ԱՌԱԿՔ ՍՈՂՈՄՈՆԻ 3:6 - Գրաբար Աստվածաշունչ (1895)

⁶ Յամենայն ճանապարհս քո ծանիր զնա, զի ուղիղ արասցէ զճանապարհս քո, եւ ոտն քո մի՛ գայթակղեսցի։՝՝

ԱՌԱԿՔ ՍՈՂՈՄՈՆԻ 3:6 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 28:9

Եւ դու, Սողոմոն որդի իմ, ծանիր զԱստուած հարցն քոց՝՝, եւ ծառայեա նմա կատարեալ սրտիւ, եւ մտօք կամաց քոց. վասն զի զամենայն սիրտս քննէ Տէր եւ զամենայն խորհուրդս ճանաչէ. եթէ խնդրեսցես զնա՝ գտցի քեզ, եւ եթէ թողցես զնա՝ լքցէ զքեզ ի սպառ։

ԵԶՐ 7:27

Օրհնեալ է Տէր Աստուած հարցն մերոց, որ արկ զայս ի սիրտ թագաւորին, եւ փառաւորեաց զտունն Տեառն Աստուծոյ մերոյ՝՝ որ է յԵրուսաղէմ,

ԳԻՐՔ ՆԷԵՄԵԱՅ 1:11

Մի՛ թողուր ի ձեռաց. այլ՝՝ եղիցին ականջք քո հայել յաղօթս ծառայից քոց, եւ անսալ խնդրուածոց որոց երկնչին յանուանէ քումմէ. եւ յաջողեա զխնդրուածս ծառայի քո այսօր, եւ տուր ինձ գտանել գթութիւնս առաջի առնս այսորիկ։ Եւ ես էի տակառապետ թագաւորին։

ԳԻՐՔ ՆԷԵՄԵԱՅ 2:4

Եւ ասէ ցիս թագաւորն. Վասն որո՞յ իրաց խնդրես դու զայս՝՝։ Եւ կացեալ իմ յաղօթս եւ ամբարձեալ զմիտս իմ առ Տէր՝՝ Աստուած երկնից,

ԳԻՐՔ ՆԷԵՄԵԱՅ 7:5

Եւ արկ Աստուած ի սիրտ իմ, եւ ժողովեցի զպատուականսն եւ զիշխանսն եւ զժողովուրդն ի ժողով մի. եւ գտի զգիրսն ազգահամարին որ էին ելեալ յառաջնում ի գերութենէն. եւ էր գրեալ ի նմա այսպէս.

ԳԻՐՔ ՍԱՂՄՈՍԱՑ 32:8

Երկիցէ ի Տեառնէ ամենայն երկիր, եւ ի նմանէ դողասցեն ամենայն բնակիչք աշխարհի։

ԱՌԱԿՔ ՍՈՂՈՄՈՆԻ 11:5

Արդարութիւն ամբծի ուղղէ զճանապարհս, եւ յամպարշտութիւն անկանի անիրաւն։

ԱՌԱԿՔ ՍՈՂՈՄՈՆԻ 16:3

Դարձո առ Տէր զգործս քո, եւ հաստատեսցին խորհուրդք քո։ Որչափ ի մեծութիւն հասանիցես՝ ի խոնարհութեան կալ զանձն քո, եւ առաջի Տեառն գտցես շնորհս։՝՝

ԱՌԱԿՔ ՍՈՂՈՄՈՆԻ 16:9

Սիրտ առն խորհեսցի զիրաւունս, զի յԱստուծոյ՝՝ ուղղեսցին գնացք նորա։

ԱՌԱԿՔ ՍՈՂՈՄՈՆԻ 23:17

Մի՛ նախանձիցի սիրտ քո ընդ մեղաւորս, այլ յերկեւղ Տեառն կանխեսջիր զօրհանապազ.

