ԱՌԱԿՔ ՍՈՂՈՄՈՆԻ 28:10 - Գրաբար Աստվածաշունչ (1895)

¹⁰ Որ մոլորեցուցանէ զուղիղս չար ճանապարհաւ, ինքն անկցի յապականութիւն։ Ամբիծք բաժանեսցեն զբարութիւնս, եւ անօրէնք անցցեն առ բարութեամբք՝ եւ մի՛ մտցեն ի նոսա՝՝։

ԱՌԱԿՔ ՍՈՂՈՄՈՆԻ 28:10 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 37:11

Սիրտ իմ խռովեցաւ յիս եւ եթող զիս զօրութիւն իմ, լոյս աչաց իմոց՝ եւ այս ոչ եղեւ ընդ իս։

ԳԻՐՔ ՍԱՂՄՈՍԱՑ 57:6

զի մի՛ լուիցէ նա զձայն թովչի ճարտարի, եւ մի՛ առցէ դեղ ի դեղատուէ իմաստնոյ՝՝։

ԳԻՐՔ ՍԱՂՄՈՍԱՑ 9:15

որպէս պատմեցից զամենայն օրհնութիւնս քո ի դրունս դստեր Սիոնի, ցնծացայց ի փրկութեան քում։

ԱՌԱԿՔ ՍՈՂՈՄՈՆԻ 10:3

Ոչ սովամահ առնէ Տէր զանձն արդարոյ, եւ զկեանս ամպարշտաց կործանեսցէ։

ԱՌԱԿՔ ՍՈՂՈՄՈՆԻ 15:6

Տունք արդարոց զօրութեամբ բազմաւ. պտուղք ամպարշտաց կորիցեն։

ԱՌԱԿՔ ՍՈՂՈՄՈՆԻ 2:21

Զի ուղիղք բնակեսցեն յերկրի, եւ անարատք մնասցեն ի նմա։

ԱՌԱԿՔ ՍՈՂՈՄՈՆԻ 21:20

Գանձ ցանկալի հանգիցէ ի բերան՝՝ իմաստնոյ, արք տգէտք կլցեն զնա։

ԱՌԱԿՔ ՍՈՂՈՄՈՆԻ 26:27

Որ փորէ խորխորատ ընկերի իւրում՝ ինքն լցցէ զնա, եւ որ գլէ վէմ՝ յանձն իւր գլեսցէ։

ԱՌԱԿՔ ՍՈՂՈՄՈՆԻ 28:18

Որ գնայ արդարութեամբ՝ գտցէ օգնականութիւն, իսկ որ ելանէ ի թեւր ճանապարհ՝ նովին՝՝ վարակեսցի։

ԺՈՂՈՎՕՂ 10:8

Որ փորէ խորխորատ՝ ի նոյն անկցի, եւ որ քակէ զցանգ՝ հարցէ զնա օձ։

Մատթեոսի Աւետարան 6:33

Խնդրեցէք նախ զարքայութիւնն Աստուծոյ եւ զարդարութիւն նորա, եւ այդ ամենայն յաւելցի ձեզ։

ԱՌ ԳԱՂԱՏԱՑԻՍ ԹՈՒՂԹ 2:4

Այլ վասն սպրդողաց սուտ եղբարցն, որք սպրդեցին մտանել դիտել զազատութիւնն մեր զոր ունիմք ի Քրիստոս Յիսուս. զի զմեզ ծառայեցուսցեն։

ԱՌ ԵԲՐԱՅԵՑԻՍ ԹՈՒՂԹ 6:12

զի մի՛ հիւանդամիտք լինիցիք, նմանողք եղերուք այնոցիկ որ հաւատովքն եւ երկայնմտութեամբ ժառանգեցին զաւետիսն։

ՊԵՏՐՈՍԻ ԱՌԱՋԻՆ՝՝ 3:9

Մի՛ չար փոխանակ չարի հատուցանել, կամ բամբասանս ընդ բամբասանաց. այլ զնորին հակառակն օրհնել, զի յայս իսկ կոչեցարուք, զի զօրհնութիւնն ժառանգիցէք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 2:14

Այլ ունիմ առ քեզ սակաւ, զի կայ առ քեզ վարդապետութիւնն՝՝ Բաղաամու, որ ուսոյց զԲաղակ դնել գայթակղութիւն առաջի որդւոցն Իսրայելի, ուտել նոցա զոհեալ եւ պոռնկել։

ԹԱԳԱՒՈՐՈՒԹԵԱՆՑ ԱՌԱՋԻՆ 26:19

Եւ արդ լուիցէ տէր իմ արքայ զբանս ծառայի իւրոյ. եթէ Աստուծոյ շարժեալ է զքեզ ի վերայ իմ, ճենճերեսցի զոհ քո. եւ եթէ որդւոց մարդկան, անիծեալ լիցին դոքա առաջի Տեառն. զի մերժեցին զիս այսօր չհաստատել ինձ ի ժառանգութեան Տեառն. ասեն. Երթ ծառայեա աստուածոց օտարաց։