ԱՌԱԿՔ ՍՈՂՈՄՈՆԻ 3:33 - Գրաբար Աստվածաշունչ (1895)

³³ Անէծք Տեառն ի տունս ամպարշտաց, յարկք արդարոց օրհնին։

ԱՌԱԿՔ ՍՈՂՈՄՈՆԻ 3:33 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:11

Եւ նստաւ տապանակն Տեառն ի տան Աբեդդարայ Գեթացւոյ ամիսս երիս. եւ օրհնեաց Տէր զԱբեդդար եւ զամենայն տուն նորա։

ԳԻՐՔ ՅՈԲԱՅ 24:18

Թեթեւագոյն է ի վերայ ջուրցն երեսաց. կործանեսցի մասն նոցա ի վերայ երկրի, երեւեսցի տունկ նոցա ի վերայ ցամաք երկրի։

ԳԻՐՔ ՅՈԲԱՅ 31:12

հուր վառեալ է յամենայն անդամս նորա. զի յոր կոյս հասցէ յարմատոց խլեսցէ։՝՝

ԳԻՐՔ ՍԱՂՄՈՍԱՑ 1:3

Եւ եղիցի նա որպէս ծառ որ տնկեալ է ի գնացս ջուրց, որ զպտուղ իւր ի ժամու տացէ, եւ տերեւ նորա մի՛ թափեսցի. եւ զամենայն զոր ինչ արասցէ՝ յաջողեսցի նմա։

ԳԻՐՔ ՍԱՂՄՈՍԱՑ 37:22

Մի՛ թողուր զիս, Տէր, Աստուած իմ, եւ մի՛ ի բացեայ առնիր յինէն, հայեաց յօգնել ինձ, Տէր փրկութեան իմոյ։

ԳԻՐՔ ՍԱՂՄՈՍԱՑ 91:10

ցրուեսցին ամենեքեան ոյք գործեն զանօրէնութիւն։

ԱՌԱԿՔ ՍՈՂՈՄՈՆԻ 10:6

Օրհնութիւն Տեառն ի գլուխս արդարոց, զբերանս ամպարշտաց ծածկեսցէ սուգ տարաժամ։՝՝

ԱՌԱԿՔ ՍՈՂՈՄՈՆԻ 14:11

Տունք ամպարշտաց՝ կործանեսցին. յարկք արդարոց՝ օրհնեսցին։

ԱՌԱԿՔ ՍՈՂՈՄՈՆԻ 15:6

Տունք արդարոց զօրութեամբ բազմաւ. պտուղք ամպարշտաց կորիցեն։

ԱՌԱԿՔ ՍՈՂՈՄՈՆԻ 21:12

Ի միտ առնու արդար զսիրտ ամպարշտաց, եւ ապականեն զամպարիշտս չարիք՝՝։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:2

Եթէ ոչ լսիցէք եւ ոչ դնիցէք ի սրտի ձերում, տալ փառս անուան իմում, ասէ Տէր ամենակալ, առաքեցից ի վերայ ձեր անէծս, եւ անիծից զօրհնութիւնս ձեր, եւ նզովեցից զնա, եւ ցրուեցից զօրհնութիւնս ձեր. եւ մի՛ եղիցի ի միջի ձերում,՝՝ զի դուք ոչ եդիք ի սրտի ձերում։

ԵՐԿՐՈՐԴՈՒՄՆ ՕՐԻՆԱՑ 11:28

եւ անէծս՝ եթէ ոչ լուիցէք պատուիրանաց Տեառն Աստուծոյ ձերոյ զոր ես պատուիրեմ ձեզ այսօր՝՝, եւ մոլորիցիք ի ճանապարհէն զոր ես պատուիրեցի ձեզ, երթալ պաշտել զաստուածս օտարս զորս ոչ ճանաչիցէք։

ԵՐԿՐՈՐԴՈՒՄՆ ՕՐԻՆԱՑ 7:26

Եւ մի՛ տանիցիս զգարշելին ի տուն քո, եւ լինիցիս ի նզովս իբրեւ զնոյն. այլ գարշելով գարշեսցիս, եւ պղծելով պղծեսցես զնոսա, զի նզովեալ է։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:18

Այլ դուք զգոյշ լինիջիք ի նզովիցն. գուցէ ցանկացեալք առնուցուք ինչ դուք ի նզովից անտի, եւ առնիցէք զբանակ որդւոցդ Իսրայելի ի նզովս եւ ջնջիցէք զմեզ՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:13

Արի, սրբեա զժողովուրդդ, եւ արասցես սրբել առ վաղիւ.՝՝ այսպէս ասէ Տէր Աստուած Իսրայելի. Նզովք են ի ձեզ, Իսրայէլ. ոչ կարիցէք կալ առաջի թշնամեաց ձերոց, մինչեւ բառնայցէք զնզովսն ի ձէնջ։