ԱՌԱԿՔ ՍՈՂՈՄՈՆԻ 21:12 - Գրաբար Աստվածաշունչ (1895)

¹² Ի միտ առնու արդար զսիրտ ամպարշտաց, եւ ապականեն զամպարիշտս չարիք՝՝։

ԱՌԱԿՔ ՍՈՂՈՄՈՆԻ 21:12 ပူးပေါင်းရင်းမြစ်များ

ԾՆՈՒՆԴՔ 19:29

Եւ եղեւ ի սատակել Տեառն զամենայն քաղաքսն շուրջ զբնակութեամբն՝՝ յիշեաց Աստուած զԱբրահամ, եւ եհան արձակեաց զՂովտ ի միջոյ կործանմանն, ի կործանել Տեառն զքաղաքսն յորս բնակեալ էր ի նոսա Ղովտ։

ԳԻՐՔ ՅՈԲԱՅ 5:3

Նա՝ ես տեսի անզգամաց արմատս ձգեալ, այլ վաղվաղակի հարան յարկք՝՝ նոցա։

ԳԻՐՔ ՅՈԲԱՅ 8:15

թէպէտ եւ հաստատեսցէ զտուն իւր՝ մի՛ կացցէ, յարկանել ձեռին նորա՝ մի՛ հանդարտեսցէ։

ԳԻՐՔ ՍԱՂՄՈՍԱՑ 52:5

Ո՞րպէս ոչ ծանիցեն ամենեքեան, որ գործեն զանօրէնութիւն. ոյք ուտէին զժողովուրդ իմ որպէս կերակուր հացի, եւ առ Աստուած ոչ կարդացին։

ԱՌԱԿՔ ՍՈՂՈՄՈՆԻ 13:6

Արդարութիւն պահէ զանմեղս ճանապարհաւ, զամպարիշտս անզգամեցուցանեն մեղք։

ԱՌԱԿՔ ՍՈՂՈՄՈՆԻ 14:11

Տունք ամպարշտաց՝ կործանեսցին. յարկք արդարոց՝ օրհնեսցին։

ԱՌԱԿՔ ՍՈՂՈՄՈՆԻ 14:32

Չարեօք իւրովք մերժի ամպարիշտն. եւ որ յուսայ յանձին սրբութիւն՝ արդար է։

ԱՌԱԿՔ ՍՈՂՈՄՈՆԻ 29:16

Ի բազմանալ ամպարշտաց՝ յաճախեն մեղք, իսկ արդարք ի նոցա կործանելն՝ զահի հարկանին՝՝։

ՄԱՐԳԱՐԷՈՒԹԻՒՆ ՈՎՍԵԱՅ 14:9

զի՞ եւս կայ նորա եւ կռոց, ես խոնարհեցուցի զնա, եւ ես զօրացուցից զնա. ես իբրեւ զայգի պտղախայծ՝՝, յինէն գտաւ պտուղ ի քեզ։

ՄԱՐԳԱՐԷՈՒԹԻՒՆ ԱՄՈՎՍԱՅ 4:11

Կործանեցի զձեզ՝ որպէս կործանեաց Աստուած զՍոդոմ եւ զԳոմոր, եւ եղերուք իբրեւ զխանձող զերծեալ ի հրոյ. սակայն եւ այնպէս ոչ դարձարուք առ իս, ասէ Տէր։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:5

Այլ ոչ եթէ ընդ բազումս ի նոցանէ հաճեցաւ Աստուած, քանզի տապաստ անկան յանապատի անդ։