ԱՌԱԿՔ ՍՈՂՈՄՈՆԻ 29:18 - Գրաբար Աստվածաշունչ (1895)

¹⁸ Ոչ գտցի առաջնորդ ազգի անօրինի՝՝, իսկ որ պահէ զօրէնս՝ երանելի է։

ԱՌԱԿՔ ՍՈՂՈՄՈՆԻ 29:18 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 28:19

Վասն զի նկուն արար Տէր զՅուդա յաղագս Աքազու արքայի Յուդայ, զի՝՝ ի բաց եկաց ապստամբութեամբ ի Տեառնէ։

ԳԻՐՔ ՍԱՂՄՈՍԱՑ 106:3

Յամենայն գաւառաց ժողովեաց զնոսա, յարեւելից եւ յարեւմտից, ի հիւսիսոյ եւ ի ծովէ։

ԳԻՐՔ ՍԱՂՄՈՍԱՑ 119:1

Ի նեղութեան իմում ես առ Տէր կարդացի, եւ լուաւ ինձ։

ԳԻՐՔ ՍԱՂՄՈՍԱՑ 119:2

Տէր, փրկեա զանձն իմ ի շրթանց նենգաւորաց եւ ի լեզուէ չարէ։

ԳԻՐՔ ՍԱՂՄՈՍԱՑ 74:9

Բաժակ ի ձեռին Տեառն գինի լի անապակ արկեալ, եւ խոնարհեցոյց յայսմանէ յայս. սակայն մրուր նորա ոչ սպառեսցի՝՝, եւ արբցեն զնա ամենայն մեղաւորք երկրի։

ԵԼՔ 32:25

Եւ ետես Մովսէս եթէ յանցեաւ ժողովուրդն, քանզի յանցոյց զնոսա Ահարոն յոտնհարութիւն թշնամեաց իւրեանց,

ԱՌԱԿՔ ՍՈՂՈՄՈՆԻ 19:16

Որ պահէ զպատուիրանս՝ պահէ զանձն իւր, եւ որ արհամարհէ զճանապարհ իւր՝ կորիցէ։

ԱՌԱԿՔ ՍՈՂՈՄՈՆԻ 29:19

Բանիւք ոչ խրատի ծառայ խիստ, թէպէտ եւ իմանայցէ՝ չդնէ յունկան։

ԱՌԱԿՔ ՍՈՂՈՄՈՆԻ 8:32

Արդ, որդեակ, լուր ինձ. եւ երանելի են՝ որ զճանապարհս իմ պահեսցեն։

ՄԱՐԳԱՐԷՈՒԹԻՒՆ ՈՎՍԵԱՅ 4:6

Նմանեցաւ ժողովուրդ իմ այնմիկ՝ յորում ոչ գոյր գիտութիւն՝՝. զի դու զգիտութիւն մերժեցեր, մերժեցից եւ ես զքեզ, զի մի՛ եւս քահանայասցիս ինձ. եւ մոռացար զօրէնս Աստուծոյ քո, մոռացայց եւ ես զորդիսն քո։

Մատթեոսի Աւետարան 9:36

Եւ տեսեալ զժողովուրդսն՝ գթացաւ ի նոսա, զի էին աշխատեալք եւ ցրուեալք իբրեւ զոչխարս որոց ոչ իցէ հովիւ։

ԱՒԵՏԱՐԱՆ ԸՍՏ ՂՈՒԿԱՍՈՒ 11:28

Եւ նա ասէ. Նա երանի այնոցիկ է, որ լսեն զբանն Աստուծոյ եւ պահիցեն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 13:17

Եթէ զայս գիտէք, երանելի եւս էք, եթէ առնիցէք զայս։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:25

Իսկ որ յառեալ ի կատարեալ օրէնս ազատութեանն հայիցի եւ ի նմին կացցէ, ոչ եղեւ նա լսող մոռացութեան, այլ՝ առնելի գործոյն. նա յառնելն իւրում լիցի երանելի։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:14

Երանելիք են որ պահեն զպատուիրանս նորա. նոքա ունին իշխանութիւն ուտել ի փայտէն՝՝ կենաց եւ մտանել ընդ դրունս քաղաքին։

ԹԱԳԱՒՈՐՈՒԹԵԱՆՑ ԱՌԱՋԻՆ 3:1

Եւ մանուկն Սամուէլ կայր ի սպասու Տեառն առաջի Հեղեայ քահանայի. եւ բան Տեառն պատուական էր յաւուրսն յայնոսիկ, եւ ոչ գոյր տեսիլ որ գուշակէր։