ԱՌԱԿՔ ՍՈՂՈՄՈՆԻ 6:16 - Գրաբար Աստվածաշունչ (1895)

¹⁶ Զի խնդայ ընդ ամենայն զոր ատեայ Տէր, եւ խորտակի վասն պղծութեան անձին իւրոյ.՝՝

ԱՌԱԿՔ ՍՈՂՈՄՈՆԻ 6:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:16

Նա եւ արիւն անպարտ եհեղ Մանասէ բազում յոյժ, մինչեւ ելից զԵրուսաղէմ ծայր ի ծայր. թող զմեղս իւր որովք մեղոյցն զՅուդա առնել չար առաջի Տեառն։

ԳԻՐՔ ՅՈԲԱՅ 5:19

Վեցիցս ի վշտաց փրկեսցէ զքեզ, եւ յեւթներորդումն ոչ մերձեսցի առ քեզ չար։

ԳԻՐՔ ՍԱՂՄՈՍԱՑ 11:5

ոյք ասացին. Զլեզուս մեր մեծս արասցուք, շրթունք մեր առ մեզ են, եւ արդ մեր ո՞վ է տէր։

ԳԻՐՔ ՍԱՂՄՈՍԱՑ 5:7

կորուսանես զամենեսեան ոյք խօսին սուտ, զայր արիւնահեղ եւ զնենգաւոր պիղծ առնես դու, Տէր։

ԱՌԱԿՔ ՍՈՂՈՄՈՆԻ 11:1

Կշիռք նենգութեան պիղծ են առաջի Տեառն, կշիռ արդար ընդունելի է նմա։

ԱՌԱԿՔ ՍՈՂՈՄՈՆԻ 11:20

Պիղծ են Տեառն՝ ճանապարհք թեւրք՝՝, եւ ընդունելի են նմա ամենայն ամբիծք ճանապարհաւ։

ԱՌԱԿՔ ՍՈՂՈՄՈՆԻ 12:22

Պիղծ են առաջի Տեառն շրթունք սուտք, իսկ որ առնէ զհաւատս՝ ընդունելի է նմա։

ԱՌԱԿՔ ՍՈՂՈՄՈՆԻ 17:15

Որ արդար համարի զանիրաւն եւ անիրաւ զարդարն, պիղծ եւ գարշելի են առաջի Տեառն երկոքին։

ԱՌԱԿՔ ՍՈՂՈՄՈՆԻ 20:10

Կշիռ մեծ եւ փոքր եւ չափ կրկին՝ պիղծ են առաջի Աստուծոյ երկոքեան, եւ խափանեսցին նոքա եւ որ առնենն զնոսա. նա եւ ի գնացս իսկ իւր խափանեսցի այր։

ԱՌԱԿՔ ՍՈՂՈՄՈՆԻ 20:23

Պիղծ է առաջի Տեառն չափ կրկին, եւ կշիռ նենգութեան ոչ է բարւոք առաջի նորա։

ԱՌԱԿՔ ՍՈՂՈՄՈՆԻ 21:4

Մեծամիտ է ի թշնամանս այր խստասիրտ՝՝. ղամբար ամպարշտաց՝ մեղք։

ԱՌԱԿՔ ՍՈՂՈՄՈՆԻ 3:32

Քանզի պիղծ է առաջի Տեառն ամենայն անօրէն, եւ ընդ արդարս ոչ հաղորդի՝՝։

ԱՌԱԿՔ ՍՈՂՈՄՈՆԻ 30:18

Երեք են՝ զորս անհնար է ինձ իմանալ, եւ զչորրորդն ոչ ճանաչեմ.

ԱՌԱԿՔ ՍՈՂՈՄՈՆԻ 30:21

Երիւք շարժի երկիր, եւ չորրորդին ոչ կարէ հանդարտել.

ԱՌԱԿՔ ՍՈՂՈՄՈՆԻ 30:24

Չորք են որ փոքր են յերկրի, եւ նոքա իմաստնագոյնք են քան զիմաստունս.

ԱՌԱԿՔ ՍՈՂՈՄՈՆԻ 30:29

Երեք են որ պարծ շրջին, եւ չորրորդն գեղեցիկ ճեմի՝՝.

ԱՌԱԿՔ ՍՈՂՈՄՈՆԻ 6:15

Եւ վասն այնորիկ յանկարծակի հասցէ նմա կորուստ իւր, հաշումն եւ մաշումն առանց բժշկութեան։

ԱՌԱԿՔ ՍՈՂՈՄՈՆԻ 6:17

աչք թշնամանողի, լեզու անիրաւ, ձեռք որ հեղուն զարիւն արդար,

ԱՌԱԿՔ ՍՈՂՈՄՈՆԻ 8:13

Երկեւղ Տեառն ատեայ զանիրաւութիւն, զթշնամանս եւ զհպարտութիւն եւ զճանապարհս չարեաց։

ՄԱՐԳԱՐԷՈՒԹԻՒՆ ԵՐԵՄԵԱՅ 26:15

Բայց գիտելով գիտասջիք, զի թէ սպանանէք դուք զիս, արիւն անպարտ արկանէք ի վերայ ձեր եւ ի վերայ քաղաքիս այսորիկ եւ ի վերայ բնակչաց սորա. զի ճշմարտութեամբ առաքեաց զիս Տէր առ ձեզ, խօսել յականջս ձեր զամենայն բանս զայսոսիկ։

