ԱՌԱԿՔ ՍՈՂՈՄՈՆԻ 29:4 - Գրաբար Աստվածաշունչ (1895)

⁴ Թագաւոր արդար՝ կանգնէ զաշխարհ, եւ այր անօրէն կործանէ։

ԱՌԱԿՔ ՍՈՂՈՄՈՆԻ 29:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:15

Եւ թագաւորեցոյց զԴաւիթ՝՝ ի վերայ ամենայն Իսրայելի. եւ առնէր Դաւիթ իրաւունս եւ արդարութիւն ի վերայ ամենայն ժողովրդեան իւրոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:12

Եւ Սողոմոն նստաւ յաթոռ Դաւթի հօր իւրոյ, ամաց երկոտասանից, եւ պատրաստեցաւ՝՝ թագաւորութիւն նորա յոյժ։

ՄՆԱՑՈՐԴԱՑ ԵՐԿՐՈՐԴ 9:8

Եղիցի Տէր Աստուած քո օրհնեալ որ հաճեցաւ ընդ քեզ, տալ զքեզ յաթոռ թագաւորութեան իւրոյ՝ ժողովրդեան քում՝՝. զի յաղագս սիրելոյ Տեառն Աստուծոյ քո զԻսրայէլ եւ կացուցանելոյ զնա յաւիտեան՝ եդ զքեզ ի վերայ դոցա թագաւոր, առնել իրաւունս եւ արդարութիւն։

ԳԻՐՔ ՅՈԲԱՅ 11:6

Ապա պատմեսցէ քեզ զզօրութիւն իմաստութեան, զի կրկին եղիցի քան զքոյն. եւ ապա գիտասցես՝ թէ արժանի ըստ որոց մեղարն անց ընդ քեզ ի Տեառնէ։

ԳԻՐՔ ՍԱՂՄՈՍԱՑ 89:14

Լցաք առաւօտու ողորմութեամբ քո, ցնծացաք եւ ուրախ եղաք՝՝ զամենայն աւուրս կենաց մերոց։

ԳԻՐՔ ՍԱՂՄՈՍԱՑ 99:4

Մտէք ընդ դրունս նորա խոստովանութեամբ, եւ օրհնութեամբ ի յարկս նորա. խոստովան եղերուք Տեառն, եւ օրհնեցէք զանուն նորա։

ԱՌԱԿՔ ՍՈՂՈՄՈՆԻ 14:34

Արդարութիւն զազգ բարձրացուցանէ. նուազեցուցանեն զազգս մեղք։

ԱՌԱԿՔ ՍՈՂՈՄՈՆԻ 16:10

Մարգարէութիւն է ի շրթունս թագաւորի, եւ ի դատաստանի մի՛ մոլորեսցի բերան նորա։

ԱՌԱԿՔ ՍՈՂՈՄՈՆԻ 16:12

Գարշելի է թագաւորի որ առնէ զչարիս, զի արդարութեամբ հաստատի աթոռ իշխանութեան նորա։՝՝

ԱՌԱԿՔ ՍՈՂՈՄՈՆԻ 20:8

Յորժամ թագաւոր արդար նստիցի յաթոռ, ոչ դառնայցէ ընդդէմ աչաց նորա ամենայն չարագործ։

ԱՌԱԿՔ ՍՈՂՈՄՈՆԻ 29:14

Թագաւոր որ ճշմարտութեամբ դատիցի զտնանկս, աթոռ նորա ի վկայութիւն հաստատեսցի։

ԱՌԱԿՔ ՍՈՂՈՄՈՆԻ 8:15

Ինեւ թագաւորք թագաւորեն, եւ հզօրք գրեն զարդարութիւն.

ՄԱՐԳԱՐԷՈՒԹԻՒՆ ԵՍԱՅԵԱՅ 49:8

Այսպէս ասէ Տէր ցԻսրայէլ. Ի ժամանակի ընդունելութեան լուայ քեզ, եւ յաւուր փրկութեան օգնեցի քեզ. եւ ստեղծի զքեզ, եւ ետու զքեզ յուխտ հեթանոսաց՝՝ հաստատել զերկիր, եւ ժառանգեցուցանել զժառանգութիւնս աւերակս.

ՄԱՐԳԱՐԷՈՒԹԻՒՆ ԵՍԱՅԵԱՅ 9:7

Եւ ես ածից զխաղաղութիւն ի վերայ իշխանաց նորա, եւ առողջութիւն նմա. մեծ է իշխանութիւն՝՝ նորա, եւ խաղաղութեան նորա չիք սահման յաթոռն Դաւթի նստցի, եւ զարքայութիւն նորա յաջողեսցէ, եւ զօրացուսցէ՝՝ զնա իրաւամբք եւ արդարութեամբ, յայսմ հետէ եւ յաւիտեանս ժամանակաց։ Նախանձ Տեառն զօրութեանց արասցէ զայս։

ՄԱՐԳԱՐԷՈՒԹԻՒՆ ՄԻՔԻԱՅ 7:3

Զձեռս իւրեանց պատրաստեն ի չար. իշխանն խնդրէ, եւ դատաւորն խօսի բանս խաղաղութեան ըստ ցանկութեան անձին իւրոյ.

ԹԱԳԱՒՈՐՈՒԹԵԱՆՑ ԱՌԱՋԻՆ 13:13

Եւ ասէ Սամուէլ ցՍաւուղ. Ի զուր է քեզ, զի ոչ պահեցեր զպատուիրանն իմ զոր պատուիրեաց Տէր՝՝. զի այժմ հաստատէր Տէր զթագաւորութիւն քո ի վերայ Իսրայելի մինչեւ յաւիտեան.