ԱՌԱԿՔ ՍՈՂՈՄՈՆԻ 2:7 - Գրաբար Աստվածաշունչ (1895)

⁷ Եւ գանձէ ուղղոց զփրկութիւն, վերակացու լինի գնացից նոցա՝՝,

ԱՌԱԿՔ ՍՈՂՈՄՈՆԻ 2:7 ပူးပေါင်းရင်းမြစ်များ

ԳԻՐՔ ՅՈԲԱՅ 28:8

Եւ ոչ կոխեցին զնա որդիք ամբարտաւանից, ոչ անց ի նա առեւծ։

ԳԻՐՔ ՍԱՂՄՈՍԱՑ 144:2

Զօրհանապազ օրհնեցից զքեզ, եւ գովեցից զանուն քո յաւիտեան եւ յաւիտեանս յաւիտենից։

ԳԻՐՔ ՍԱՂՄՈՍԱՑ 3:4

Այլ դու, Տէր, օգնական իմ ես, փառք իմ եւ բարձրացուցիչ գլխոյ իմոյ։

ԳԻՐՔ ՍԱՂՄՈՍԱՑ 84:11

Ողորմութիւն եւ ճշմարտութիւն պատահեսցին, արդարութիւն եւ խաղաղութիւն համբուրեսցին։

ԱՌԱԿՔ ՍՈՂՈՄՈՆԻ 14:8

Իմաստութիւն խորագիտաց՝ ծանիցէ զճանապարհս նոցա, անմտութիւն անզգամաց՝ մոլորութեամբ։

ԱՌԱԿՔ ՍՈՂՈՄՈՆԻ 28:18

Որ գնայ արդարութեամբ՝ գտցէ օգնականութիւն, իսկ որ ելանէ ի թեւր ճանապարհ՝ նովին՝՝ վարակեսցի։

ԱՌԱԿՔ ՍՈՂՈՄՈՆԻ 30:5

ամենայն՝՝ բանք Աստուծոյ ընտրեալք են, եւ վերակացու է նա երկիւղածաց իւրոց։

ԱՌԱԿՔ ՍՈՂՈՄՈՆԻ 8:14

Իմ է խորհուրդ եւ զգուշութիւն, իմ է հանճար եւ զօրութիւն։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:19

Զի գրեալ է. Կորուսից զիմաստութիւն իմաստնոց, եւ զխորհուրդս խորհրդականաց արհամարհեցից։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:24

բայց նոցին իսկ կոչեցելոցն Հրէից եւ հեթանոսաց, զՔրիստոս՝ Աստուծոյ զօրութիւն եւ Աստուծոյ իմաստութիւն։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:30

Զի ի նմանէ դուք էք ի Քրիստոս Յիսուս, որ եղեւ մեզ իմաստութիւն յԱստուծոյ, արդարութիւն եւ սրբութիւն եւ փրկութիւն.

ԱՌ ԿՈՂՈՍԱՑԻՍ ԹՈՒՂԹ 2:3

յորում ամենայն գանձք իմաստութեան եւ գիտութեան ծածկեալ կան։