ԱՌԱԿՔ ՍՈՂՈՄՈՆԻ 30:8 - Գրաբար Աստվածաշունչ (1895)

⁸ զբան զուր եւ սուտ՝ հեռի արա յինէն. մեծութիւն եւ տնանկութիւն մի՛ տար ինձ, այլ կշռեա ինձ զարժանն բաւականութեամբ.

ԱՌԱԿՔ ՍՈՂՈՄՈՆԻ 30:8 ပူးပေါင်းရင်းမြစ်များ

ԾՆՈՒՆԴՔ 28:20

Եւ ուխտեաց Յակոբ ուխտ եւ ասէ. Եթէ եղիցի Տէր Աստուած ընդ իս, եւ ապրեցուսցէ զիս ի ճանապարհիս յայսմիկ զոր ես երթամ, եւ տացէ ինձ հաց ուտելոյ եւ հանդերձ զգենլոյ,

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:30

Եւ ռոճիկ նորա ռոճիկ հանապազորդ տուաւ նմա ի տանէ թագաւորին, համարով օր ըստ օրէ զամենայն աւուրս կենաց իւրոց։

ԳԻՐՔ ՅՈԲԱՅ 23:12

Զպատուիրանօք նորա ոչ անցից՝ զի մի՛ մեռանիցիմ, ի ծոց իմ թաքուցից զբանս նորա։

ԵԼՔ 16:15

Իբրեւ տեսին զայն որդիքն Իսրայելի, ասեն ընկեր ցընկեր. Զի՞նչ է այս՝՝։ Քանզի ոչ գիտէին զինչ իցէ։ Եւ ասէ ցնոսա Մովսէս. Այդ է հացն զոր ետ ձեզ Տէր ուտելոյ։

ԵԼՔ 16:18

Եւ չափեցին չափովն. որոյ շատն էր՝ ոչ յաւելաւ, եւ որոյ սակաւն էր՝ ոչ պակասեաց. իւրաքանչիւր ըստ բաւականի իւրում ժողովեցին։

ԵԼՔ 16:29

Տեսէք զի Տէր ետ ձեզ զօրս զայս շաբաթ, վասն այնորիկ ինքն ետ ձեզ յաւուրն վեցերորդի հաց երկուց աւուրց. նստարուք իւրաքանչիւր ի տունս ձեր,՝՝ եւ մի՛ ոք ելանիցէ ի տեղւոջէ իւրմէ յաւուրն եւթներորդի։

ԵԼՔ 16:35

Եւ որդիքն Իսրայելի կերան զմանանայն զքառասուն ամ, մինչեւ եկին ի շէն երկիրն զմանանայն ուտէին, մինչեւ հասին ի կողմն Փիւնիկեցւոց՝՝։

ԱՌԱԿՔ ՍՈՂՈՄՈՆԻ 13:5

Զբան անիրաւ ատեայ արդար. իսկ ամպարիշտն ամաչէ, եւ ոչ գտցէ համարձակութիւն՝՝։

ԱՌԱԿՔ ՍՈՂՈՄՈՆԻ 21:6

Որ կուտէ զգանձս ստութեամբ լեզուի՝ զհետ երթայ սնոտեաց, եւ հասանէ յորոգայթս մահու։

ԱՌԱԿՔ ՍՈՂՈՄՈՆԻ 22:8

Որ սերմանէ զանզգամութիւն՝ հնձեսցէ զչարիս, եւ զհարուածս գործոց իւրոց բովանդակեսցէ։

ԱՌԱԿՔ ՍՈՂՈՄՈՆԻ 23:5

Եթէ հաստատեսցես զակն քո ի վերայ նորա, ոչ ուրեք երեւի, զի հանդերձեալ է նորա իւր թեւս որպէս զարծուոյ, եւ դառնայ ի տուն նահապետի իւրոյ։՝՝

ԱՌԱԿՔ ՍՈՂՈՄՈՆԻ 30:7

Երկուս ինչս խնդրեմ ի քէն. մի՛ հաներ յինէն զշնորհս մինչչեւ մեռեալ իցեմ.

ԺՈՂՈՎՕՂ 1:2

Ունայնութիւն ունայնութեանց, ասաց Ժողովօղն, ունայնութիւն ունայնութեանց, ամենայն ինչ ընդունայն է։

ՄԱՐԳԱՐԷՈՒԹԻՒՆ ԵՍԱՅԵԱՅ 5:18

Վա՜յ այնոցիկ ոյք ձգեն զմեղս իւրեանց իբրեւ երկայն պարանաւ, եւ իբրեւ փոկով լծոյ երնջոց՝ զանօրէնութիւնս։

ՄԱՐԳԱՐԷՈՒԹԻՒՆ ԵՍԱՅԵԱՅ 59:4

Չիք ոք որ խօսի զարդարութիւն, եւ ոչ գոն իրաւունք ճշմարտութեան. յուսացեալ են ի սնոտիս, եւ խօսին զունայնութիւն. զի յղանան զցաւս, եւ ծնանին զանօրէնութիւն։

ՄԱՐԳԱՐԷՈՒԹԻՒՆ ԵՐԵՄԵԱՅ 52:34

Եւ կարգեցաւ նմա ռոճիկ հանապազորդ, զոր տային յարքայէն Բաբելացւոց օր ըստ օրէ մինչեւ ցօր մահու՝ զամենայն աւուրս կենաց իւրոց։

Մատթեոսի Աւետարան 6:11

զհաց մեր հանապազորդ տուր մեզ այսօր.

Մատթեոսի Աւետարան 6:33

Խնդրեցէք նախ զարքայութիւնն Աստուծոյ եւ զարդարութիւն նորա, եւ այդ ամենայն յաւելցի ձեզ։

ԱՒԵՏԱՐԱՆ ԸՍՏ ՂՈՒԿԱՍՈՒ 11:3

Զհաց մեր հանապազորդ տուր մեզ զօրըստօրէն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 2:8

Եւ ասէ ցնոսա. Արդ առէք եւ բերէք տաճարապետիդ։ Եւ նոքա բերին։

ԳՈՐԾՔ ԱՌԱՔԵԼՈՑ 14:15

Որ յանցեալ ազգսն թոյլ ետ ամենայն հեթանոսաց գնալ ի ճանապարհս իւրեանց։