ԱՌԱԿՔ ՍՈՂՈՄՈՆԻ 3:2 - Գրաբար Աստվածաշունչ (1895)

² զի ընդերկարութիւն կենաց եւ ամք կենդանութեան եւ խաղաղութիւն յաւելցին քեզ։

ԱՌԱԿՔ ՍՈՂՈՄՈՆԻ 3:2 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 3:14

Եւ եթէ գնասցես ի ճանապարհս իմ պահել զհրամանս իմ եւ զպատուիրանս իմ որպէս եւ գնաց Դաւիթ հայր քո, եւ բազմացուցից զաւուրս քո։

ԳԻՐՔ ՅՈԲԱՅ 5:26

Եւ երթիցես ի գերեզման իբրեւ զցորեան հասեալ՝ ի ժամանակի հնձեալ, կամ՝՝ իբրեւ զշեղջ կալոյ ի ժամանակի ամփոփեալ։

ԳԻՐՔ ՍԱՂՄՈՍԱՑ 128:6

Եղիցին նոքա որպէս խոտ տանեաց, որ մինչչեւ ի բուռն եկեալ՝ չորացաւ.

ԳԻՐՔ ՍԱՂՄՈՍԱՑ 21:4

Դու ի սուրբս բնակեալ ես, գովեալդ յԻսրայելի՝՝։

ԳԻՐՔ ՍԱՂՄՈՍԱՑ 91:16

ի պատմել ուղիղ է Տէր Աստուած մեր՝՝ եւ ոչ գոյ ի նմա անիրաւութիւն։

ԱՌԱԿՔ ՍՈՂՈՄՈՆԻ 10:27

Երկեւղ Տեառն յաւելու յաւուրս, ամք ամպարշտաց նուազեսցին։

ԱՌԱԿՔ ՍՈՂՈՄՈՆԻ 16:31

Պսակ պարծանաց ծերութիւն, եւ՝՝ ի ճանապարհս արդարութեան գտանի։

ԱՌԱԿՔ ՍՈՂՈՄՈՆԻ 4:10

Լուր, որդեակ, եւ ընկալ զբանս իմ, եւ բազմասցին ամք կենաց քոց. եւ յաճախեսցին ճանապարհք կենաց քոց։՝՝

ԱՌԱԿՔ ՍՈՂՈՄՈՆԻ 4:4

որք ուսուցանէին զիս եւ ասէին՝՝. Հաստատեսցի բան մեր ի սրտի քում. պահեա զպատուիրանս իմ եւ կեաց։

ԱՌԱԿՔ ՍՈՂՈՄՈՆԻ 9:11

Այսու օրինակաւ՝՝ բազում ժամանակս կեցցես, եւ յաւելցին քեզ ամք կենաց։

ՄԱՐԳԱՐԷՈՒԹԻՒՆ ԵՍԱՅԵԱՅ 32:17

Եւ եղիցին գործք արդարութեան խաղաղութեամբ. եւ կալցի արդարութիւն զհանգիստ. եւ յուսացեալքն եղիցին՝՝ մինչեւ յաւիտեան։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 14:17

Զի ոչ է արքայութիւնն Աստուծոյ կերակուր եւ ըմպելի, այլ՝ արդարութիւն եւ խաղաղութիւն եւ խնդութիւն ի Հոգին Սուրբ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:13

Այլ Աստուած յուսոյ լի արասցէ զձեզ ամենայն խնդութեամբ եւ խաղաղութեամբ, առաւելուլ ձեզ յուսով զօրութեամբ Հոգւոյն Սրբոյ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 5:1

Այսուհետեւ արդարացեալք ի հաւատոց անտի, խաղաղութիւն կալցուք առ Աստուած ի ձեռն Տեառն մերոյ Յիսուսի Քրիստոսի.

ԵՐԿՐՈՐԴՈՒՄՆ ՕՐԻՆԱՑ 11:21

զի բազմօրեայք լինիցիք՝՝, եւ աւուրք որդւոց ձերոց ի վերայ երկրին զոր երդուաւ Տէր հարցն քոց տալ քեզ՝՝ ըստ աւուրց երկնից ի վերայ երկրի։

ԵՐԿՐՈՐԴՈՒՄՆ ՕՐԻՆԱՑ 5:32

Զգոյշ լերուք առնելոյ որպէս պատուիրեաց քեզ Տէր Աստուած քո, եւ մի՛ խոտորիցիս՝՝ յաջ եւ մի՛ յահեակ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 4:8

զի մարմնոյ կրթութիւն առ սակաւ ինչ օգտակար է, իսկ աստուածպաշտութիւն առ ամենայն ինչ օգտակար է, եւ զաւետիս կեանց ունի զարդիս եւ զհանդերձելոցն։