ԱՌԱԿՔ ՍՈՂՈՄՈՆԻ 20:21 - Գրաբար Աստվածաշունչ (1895)

²¹ Մասն՝՝ փութացեալ յառաջնումն՝ ի վախճանի ոչ օրհնեսցի։

ԱՌԱԿՔ ՍՈՂՈՄՈՆԻ 20:21 ပူးပေါင်းရင်းမြစ်များ

ԱՌԱԿՔ ՍՈՂՈՄՈՆԻ 13:22

Այր առատ ժառանգեցուցանէ զորդիս որդւոց. գանձի արդարոց՝ մեծութիւն ամպարշտաց։

ԱՌԱԿՔ ՍՈՂՈՄՈՆԻ 20:20

Որ հայհոյէ զհայր կամ զմայր՝ շիջցի լոյս նորա, եւ բիբք աչաց նորա զխաւար տեսցեն։

ԱՌԱԿՔ ՍՈՂՈՄՈՆԻ 20:22

Մի՛ ասիցես թէ առից վրէժ ի թշնամւոյն. այլ համբեր Տեառն, զի քեզ օգնական լիցի։

ԱՌԱԿՔ ՍՈՂՈՄՈՆԻ 21:6

Որ կուտէ զգանձս ստութեամբ լեզուի՝ զհետ երթայ սնոտեաց, եւ հասանէ յորոգայթս մահու։

ԱՌԱԿՔ ՍՈՂՈՄՈՆԻ 23:4

Մի՛ ձգտիր՝ եթէ տնանկիցես՝ ընդ մեծատան, այլ քո իմաստութեամբդ մերժեաց ի նմանէ։

ԱՌԱԿՔ ՍՈՂՈՄՈՆԻ 28:20

Այր հաւատարիմ օրհնեսցի յոյժ, եւ չարագործն ի պատուհասէ մի՛ ապրեսցի։ Որ ոչ պատկառէ յերեսաց արդարոց՝ չէ գովելի։

ԱՌԱԿՔ ՍՈՂՈՄՈՆԻ 28:22

Փութայ մեծանալ այր չարակն, եւ ոչ գիտէ թէ ողորմածն յաղթէ նմա։

ԱՌԱԿՔ ՍՈՂՈՄՈՆԻ 28:8

Որ լնու զտուն իւր ի տոկոսեաց եւ ի վաշխից՝ ժողովէ այնմիկ որ ողորմի աղքատաց։

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 2:6

Ո՞չ ապաքէն զայս ամենայն առակ զնմանէ առակեսցեն, եւ զնա արկցեն յերգ եւ ասասցեն. Վա՜յ որ յաճախէ անձին իւրում որ ոչ իւր իցէ, մինչեւ ցե՞րբ, ծանրացուցանէ զանուր իւր ծանրութեամբ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 5:4

Եւ հանից զդա, ասէ Տէր ամենակալ, եւ մտցէ ի տունս գողոց, եւ ի տունս որ երդնուցուն սուտ յանուն իմ, եւ բնակեսցէ ի մէջ տան նորա, եւ վախճանեսցէ զնա, եւ զփայտ նորա եւ զքարինս նորա։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:2

Եթէ ոչ լսիցէք եւ ոչ դնիցէք ի սրտի ձերում, տալ փառս անուան իմում, ասէ Տէր ամենակալ, առաքեցից ի վերայ ձեր անէծս, եւ անիծից զօրհնութիւնս ձեր, եւ նզովեցից զնա, եւ ցրուեցից զօրհնութիւնս ձեր. եւ մի՛ եղիցի ի միջի ձերում,՝՝ զի դուք ոչ եդիք ի սրտի ձերում։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:9

Իսկ որք կամինն մեծանալ՝ անկանին ի փորձութիւն եւ յորոգայթ եւ ի բազում ցանկութիւնս անմիտս եւ վնասակարս, որք ընկղմեն զմարդիկ ի սատակումն եւ ի կորուստ։