ԱՌԱԿՔ ՍՈՂՈՄՈՆԻ 28:16 - Գրաբար Աստվածաշունչ (1895)

¹⁶ Թագաւոր կարօտ մտօք՝ մեծ զրպարտօղ, իսկ որ ատեայ զանիրաւութիւն՝ երկայնակեաց լիցի։

ԱՌԱԿՔ ՍՈՂՈՄՈՆԻ 28:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 12:10

Եւ խօսեցան ընդ նմա մանկտին սննդակիցք իւր որ կային առաջի նորա եւ ասեն. Այսպէս խօսեսցիս յականջս ժողովրդեանն որ խօսեցան ընդ քեզ եւ ասեն. Հայր քո ծանրացոյց զանուր մեր, եւ դու թեթեւացո ի մէնջ. այսպէս խօսեսցիս ընդ նոսա. Ծկոյթ իմ ստուար է քան զմէջ հօր իմոյ.

ԹԱԳԱՒՈՐՈՒԹԵԱՆՑ ԵՐՐՈՐԴ 12:14

եւ խօսեցաւ ընդ նոսա ըստ խորհրդեան մանկտւոյն եւ ասէ. Հայր իմ ծանրացոյց զանուր ձեր, եւ ես յաւելից յանուր ձեր. հայր իմ խրատէր զձեզ գանիւք, եւ ես խրատեցից զձեզ քըքովք։

ԳԻՐՔ ՆԷԵՄԵԱՅ 5:15

Եւ որք էին բռնացեալ զառաջինն՝ ծանրացուցի նոցա, եւ առի ի նոցանէ զհաց եւ զգինի եւ զայլ ամենայն, արծաթ դիդրաքմայս քառասուն, եւ դարձուցի ի տեարս իւրեանց, եւ ի բաց արարի զնոսա յիշխանութենէ ժողովրդեանն՝՝, եւ ես ոչ եղէ իբրեւ զնոսա վասն երկիւղին Աստուծոյ։

ԵԼՔ 18:21

Եւ դու տես քեզ յամենայն ժողովրդենէդ արս զօրաւորս, աստուածապաշտս, արս արդարակորովս որ ատիցեն զհպարտութիւն, եւ կացուսցես զնոսա ի վերայ դոցա հազարապետս եւ հարիւրապետս եւ յիսնապետս եւ տասնապետս։

ԱՌԱԿՔ ՍՈՂՈՄՈՆԻ 15:27

Սատակէ զանձն իւր կաշառառուն՝՝, իսկ որ ատեայ զկաշառս՝ կեցցէ։ Ողորմութեամբ եւ հաւատովք՝ սրբին մեղք. երկիւղիւ Տեառն խորշի ամենայն ոք ի չարէ։՝՝

ԺՈՂՈՎՕՂ 10:16

Վա՜յ քեզ, քաղաք, որոյ թագաւոր քո մանուկ է, եւ իշխանք քո ընդ առաւօտս ուտեն։

ԺՈՂՈՎՕՂ 4:1

Դարձայ եւ տեսի ես զամենայն զրպարտութիւնս որ լինին ընդ արեգակամբ, եւ ահա արտասուք զրպարտելոցն, եւ ոչ ոք էր որ մխիթարէր զնոսա. եւ ի ձեռս զրպարտչաց նոցա բռնութիւնք՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 3:12

Ժողովուրդ իմ, հարկահանք ձեր ճռաքաղ առնեն զձեզ, եւ պահանջօղք՝՝ տիրեն ձեզ. ժողովուրդ իմ, որ երանենդ ձեզ՝ խաբեն զձեզ, եւ զշաւիղս ոտից ձերոց խռովեցուցանեն։

ՄԱՐԳԱՐԷՈՒԹԻՒՆ ԱՄՈՎՍԱՅ 4:1

Լուարուք, զբան Տեառն՝՝, երինջք Բասանու, որ էք ի լերինս Շամրնի որ զրկէք զաղքատս եւ առ ոտն հարկանէք զտնանկն, որ ասէիք ցտեարս ձեր. Մատուցէք մեզ գինի զի արբցուք։