ԱՌԱԿՔ ՍՈՂՈՄՈՆԻ 6:17 - Գրաբար Աստվածաշունչ (1895)

¹⁷ աչք թշնամանողի, լեզու անիրաւ, ձեռք որ հեղուն զարիւն արդար,

ԱՌԱԿՔ ՍՈՂՈՄՈՆԻ 6:17 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:16

Նա եւ արիւն անպարտ եհեղ Մանասէ բազում յոյժ, մինչեւ ելից զԵրուսաղէմ ծայր ի ծայր. թող զմեղս իւր որովք մեղոյցն զՅուդա առնել չար առաջի Տեառն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:4

եւ վասն անպարտ արեանցն զոր եհեղ եւ ելից զԵրուսաղէմ անպարտ արեամբ. եւ ոչ կամեցաւ Տէր ցածնուլ։

ԳԻՐՔ ՍԱՂՄՈՍԱՑ 10:4

Զի զոր դուն շինեցեր՝ նոքա աւերեցին՝՝. իսկ արդարն զի՞ արար։

ԳԻՐՔ ՍԱՂՄՈՍԱՑ 101:5

Հարաւ որպէս խոտ եւ ցամաքեցաւ սիրտ իմ, մոռացայ ուտել զհաց իմ։

ԳԻՐՔ ՍԱՂՄՈՍԱՑ 131:1

Յիշեա, Տէր, զԴաւիթ, եւ զամենայն հեզութիւն նորա։

ԳԻՐՔ ՍԱՂՄՈՍԱՑ 5:6

Մի՛ անօրէնք բնակեսցեն առաջի աչաց քոց. ատեցեր զայնոսիկ ոյք գործեն զանօրէնութիւն.

ԳԻՐՔ ՍԱՂՄՈՍԱՑ 5:7

կորուսանես զամենեսեան ոյք խօսին սուտ, զայր արիւնահեղ եւ զնենգաւոր պիղծ առնես դու, Տէր։

ԱՌԱԿՔ ՍՈՂՈՄՈՆԻ 1:11

եւ ասիցեն. Եկ ընդ մեզ՝ կցորդ լեր արեան. ծածկեսցուք յերկրի զայր արդար ի տարապարտուց.

ԱՌԱԿՔ ՍՈՂՈՄՈՆԻ 1:16

Զի ոտք նոցա ի չարիս ընթանան, եւ երագունք են ի հեղուլ զարիւն։

ԱՌԱԿՔ ՍՈՂՈՄՈՆԻ 12:22

Պիղծ են առաջի Տեառն շրթունք սուտք, իսկ որ առնէ զհաւատս՝ ընդունելի է նմա։

ԱՌԱԿՔ ՍՈՂՈՄՈՆԻ 14:5

Վկայ հաւատարիմ ոչ ստէ. բորբոքէ զստութիւն վկայ անիրաւ։

ԱՌԱԿՔ ՍՈՂՈՄՈՆԻ 16:5

Պիղծ է առաջի Տեառն ամենայն մեծամիտ. որ ձեռնամուխ լինի տարապարտուց՝ ոչ արդարասցի։ Սկիզբն ճանապարհի բարւոյ՝ գործելն զարդարութիւն, եւ ընդունելի են Աստուծոյ աղօթք՝ քան մատուցանել պատարագս։

ԱՌԱԿՔ ՍՈՂՈՄՈՆԻ 17:7

Ոչ վայելեն անզգամաց շրթունք հաւատարիմք, եւ ոչ արդարոց՝ շրթունք սուտք։

ԱՌԱԿՔ ՍՈՂՈՄՈՆԻ 21:4

Մեծամիտ է ի թշնամանս այր խստասիրտ՝՝. ղամբար ամպարշտաց՝ մեղք։

ԱՌԱԿՔ ՍՈՂՈՄՈՆԻ 26:28

Լեզու սուտ՝ ատեայ զճշմարտութիւն, բերան անդադար՝ գործէ խռովութիւնս՝՝։

ԱՌԱԿՔ ՍՈՂՈՄՈՆԻ 28:17

Այր որ զմահապարտ յերաշխի առնու, փախստական լինի եւ ոչ ի հաստատութեան։ Խրատեա զորդի քո, եւ հանգուսցէ զքեզ, եւ տացէ զարդ անձին քում, եւ ոչ հնազանդեսցի ազգի անօրինի։՝՝

