈՂՈՄՈՆԻ 7:26 - Գրաբար Աստվածաշունչ (1895)

²⁶ Զի զբազումս տապաստ արկեալ է նորա խոցոտելով, եւ անթիւ են՝՝ սպանեալք ի նմանէ։

ԱՌԱԿՔ ՍՈՂՈՄՈՆԻ 7:26 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:27

Եւ դարձոյց զԱբեններ ի Քեբրոն, եւ խոտորեցոյց զնա Յովաբ ի կողմանց դրանն խօսել ընդ նմա դաւաճանութեամբ. եւ եհար ընդ սնակուշտն, եւ մեռաւ. վասն արեանն Ասայելի եղբօր Յովաբայ։

ԳԻՐՔ ՆԷԵՄԵԱՅ 13:26

Եւ ասեմ ցնոսա՝՝. Ո՞չ յայդմ ամենայնի մեղաւ Սողոմոն թագաւոր Իսրայելի. եւ ո՞վ էր իբրեւ զնա իմաստուն յամենայն թագաւորս մեր՝՝. եւ սիրելի էր նա Աստուծոյ, եւ կացոյց զնա Աստուած թագաւոր ի վերայ ամենայն Իսրայելի. եւ զայսպիսի սիրելի Աստուծոյ եւ զիմաստուն եւ զմեծ թագաւոր՝ խոտորեցուցին եւ յանցուցին ի մեղս կանայք այլազգեաց՝՝։

ԱՌԱԿՔ ՍՈՂՈՄՈՆԻ 2:18

զի եդ մերձ ի մահ զտուն իւր, եւ մօտ ի դժոխս՝ ընդ երկրածինս զշաւիղս իւր։

ԱՌԱԿՔ ՍՈՂՈՄՈՆԻ 23:28

Զի այնպիսին վաղվաղակի սատակեսցի, եւ ամենայն անօրէն սպառեսցի։

ԱՌԱԿՔ ՍՈՂՈՄՈՆԻ 6:33

ցաւս եւ անարգանս կրէ, եւ նախատինք նորա մի՛ կորիցեն յաւիտեան։

ԱՌԱԿՔ ՍՈՂՈՄՈՆԻ 7:27

Ճանապարհք դժոխոց են տուն նորա, որ իջուցանեն ի շտեմարանս մահու։

ԱՌԱԿՔ ՍՈՂՈՄՈՆԻ 9:18

Եւ ոչ գիտէ եթէ երկրածինք առ նմա կորնչին, եւ ի թափս դժոխոց հասանեն։ Այլ դու ի բաց ոստիր, եւ մի՛ յամեր ի տեղւոջ նորա, եւ մի՛ հաստատեր զակն քո ի նա. զի այնպէս անցցես ընդ ջուրն օտար, եւ անցանիցես ընդ գետն օտարական. եւ ի ջրոյ օտարէ ի բաց լինիցիս, եւ յօտար աղբիւրէ մի՛ ըմպիցես. զի բազում ժամանակս կեցցես, եւ յաւելցին քեզ ամք կենաց։՝՝

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:8

Եւ մի՛ պոռնկեսցուք, որպէս ոմանք պոռնկեցան ի նոցանէ, եւ անկան ի միում աւուր քսան եւ չորք հազարք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 12:21

գուցէ դարձեալ, յորժամ գայցեմ, նկուն ինչ առնիցէ զիս Աստուած իմ առ ձեզ. եւ սուգ առնուցում վասն բազմաց յառաջագոյն մեղուցելոց, եւ ոչ ապաշխարելոց ի վերայ պղծութեան եւ պոռնկութեան եւ գիջութեան զոր գործեցին։

ՊԵՏՐՈՍԻ ԱՌԱՋԻՆ՝՝ 2:11

Սիրելիք, աղաչեմ իբրեւ զպանդուխտս եւ զնժդեհս ի բաց մերժել ի մարմնաւոր ցանկութեանցն որ զինուորին ընդդէմ ոգւոց,

ԴԱՏԱՒՈՐՔ 16:21

Եւ կալան զնա այլազգիքն, եւ բրեցին զաչս նորա. եւ իջուցին զնա ի Գազա, եւ կապեցին զնա երկաթի կապանօք. եւ աղայր ի տան բանտին։