ԱՌԱԿՔ ՍՈՂՈՄՈՆԻ 3:10 - Գրաբար Աստվածաշունչ (1895)

¹⁰ զի լցցին շտեմարանք քո լիութեամբ ցորենոյ, եւ գինեաւ հնձանք քո առաւել եւս բղխեսցեն։

ԱՌԱԿՔ ՍՈՂՈՄՈՆԻ 3:10 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 31:10

Եւ ասէ ցնա Ազարիաս քահանայ՝ իշխան ի տանէն Սադովկայ. Յորմէ հետէ սկսան զպտուղսդ բերել ի տուն Տեառն, կերաք եւ արբաք եւ թողաք զմնացորդսդ. վասն զի Տէր օրհնեաց զժողովուրդդ իւր, եւ մնաց եւս յոլովութիւնդ այդ։

ՄՆԱՑՈՐԴԱՑ ԵՐԿՐՈՐԴ 31:21

Եւ ամենայն գործովք որովք սկսաւ գործել ի տանն Տեառն՝՝, ըստ օրինացն Տեառն եւ ըստ հրամանաց, խնդրեաց զԱստուած իւր յամենայն սրտէ իւրմէ, արար եւ յաջողեցաւ։

ԳԻՐՔ ՍԱՂՄՈՍԱՑ 144:13

Արքայութիւն քո արքայութիւն ամենայն յաւիտենից, եւ տէրութիւն քո ազգէ մինչեւ յազգ։ Հաւատարիմ է Տէր յամենայն ի բանս իւր, եւ արդար է յամենայն ի գործս իւր։՝՝

ԱՌԱԿՔ ՍՈՂՈՄՈՆԻ 19:17

Փոխ տայ Աստուծոյ՝ որ ողորմի տնանկին, ըստ տրոց նորա հատուսցէ նմա։

ԱՌԱԿՔ ՍՈՂՈՄՈՆԻ 22:9

Զայր զուարթ եւ զառատ սիրէ Աստուած. որ ողորմի տնանկի՝ ինքն կերակրեսցի, զի յիւրմէ հացէ անտի ետ տնանկի։ Զյաղթութիւն եւ զպատիւ ստանայ որ տայ կաշառ, բայց զոգիս առողացն սպանանէ։

ՄԱՐԳԱՐԷՈՒԹԻՒՆ ՅՈՎԵԼԱՅ 2:24

Եւ լցցին կալք ցորենոյ, եւ զեղցին հնծանք գինւոյ եւ իւղոյ։

ՄԱՐԳԱՐԷՈՒԹԻՒՆ ԱՆԳԵԱՅ 2:19

ի՞ցէ թէ յայտնեսցի ինչ ի վերայ կալոյ եւ յորթ, եւ ի թզենի եւ ի նռնենի, եւ ի փայտ իւղոյ որ պտուղ ոչ տային՝՝. յօրէ յայսմանէ օրհնեցից։

Մատթեոսի Աւետարան 10:42

Եւ որ արբուսցէ միում ի փոքրկանցս յայսցանէ բաժակ մի ջուր ցուրտ միայն՝ յանուն աշակերտի, ամէն ասեմ ձեզ, ոչ կորուսցէ զվարձս իւր։

ԵՐԿՐՈՐԴՈՒՄՆ ՕՐԻՆԱՑ 14:29

եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։

ԵՐԿՐՈՐԴՈՒՄՆ ՕՐԻՆԱՑ 28:8

Առաքեսցէ Տէր ի վերայ քո օրհնութիւն, ի շտեմարանս քո եւ յամենայն ինչ ուր մխեսցես զձեռն քո ի վերայ երկրին զոր Տէր Աստուած քո տացէ քեզ։