ՄԱՐԳԱՐԷՈՒԹԻՒՆ ԵՍԱՅԵԱՅ 26:7

ճանապարհք բարեպաշտաց ուղիղ են, դիւրեալ եւ պատրաստեալ են ճանապարհք աստուածապաշտաց։

ՄԱՐԳԱՐԷՈՒԹԻՒՆ ԵՍԱՅԵԱՅ 30:21

եւ ականջք քո լուիցեն բանս զհետ մոլորեցուցչացն քոց. որք ասէին եթէ՝ Այս է ճանապարհ, եւ գնասցուք ընդ սա, կամ թէ յաջ կամ թէ յահեակ։

ՄԱՐԳԱՐԷՈՒԹԻՒՆ ԵՍԱՅԵԱՅ 45:13

Ես յարուցի զնա արդարութեամբ թագաւոր, եւ ամենայն ճանապարհք նորա ուղիղ են՝՝. նա շինեսցէ զքաղաքն իմ, եւ զգերութիւն ժողովրդեան իմոյ դարձուսցէ, ոչ կաշառօք եւ ոչ պատարագօք, ասէ Տէր զօրութեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 48:17

Այսպէս ասէ Տէր որ փրկեացն զքեզ՝ Սուրբն Իսրայելի. Ես եմ Տէր Աստուած քո, ցուցի քեզ գտանել ճանապարհ՝՝ ընդ որ գնայցես։

ՄԱՐԳԱՐԷՈՒԹԻՒՆ ԵՐԵՄԵԱՅ 10:23

Գիտեմ, Տէր, զի ոչ մարդոյ է ճանապարհ իւր. եւ ոչ այր գնասցէ եւ յաջողեսցէ զճանապարհս՝՝ իւր։

ՄԱՐԳԱՐԷՈՒԹԻՒՆ ԵՐԵՄԵԱՅ 42:3

եւ պատմեսցէ մեզ Տէր Աստուած քո զճանապարհ ընդ որ գնասցուք, եւ զբանն զոր արասցուք։

ԹԻՒՔ 9:20

Եւ եղիցի՝՝ յորժամ հովանի ունիցի ամպն զաւուրս թուով ի վերայ խորանին, ըստ բանի Տեառն բանակեսցին, եւ ըստ բանի Տեառն չուեսցեն։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:31

Արդ եթէ ուտիցէք, եթէ ըմպիցէք, եթէ զինչ եւ գործիցէք, զամենայն ինչ ի փառս Աստուծոյ արասջիք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 8:16

Բայց շնո՛րհք Աստուծոյ, որ արկ զնոյն փոյթ վասն ձեր ի սիրտ Տիտոսի.

ԱՌ ՓԻԼԻՊԵՑԻՍ ԹՈՒՂԹ 4:6

Մի՛ ինչ հոգայք, այլ ամենայն աղօթիւք եւ խնդրուածովք, գոհութեամբ խնդրուածք ձեր յայտնի լիցին առ Աստուած։

ԱՌ ԿՈՂՈՍԱՑԻՍ ԹՈՒՂԹ 3:17

Եւ զամենայն զոր եւ առնիցէք բանիւք եւ արդեամբք, զամենայն յանուն Տեառն Յիսուսի արասջիք. գոհացողք լինիջիք զԱստուծոյ եւ զՀօրէ նովաւ։

ԱՌ ԿՈՂՈՍԱՑԻՍ ԹՈՒՂԹ 3:23

զոր ինչ առնիցէք՝ սրտի մտօք գործեսջիք, իբրեւ Տեառն եւ ոչ իբրեւ մարդկան։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:5

Ապա թէ ոք ի ձէնջ իցէ նուազեալ յիմաստութենէ, խնդրեսցէ յԱստուծոյ որ տայն ամենայնի առատապէս եւ ոչ նախատէ, եւ տացի նմա։

ԹԱԳԱՒՈՐՈՒԹԵԱՆՑ ԱՌԱՋԻՆ 30:8

Եւ եհարց Դաւիթ ի Տեառնէ եւ ասէ. Պնդեցա՞յց զկնի գեդդուրայն այնորիկ, եթէ հասանիցե՞մ նոցա։ Եւ ասէ ցնա Տէր. Պնդեաց եւ հասանելով հասանես, եւ թափելով թափեսցես։