ԱՌԱԿՔ ՍՈՂՈՄՈՆԻ 30:13

Ծնունդ չար՝՝ ամբարտաւան աչս ունի, եւ յարտեւանունս իւր հպարտանայ։

ԱՌԱԿՔ ՍՈՂՈՄՈՆԻ 6:16

Զի խնդայ ընդ ամենայն զոր ատեայ Տէր, եւ խորտակի վասն պղծութեան անձին իւրոյ.՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 1:15

Յորժամ համբառնայցէք զձեռս ձեր՝ դարձուցից զերեսս իմ ի ձէնջ, եւ եթէ յաճախիցէք յաղօթս՝ ոչ լուայց ձեզ. զի ձեռք ձեր լի են արեամբ։

ՄԱՐԳԱՐԷՈՒԹԻՒՆ ԵՍԱՅԵԱՅ 2:11

Զի աչք Տեառն բարձունք են, եւ մարդ տառապեալ՝՝. եւ խոնարհեսցի բարձրութիւն մարդկան, եւ բարձրասցի Տէր միայն յաւուր յայնմիկ։

ՄԱՐԳԱՐԷՈՒԹԻՒՆ ԵՍԱՅԵԱՅ 3:16

Այսպէս ասէ Տէր. Փոխանակ զի հպարտացան դստերք Սիոնի, եւ գնացին ի բարձր պարանոց. յօնօք ակնարկէին, եւ ի գնացս իւրեանց քարշէին զստորոտս իւրեանց, եւ ոտիւքն կաքաւէին,

ՄԱՐԳԱՐԷՈՒԹԻՒՆ ԵՍԱՅԵԱՅ 3:9

Վասն որոյ խոնարհեցան փառք նոցա, եւ ամօթ երեսաց նոցա ծածկեաց զնոսա,՝՝ եւ զմեղս իւրեանց իբրեւ զՍոդոմացւոցն պատմեցին եւ յայտ արարին. վա՜յ անձանց նոցա՝ զի խորհեցան խորհուրդ չար առանձինն,

ՄԱՐԳԱՐԷՈՒԹԻՒՆ ԵՐԵՄԵԱՅ 26:15

Բայց գիտելով գիտասջիք, զի թէ սպանանէք դուք զիս, արիւն անպարտ արկանէք ի վերայ ձեր եւ ի վերայ քաղաքիս այսորիկ եւ ի վերայ բնակչաց սորա. զի ճշմարտութեամբ առաքեաց զիս Տէր առ ձեզ, խօսել յականջս ձեր զամենայն բանս զայսոսիկ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 8:44

Դուք ի հօրէ ի Սատանայէ էք, եւ զցանկութիւնս հօրն ձերոյ կամիք առնել. զի նա մարդասպան էր ի սկզբանէ, եւ ի ճշմարտութեան ոչ եկաց, զի ոչ գոյ ճշմարտութիւն ի նմա. յորժամ խօսիցի սուտ, յիւրոց անտի խօսի. զի սուտ է եւ հայր նորա։

ԵՐԿՐՈՐԴՈՒՄՆ ՕՐԻՆԱՑ 19:10

եւ մի՛ հեղցի արիւն անպարտ յերկրին քում, զոր Տէր Աստուած քո տացէ քեզ ի ժառանգութիւն. եւ մի՛ ոք լիցի ի միջի քում պարտական արեան։

ԵՐԿՐՈՐԴՈՒՄՆ ՕՐԻՆԱՑ 27:25

Անիծեալ՝ որ առնուցու կաշառ հարկանել զանձն արեան արդարոյ՝՝. եւ ասասցէ ամենայն ժողովուրդն. Եղիցի։

ՊԵՏՐՈՍԻ ԱՌԱՋԻՆ՝՝ 5:5

Սոյնպէս եւ, երիտասարդք, հնազանդ լերուք ծերոց. ամենեքին ընդ միմեանս զխոնարհութիւն ունիցիք. զի Աստուած ամբարտաւանից հակառակ կայ, տայ շնորհս խոնարհաց։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:15

Այլ ելցեն արտաքս շունք եւ դեղատուք եւ սպանողք եւ կռապաշտք, եւ ամենեքեան որ սիրեն զստութիւն։