ԱՌԱԿՔ ՍՈՂՈՄՈՆԻ 20:3 - Գրաբար Աստվածաշունչ (1895)

³ Փառք են առն խոտորել ի հայհոյութեանց, իսկ ամենայն անզգամ ընդ այնպիսիսն շաղի։

ԱՌԱԿՔ ՍՈՂՈՄՈՆԻ 20:3 ပူးပေါင်းရင်းမြစ်များ

ԾՆՈՒՆԴՔ 13:7

Եւ եղեւ մարտ ի մէջ հովուաց խաշանցն Աբրամու, եւ ի մէջ հովուաց խաշանցն Ղովտայ. եւ Քանանացիքն եւ Փերեզացիքն յայնժամ բնակեալ էին յերկրին։

ԾՆՈՒՆԴՔ 13:8

Ասէ Աբրամ ցՂովտ. Մի՛ լիցի կռիւ ընդ իս եւ ընդ քեզ, եւ ընդ հովիւս իմ եւ ընդ հովիւս քո. զի արք եղբարք եմք մեք։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:9

Եւ առաքեաց Յովաս արքայ Իսրայելի առ Ամասիա արքայ Յուդայ եւ ասէ. Ակքան ի Լիբանանէ յղեաց առ եղեւնափայտն որ ի Լիբանան՝ եւ ասէ. Տուր զդուստր քո որդւոյ իմում կնութեան. եւ անցին գազանք անապատի որ ի Լիբանան եւ կոխեցին զԱկքանն։

ԱՌԱԿՔ ՍՈՂՈՄՈՆԻ 14:17

Բարկասիրտ գործէ առանց խորհրդոյ. եւ այր իմաստուն՝ յոյժ համբերէ։

ԱՌԱԿՔ ՍՈՂՈՄՈՆԻ 14:29

Այր երկայնամիտ՝ բազմապատիկ է խորհրդովք. իսկ կարճամիտն՝ յոյժ անմիտ է։

ԱՌԱԿՔ ՍՈՂՈՄՈՆԻ 16:32

Լաւ է այր երկայնամիտ քան զհզօր. եւ այր որ ունի զիմաստութիւն՝ քան զանդս մեծամեծս, եւ որ յաղթէ բարկութեան՝ քան որ առնուցու զքաղաք հզօր։

ԱՌԱԿՔ ՍՈՂՈՄՈՆԻ 17:14

Իշխանութիւն բանից տայ սկիզբն արդարութեան. եւ առաջնորդ լինի կարօտութեան՝ հակառակութիւն եւ կռիւ։՝՝

ԱՌԱԿՔ ՍՈՂՈՄՈՆԻ 18:6

Շրթունք անզգամի հասուցանեն զնա ի չարիս, եւ բերան նորա յանդուգն՝ մահ կոչէ ի վերայ՝՝։

ԱՌԱԿՔ ՍՈՂՈՄՈՆԻ 19:11

Այր ողորմած՝ երկայնամիտ լինի, եւ պարծանք նորա գերիվերոյ լինին անզգամաց։՝՝

ԱՌԱԿՔ ՍՈՂՈՄՈՆԻ 21:24

Խիստն եւ յանդուգն եւ հպարտն՝ ժանտ կոչին, եւ որ պահէ ոխս՝ անօրէն է։

ԱՌԱԿՔ ՍՈՂՈՄՈՆԻ 26:17

Որպէս որ բուռն հարկանիցէ զշան ձետոյ, նոյնպէս եւ մարդ որ անկանի յայլոյ դատաստան։

ԱՌ ԵՓԵՍԱՑԻՍ ԹՈՒՂԹ 4:32

Լերուք ընդ միմեանս քաղցունք, գթածք, շնորհել միմեանց, որպէս եւ Աստուած Քրիստոսիւ շնորհեաց մեզ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:14

Ապա եթէ նախանձ եւ դառնութիւն եւ հակառակութիւն ունիցիք ի սիրտս ձեր, մի՛ պարծիք սուտ առնել զճշմարտութիւնն։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:1

Ուստի՞ պատերազմունք, եւ ուստի՞ կռիւք ի ձեզ. ո՞չ յայդպիսի ցանկութեանց ձերոց որ զօրացեալ են յանդամս ձեր։