ՄԱՐԳԱՐԷՈՒԹԻՒՆ ԱՄՈՎՍԱՅ 1:11

Այսպէս ասէ Տէր. Ի վերայ երից ամպարշտութեանցն Եդովմայ, եւ ի վերայ չորիցն՝ ոչ դարձայց ի նոցանէ. փոխանակ զի հալածեաց սրով զեղբայր իւր, եւ ապականեաց զեղբայր յերկրի. եւ յափշտակեաց ի վկայութիւն զսոսկումն իւր, եւ զյանդգնութիւն իւր պահեաց ի հակառակութիւն՝՝։

ՄԱՐԳԱՐԷՈՒԹԻՒՆ ԱՄՈՎՍԱՅ 1:3

Եւ ասէ Տէր. Ի վերայ երիցն անօրէնութեանցն Դամասկեայ, եւ ի վերայ չորիցն՝ ոչ դարձայց ի նմանէ. փոխանակ զի կտրէին զյղիս Գաղաադացւոց սղոցօք՝՝ երկաթեօք։

ՄԱՐԳԱՐԷՈՒԹԻՒՆ ԱՄՈՎՍԱՅ 1:6

Այսպէս ասէ Տէր. Ի վերայ երից ամպարշտութեանցն Գազայ, եւ ի վերայ չորիցն՝ ոչ դարձայց ի նոցանէն. փոխանակ զի գերեցին զգերութիւն Սողոմոնի արգելուլ՝՝ յԵդովմ։

ՄԱՐԳԱՐԷՈՒԹԻՒՆ ԱՄՈՎՍԱՅ 1:9

Այսպէս ասէ Տէր. Ի վերայ երից ամպարշտութեանցն Ծուրայ, եւ ի վերայ չորիցն՝ ոչ դարձայց ի նմանէ. փոխանակ զի արգելին զգերութիւնն Սողոմոնի՝՝ յԵդովմ, եւ ոչ յիշեցին զուխտ եղբարց։

ՄԱՐԳԱՐԷՈՒԹԻՒՆ ԱՄՈՎՍԱՅ 2:1

Այսպէս ասէ Տէր. Ի վերայ երից ամպարշտութեանցն Մովաբու, եւ ի վերայ չորիցն՝ ոչ դարձայց ի նմանէն՝՝, փոխանակ զի այրեցին զոսկերս թագաւորացն Եդովմայեցւոց ի մոխրել։

ՄԱՐԳԱՐԷՈՒԹԻՒՆ ԱՄՈՎՍԱՅ 2:4

Այսպէս ասէ Տէր. Ի վերայ երից ամպարշտութեանց որդւոցն Յուդայ, եւ ի վերայ չորիցն՝ ոչ դարձայց ի նմանէն՝՝, փոխանակ զի մերժեցին զօրէնս Տեառն եւ զհրամանս նորա ոչ պահեցին, եւ մոլորեցուցին զնոսա սնոտեօք իւրեանց զոր արարին,՝՝ զորոց զհետ գնացին հարքն նոցա։

ՄԱՐԳԱՐԷՈՒԹԻՒՆ ԱՄՈՎՍԱՅ 2:6

Այսպէս ասէ Տէր. Ի վերայ երից ամպարշտութեանցն Իսրայելի, եւ ի վերայ չորիցն՝ ոչ դարձայց ի նմանէ՝՝, փոխանակ զի վաճառեցին զարդարն արծաթոյ, եւ զտնանկն ընդ կօշկաց.

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:17

եւ իւրաքանչիւր չար ընկերի իւրում մի՛ խորհիք ի սիրտս ձեր, եւ զերդումն սուտ մի՛ սիրէք. զի զայն ամենայն ատեցի, ասէ Տէր ամենակալ։

ԵՐԿՐՈՐԴՈՒՄՆ ՕՐԻՆԱՑ 23:18

Մի՛ տարցիս զկապէնս պոռնկի, եւ մի՛ զշանսխուրս ի տուն Աստուծոյ քո յամենայն ուխտս. զի պիղծ են առաջի Տեառն Աստուծոյ քո երկոքեան։

ԵՐԿՐՈՐԴՈՒՄՆ ՕՐԻՆԱՑ 24:4

մի՛ կարասցէ այրն առաջին որ արձակեաց զնա՝ դառնալ առնուլ զնա իւր կնութեան, յետ պղծելոյն նորա. զի պիղծ է այն առաջի Տեառն Աստուծոյ քո՝՝. եւ մի՛ պղծիցէք զերկիրն զոր Տէր Աստուած տացէ ձեզ ի ժառանգութիւն։

ԵՐԿՐՈՐԴՈՒՄՆ ՕՐԻՆԱՑ 25:16

Զի պիղծ է Տեառն Աստուծոյ քում ամենայն որ առնէ զայն, եւ ամենայն որ առնէ զանիրաւութիւն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:27

Եւ ոչ մտցէ անդ ամենայն չարակամ եւ պիղծ՝՝ եւ ստութիւն, բայց միայն որ գրեալ են ի դպրութիւն կենաց Գառինն։