ԱՌԱԿՔ ՍՈՂՈՄՈՆԻ 26:25 - Գրաբար Աստվածաշունչ (1895)

²⁵ եթէ աղաչիցէ զքեզ թշնամին, եւ ի ձայն բարձր աղերսիցէ՝՝, մի՛ հաւատար նմա. զի եւթն չարիք կան ի սրտի նորա։

ԱՌԱԿՔ ՍՈՂՈՄՈՆԻ 26:25 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 6:2

եւ առաքեաց Սանաբաղատ եւ Գեսամ առ իս, եւ ասեն. Եկ եւ ժողովեսցուք ի միասին ի գեղ մի ի դաշտին Ովնոյ։ Եւ նոքա կամէին խորհել չար ի վերայ իմ։

ԳԻՐՔ ՍԱՂՄՈՍԱՑ 12:2

Մինչեւ յե՞րբ դնեմ զխորհուրդս յանձն իմ, եւ ցաւք սրտի իմոյ զաւուրս։

ԳԻՐՔ ՍԱՂՄՈՍԱՑ 28:3

Ձայն Տեառն ի վերայ ջուրց, եւ Աստուած փառաց որոտաց, եւ Տէր ինքն ի վերայ ջուրց բազմաց։

ԱՌԱԿՔ ՍՈՂՈՄՈՆԻ 23:7

զոր օրինակ թէ մազ ոք կլանէ՝ այնպէս ուտէ եւ ըմպէ։

ԱՌԱԿՔ ՍՈՂՈՄՈՆԻ 26:23

Որ տայ արծաթ նենգութեամբ, իբրեւ ընդ խեցի համարեալ է. շրթունք ողորկք ծածկեն զսիրտս տրտմագինս։

ՄԱՐԳԱՐԷՈՒԹԻՒՆ ԵՐԵՄԵԱՅ 12:6

Քանզի եւ եղբարքն քո եւ տուն հօր քո, եւ նոքա դաւեցին քեզ, եւ նոքին աղաղակեցին զկնի քո, կուտեցան ի վերայ քո. մի՛ հաւատար նոցա զի խօսեսցին զքէն չարութիւն։՝՝

ՄԱՐԳԱՐԷՈՒԹԻՒՆ ՄԻՔԻԱՅ 7:5

Մի՛ հաւատայք սիրելեաց, եւ մի՛ յուսայք յիշխանս. եւ յանկողնակցէ քումմէ զգոյշ լեր պատմել ինչ նմա։

Մատթեոսի Աւետարան 24:23

Յայնժամ թէ ոք ասիցէ ձեզ. Ահաւասիկ աստ է Քրիստոսն կամ անդ, մի՛ հաւատայցէք։

ԹԱԳԱՒՈՐՈՒԹԵԱՆՑ ԱՌԱՋԻՆ 18:17

Եւ ասէ Սաւուղ ցԴաւիթ. Ահա դուստր իմ երէց Մերովբ, տաց զնա քեզ կնութեան. բայց լեր դու ինձ յորդի զօրութեան, եւ պատերազմեա զպատերազմունս Տեառն։ Քանզի ասաց Սաւուղ. Մի՛ եղիցի ձեռն իմ ի նա, այլ եղիցի ի նա ձեռն այլազգեացն։