ԱՌԱԿՔ ՍՈՂՈՄՈՆԻ 24:17 - Գրաբար Աստվածաշունչ (1895)

¹⁷ Եթէ կործանեսցի թշնամին քո՝ մի՛ ոտն հարկաներ, եւ ի գայթակղելն նորա մի՛ հպարտանար։

ԱՌԱԿՔ ՍՈՂՈՄՈՆԻ 24:17 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:32

Եւ թաղեցին զԱբեններ ի Քեբրոն. եւ ամբարձ արքայ զձայն իւր եւ ելաց ի վերայ գերեզմանի նորա, եւ ելաց ամենայն ժողովուրդն ի վերայ Աբեններայ։

ԳԻՐՔ ՅՈԲԱՅ 31:29

եթէ ոտնհար եղէ ի վերայ գլորման թշնամւոյ իմոյ, եւ ասացի ի սրտի իմում թէ՝ Վա՛շ.

ԱՌԱԿՔ ՍՈՂՈՄՈՆԻ 17:5

Որ կատակէ զաղքատով՝ բարկացուցանէ զԱրարիչ նորա, եւ որ ոտն հարկանէ կորուսելոյն՝ ոչ արդարասցի. իսկ որ գթայն՝ ողորմութիւն գտցէ։՝՝

ԱՌԱԿՔ ՍՈՂՈՄՈՆԻ 24:18

Զի մի՛ հայեսցի Տէր, եւ ոչ հաճեսցի ընդ այն, եւ դարձուսցէ զբարկութիւն իւր ի նմանէ։

ՄԱՐԳԱՐԷՈՒԹԻՒՆ ԱԲԴԻՈՒ 1:12

Եւ մի՛ տեսցես զաւեր եղբօրն քո յաւուրն օտարաց, եւ մի՛ ոտնհար լիցիս՝՝ որդւոցն Յուդայ յաւուրս կորստեան նոցա, եւ մի՛ մեծաբանեսցես յաւուր նեղութեան,

ՄԱՐԳԱՐԷՈՒԹԻՒՆ ՄԻՔԻԱՅ 7:8

Մի՛ ոտնհար լինիր ինձ, թշնամի իմ, զի գլորեցայ, միւսանգամ կանգնեցայց. զի թէ նստայց ի խաւարի՝ Տէր է իմ լոյս։

ԴԱՏԱՒՈՐՔ 16:25

Եւ եղեւ իբրեւ զուարթացան սիրտք իւրեանց, ասեն. Կոչեցէք զՍամփսոն ի տանէ բանտին՝՝, եւ խաղասցէ առաջի մեր։ Եւ կոչեցին զՍամփսոն ի տանէ բանտին, եւ խաղային նովաւ՝՝. եւ կացուցին զնա ի մէջ երկուց սեանցն։