ԱՌԱԿՔ ՍՈՂՈՄՈՆԻ 28:8 - Գրաբար Աստվածաշունչ (1895)

⁸ Որ լնու զտուն իւր ի տոկոսեաց եւ ի վաշխից՝ ժողովէ այնմիկ որ ողորմի աղքատաց։

ԱՌԱԿՔ ՍՈՂՈՄՈՆԻ 28:8 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:6

Եւ զորոջն տուժեսցի եւթնպատիկ, փոխանակ առնելոյ զբանն զայն, վասն զի ոչ խնայեաց։

ԳԻՐՔ ՍԱՂՄՈՍԱՑ 72:13

Ասացի. Ի զուր ուրեմն արդարացուցի զսիրտ իմ. լուացայ սրբութեամբ զձեռս իմ.

ԵԼՔ 22:25

Եւ եթէ արծաթ փոխ տայցես եղբօր քում՝՝ որ աղքատ իցէ առ քեզ, մի՛ ճեպեսցես զնա՝՝, եւ մի՛ արկանիցես նմա տոկոսիս։

ԱՌԱԿՔ ՍՈՂՈՄՈՆԻ 13:22

Այր առատ ժառանգեցուցանէ զորդիս որդւոց. գանձի արդարոց՝ մեծութիւն ամպարշտաց։

ԱՌԱԿՔ ՍՈՂՈՄՈՆԻ 14:21

Որ անարգէ զտնանկն՝ մեղանչէ. եւ որ ողորմի աղքատի՝ երանելի է։

ԱՌԱԿՔ ՍՈՂՈՄՈՆԻ 14:31

Որ զրպարտէ զտնանկն՝ բարկացուցանէ զԱրարիչ նորա. եւ որ պատուէ զՆա՝ ողորմի աղքատի։

ԱՌԱԿՔ ՍՈՂՈՄՈՆԻ 19:7

Ամենայն որ ատեայ զեղբայր աղքատ, հեռի լինի եւ ի սիրոյ նորա։ Խորհուրդ բարի՝ առ որս ճանաչիցեն զնա մերձենայ, եւ այր իմաստուն գտցէ զնա։ Որ կարի չար առնէ՝ կատարէ զչարիս. եւ որ գրգռէ զբանս՝ ոչ ապրեսցի, մանաւանդ որ վարէ զբանս որ ոչ իւր իցէ։՝՝

ԺՈՂՈՎՕՂ 2:26

Զի մարդոյ բարւոյ՝ առաջի երեսաց իւրոց ետ զիմաստութիւն եւ զգիտութիւն եւ զուրախութիւն, եւ մեղանչականին ետ զբաղումն յաճախել եւ ժողովել եւ տալ բարւոյն առաջի երեսաց Աստուծոյ. սակայն եւ այն ունայնութիւն է եւ յօժարութիւն ոգւոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:13

զարծաթ իւր ի վարձու ետ, եւ վաշխիւ եւ տոկոսեօք պահանջեաց. նա մի՛ կեցցէ որ զայն ամենայն անօրէնութիւնս արար, մահու մեռցի, եւ արիւն նորա ի վերայ նորին եղիցի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:17

եւ յանիրաւութենէ դարձոյց զձեռս իւր, վաշխս եւ տոկոսիս ոչ առ, արդարութիւն գործեաց, եւ ըստ հրամանաց իմոց գնաց. նա մի՛ վախճանեսցի յանիրաւութիւնս հօր իւրոյ, այլ կելով կեցցէ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:8

զարծաթ իւր ի վարձու ոչ տացէ, եւ տոկոսեօք անդրէն ոչ պահանջիցէ, յանիրաւութենէ զձեռս իւր դարձուցանիցէ, դատաստան արդար առնիցէ ընդ այր եւ ընդ ընկեր իւր,

ՂԵՒՏԱԿԱՆ 25:36

Մի՛ առնուցուս ի նմանէ վաշխ եւ տոկոսիս. եւ երկնչիցիս ի Տեառնէ Աստուծոյ քումմէ, զի ես եմ Տէր՝՝. եւ կեցցէ եղբայր քո ընդ քեզ։