ԱՌԱԿՔ ՍՈՂՈՄՈՆԻ 26:2 - Գրաբար Աստվածաշունչ (1895)

² Որպէս թռչունք եւ ճնճղուկք թռանին, նոյնպէս անէծք զուր ումեք ոչ ելանեն։

ԱՌԱԿՔ ՍՈՂՈՄՈՆԻ 26:2 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:12

Թերեւս տեսցէ Տէր զտառապանս իմ, եւ հատուսցէ ինձ բարիս փոխանակ անիծից նորա յաւուր յայսմիկ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:8

դարձոյց ի քեզ Տէր զամենայն արիւնս տանն Սաւուղայ, զի թագաւորեցեր փոխանակ նորա. եւ ետ Տէր զթագաւորութիւն քո՝՝ ի ձեռս Աբիսողոմայ որդւոյ քո. եցոյց քեզ զչարիս քո՝՝, զի այր արեանց ես դու։

ԳԻՐՔ ՆԷԵՄԵԱՅ 13:2

վասն զի ոչ ելին ընդ առաջ որդւոցն Իսրայելի հացիւ եւ ջրով, այլ կալան ի վարձու զԲաղաամ գէտ՝ անիծանել զնոսա. եւ դարձոյց Աստուած մեր զանէծսն յօրհնութիւն։

ԱՌԱԿՔ ՍՈՂՈՄՈՆԻ 27:8

Որպէս թռչուն որ թռանի՝՝ ի բունոյ իւրմէ, նոյնպէս եւ մարդ ստրկանայ՝ յորժամ օտարանայցէ՝՝ յիւրմէ տեղւոյ։

ՄԱՐԳԱՐԷՈՒԹԻՒՆ ԵՍԱՅԵԱՅ 16:2

Եւ եղիցիս իբրեւ հաւու թռուցելոյ ձագ մնացեալ, դուստր Մովաբացւոց։

ԹԻՒՔ 23:8

Զի՞նչ նզովեցից՝ զոր ոչ նզովէ Աստուած, կամ զի՞նչ անիծից՝ զոր ոչ անիծանէ Տէր.

ԹԱԳԱՒՈՐՈՒԹԵԱՆՑ ԱՌԱՋԻՆ 17:43

Եւ ասէ այլազգին ցԴաւիթ. Զիա՞րդ. շո՞ւն եմ ես զի ցպով եւ քարամբք գաս ի վերայ իմ։ Եւ ասէ Դաւիթ. Նա եւ վատթար եւս ես քան զշուն՝՝։ Եւ նզովեաց այլազգին զԴաւիթ դիօքն իւրովք։