ԱՌԱԿՔ ՍՈՂՈՄՈՆԻ 5:22 - Գրաբար Աստվածաշունչ (1895)

²² Անօրէնութիւնք որսան զայր, եւ ի տոռունս մեղաց իւրոց շաղի իւրաքանչիւր ոք։

ԱՌԱԿՔ ՍՈՂՈՄՈՆԻ 5:22 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 18:18

Եւ ասէ Եղիա. Ես ոչ խանգարեմ զԻսրայէլ, այլ դու եւ տուն հօր քո, ի թողուլ ձեր զՏէր Աստուած ձեր՝՝ եւ երթալ զհետ Բահաղիմայցն։

ԳԻՐՔ ՅՈԲԱՅ 18:8

Անկցի ոտն նորա յորոգայթ, եւ շաղեսցի ի թակարդի։

ԳԻՐՔ ՍԱՂՄՈՍԱՑ 40:12

Յայսմ ծանեայց թէ հաճեցար ընդ իս, զի մի՛ ուրախ եղիցին յիս թշնամիք իմ։

ԳԻՐՔ ՍԱՂՄՈՍԱՑ 9:15

որպէս պատմեցից զամենայն օրհնութիւնս քո ի դրունս դստեր Սիոնի, ցնծացայց ի փրկութեան քում։

ԳԻՐՔ ՍԱՂՄՈՍԱՑ 9:17

Ճանաչի Տէր յառնել զդատաստանս իւր, եւ ի գործս ձեռաց իւրեանց կապեսցին մեղաւորք։

ԱՌԱԿՔ ՍՈՂՈՄՈՆԻ 1:18

զի նոքին իսկ որ սպանութեանն հաղորդ են՝ գանձեն անձանց իւրեանց զչարիս. կործանումն արանց անօրինաց չար է։

ԱՌԱԿՔ ՍՈՂՈՄՈՆԻ 11:3

Կատարելութիւն ուղղոց առաջնորդեսցէ նոցա, եւ գայթակղութիւն արհամարհողաց աւերեսցէ զնոսա։

ԱՌԱԿՔ ՍՈՂՈՄՈՆԻ 11:5

Արդարութիւն ամբծի ուղղէ զճանապարհս, եւ յամպարշտութիւն անկանի անիրաւն։

ԱՌԱԿՔ ՍՈՂՈՄՈՆԻ 11:6

Արդարութիւն արանց ուղղոց փրկէ զնոսա, եւ անմտութեամբ կորնչին անօրէնք՝՝։

ԱՌԱԿՔ ՍՈՂՈՄՈՆԻ 12:14

Ի պտղոյ բերանոյ առն՝ լցցի անձն իւր բարութեամբ, հատուցումն շրթանց իւրոց հատուսցի նմա։

ԱՌԱԿՔ ՍՈՂՈՄՈՆԻ 14:32

Չարեօք իւրովք մերժի ամպարիշտն. եւ որ յուսայ յանձին սրբութիւն՝ արդար է։

ԱՌԱԿՔ ՍՈՂՈՄՈՆԻ 18:7

Բերան անզգամի բեկումն է նմա, եւ շրթունք նորա որոգայթ անձին իւրում։

ԱՌԱԿՔ ՍՈՂՈՄՈՆԻ 24:12

Ապա թէ ասիցես, թէ՝ Ոչ ճանաչեմ զնա՝ եւ ոչ նա զիս ճանաչէ, գիտասջիր՝ զի Տէր զսիրտս ամենեցուն ճանաչէ. եւ որ ստեղծ զշունչ ամենեցուն՝ նա գիտէ զամենայն՝՝, եւ հատուցանէ իւրաքանչիւր ըստ գործս իւր։

ԱՌԱԿՔ ՍՈՂՈՄՈՆԻ 26:27

Որ փորէ խորխորատ ընկերի իւրում՝ ինքն լցցէ զնա, եւ որ գլէ վէմ՝ յանձն իւր գլեսցէ։

ԺՈՂՈՎՕՂ 7:26

Շուրջ եկի ես եւ սիրտ իմ ճանաչել, նա եւ խորհել եւ խնդրել զիմաստութիւն եւ զհանճար, եւ գիտել զամպարշտի զուրախութիւն եւ զլլկանս եւ զծփանս.

ՄԱՐԳԱՐԷՈՒԹԻՒՆ ԵՐԵՄԵԱՅ 2:19

Խրատեսցէ զքեզ ապստամբութիւնդ քո, եւ չարիք՝՝ քո կշտամբեսցեն զքեզ. եւ ծանիցես եւ տեսցես, թէ չար եւ դառն է քեզ թողուլն զիս, ասէ Տէր Աստուած քո. եւ ոչ հաճեցայ ընդ քեզ, ասէ Տէր Աստուած քո՝՝։

ՈՂԲՔ 1:14

Կանխեաց Տէր ի վերայ ամպարշտութեան իմոյ, եւ արկ զինեւ զձեռն իւր. ծանրացոյց զլուծ իւր ի վերայ պարանոցի իմոյ՝՝, տկարացաւ զօրութիւն իմ. մատնեաց զիս Տէր ի ձեռս ցաւոց իմոց, եւ ոչ կարեմ հանդարտել։

ՄԱՐԳԱՐԷՈՒԹԻՒՆ ԱԲԴԻՈՒ 1:15

Զի մերձ է օր Տեառն ի վերայ ամենայն ազգաց. զոր օրինակ արարեր դու՝ եղիցի քեզ, եւ հատուցումն քո հատուսցի ի գլուխ քո։

ԹԻՒՔ 32:23

Ապա թէ ոչ առնիցէք այդպէս, յանցաւոր գտանիցիք առաջի Տեառն. եւ ծանիջիք զմեղս ձեր, յորժամ հասանիցեն ձեզ չարիք՝՝։

ԱՌ ԵԲՐԱՅԵՑԻՍ ԹՈՒՂԹ 13:4

Պատուական է ամուսնութիւն ամենեւին, եւ սուրբ՝ անկողինք. բայց զշունս եւ զպոռնիկս դատի Աստուած։

ԴԱՏԱՒՈՐՔ 20:41

Եւ այր Իսրայելացի դարձաւ անդրէն, եւ տագնապեցաւ այր Բենիամինի. զի տեսին հասեալ ի վերայ նոցա զչարիսն։

ԴԱՏԱՒՈՐՔ 9:57

Եւ զամենայն չարիսն արանց Սիկիմացւոց դարձոյց Աստուած ի գլուխս նոցա, եւ եկին ի վերայ նոցա անէծքն Յովաթամայ որդւոյ Յերոբաաղայ։