ԱՌԱԿՔ ՍՈՂՈՄՈՆԻ 4:23 - Գրաբար Աստվածաշունչ (1895)

²³ Ամենայն պահպանութեամբ պահեա զսիրտ քո, զի ի սոցանէ են ելք կենաց։

ԱՌԱԿՔ ՍՈՂՈՄՈՆԻ 4:23 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:31

Եւ Յէու ոչ զգուշացաւ գնալ յօրէնս Տեառն Աստուծոյ Իսրայելի յամենայն սրտէ իւրմէ, եւ ոչ մեկնեցաւ ի մեղացն Յերեբովամայ որ յանցոյցն զԻսրայէլ։

ԱՌԱԿՔ ՍՈՂՈՄՈՆԻ 11:16

Կին շնորհակալ բարձր առնէ զփառս առն իւրոյ, եւ աթոռ անարգութեան՝ կին որ ատեայ զիրաւունս։ Ի մեծութենէ վատք կարօտ լինին, իսկ որ ժիրքն են՝ հաստատին մեծութեամբ։՝՝

ԱՌԱԿՔ ՍՈՂՈՄՈՆԻ 13:3

Որ խնայէ ի բերան իւր՝ պահէ զանձն, իսկ որ յանդուգն է շրթամբք՝ խռովէ զանձն իւր։

ԱՌԱԿՔ ՍՈՂՈՄՈՆԻ 16:17

Շաւիղք կենաց խոտորեն ի չարեաց, երկայնութիւն կենաց ճանապարհք արդարութեան։ Որ ընդունի զխրատ՝ ի բարիս եղիցի, եւ որ պահէ զյանդիմանութիւն՝ իմաստնասցի։ Որ զգուշանայ ճանապարհաց Տեառն՝ պահէ զանձն իւր. որ սիրէ զկեանս՝ խնայեսցէ ի բերան իւր։

ԱՌԱԿՔ ՍՈՂՈՄՈՆԻ 22:5

Տատասկ եւ որոգայթ ի ճանապարհս թիւրաց, իսկ որ զգոյշ կայ անձին իւրում՝ մերժեսցի ի նոցանէ։

ԱՌԱԿՔ ՍՈՂՈՄՈՆԻ 23:19

Լուր, որդեակ, եւ լեր իմաստուն, եւ ուղղեա զխորհուրդս սրտի քո։

ԱՌԱԿՔ ՍՈՂՈՄՈՆԻ 28:26

Որ յուսացեալ է ի յանդգնութիւն սրտի՝՝ նա անզգամ է, իսկ որ գնայ իմաստութեամբ՝ ապրեսցի։

ԱՌԱԿՔ ՍՈՂՈՄՈՆԻ 3:21

Որդեակ, մի՛ լուծանիցիս. պահեա զխորհուրդս իմ՝՝ եւ զիմաստութիւն,

ԱՌԱԿՔ ՍՈՂՈՄՈՆԻ 4:7

Սկիզբն զգօնութեան՝ ստացիր զիմաստութիւն, եւ յամենայն ճանապարհս քո ստացիր զհանճար։

ԺՈՂՈՎՕՂ 5:13

եւ կորիցէ մեծութիւն նորա՝ եւ նա՝՝ ի զբաղման չարի է. ծնաւ որդի՝ եւ ոչ գոյ ի ձեռին նորա եւ ոչ ինչ։

ՄԱՐԳԱՐԷՈՒԹԻՒՆ ԵՐԵՄԵԱՅ 17:9

Խորին է սիրտ քան զամենայն եւ մարդ է՝՝, եւ ո՞վ ծանիցէ զնա։

Մատթեոսի Աւետարան 15:18

Իսկ որ ելանէ ի բերանոյ՝ ի սրտէ անտի գայ, եւ այն պղծէ զմարդ։

Մատթեոսի Աւետարան 15:19

Զի ի սրտէ ելանեն խորհուրդք չարք, սպանութիւնք, շնութիւնք, պոռնկութիւնք, գողութիւնք, սուտ վկայութիւնք, հայհոյութիւնք։

ԱՒԵՏԱՐԱՆ ԸՍՏ ՄԱՐԿՈՍԻ 14:38

Արթուն կացէք եւ յաղօթս կացէք, զի մի՛ մտջիք ի փորձութիւն. ոգիս յօժար է, բայց մարմինս տկար։

ԱՒԵՏԱՐԱՆ ԸՍՏ ՂՈՒԿԱՍՈՒ 6:45

Մարդ բարի ի բարի գանձուց սրտի իւրոյ բղխէ զբարի, եւ մարդ չար ի չարէն բղխէ զչար. քանզի ի յաւելուածոյ սրտին խօսի բերան նորա։

ԵՐԿՐՈՐԴՈՒՄՆ ՕՐԻՆԱՑ 4:9

Հայեաց ի քեզ եւ զգոյշ լեր անձին քում յոյժ. մի՛ մոռանայցես զամենայն բանս զայսոսիկ զոր տեսին աչք քո, եւ մի՛ մերժեսցին ի սրտէ քումմէ զամենայն աւուրս կենաց քոց. եւ խելամուտ արասցես որդւոց քոց եւ որդւոց որդւոց քոց։

ԱՌ ԵԲՐԱՅԵՑԻՍ ԹՈՒՂԹ 12:15

Զգոյշ լերուք, գուցէ ոք յետնեալ գտանիցի ի շնորհացն Աստուծոյ. մի՛ ոք արմատ դառնութեան ի վեր երեւեալ նեղիցէ, եւ նովաւ բազումք պղծիցին։