ԱՌԱԿՔ ՍՈՂՈՄՈՆԻ 19:2 - Գրաբար Աստվածաշունչ (1895)

² Սակայն տգիտութիւն անձին իւրում ոչ է բարւոք, եւ ի ստիպել ոտից իւրոց մեղանչէ՝՝։

ԱՌԱԿՔ ՍՈՂՈՄՈՆԻ 19:2 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 4:39

Եւ ել յանդն քաղել արիովթ. եւ եգիտ որթ յանդին, եւ քաղեաց ի նմանէ ազոխ լի շալակաւ իւրով, եւ եկն եւ արկ ի սան եփոյին, քանզի ոչ ճանաչէր։

ԳԻՐՔ ՅՈԲԱՅ 31:5

Եթէ գնացեալ իցեմ ընդ այպանօղս, եթէ վաղվաղեաց ոտն իմ ի նենգութիւն,

ԱՌԱԿՔ ՍՈՂՈՄՈՆԻ 1:16

Զի ոտք նոցա ի չարիս ընթանան, եւ երագունք են ի հեղուլ զարիւն։

ԱՌԱԿՔ ՍՈՂՈՄՈՆԻ 10:21

Շրթունք արդարոյ ճանաչեն զբարձունս, եւ անզգամք ի կարօտութեան՝՝ սատակեսցին։

ԱՌԱԿՔ ՍՈՂՈՄՈՆԻ 14:29

Այր երկայնամիտ՝ բազմապատիկ է խորհրդովք. իսկ կարճամիտն՝ յոյժ անմիտ է։

ԱՌԱԿՔ ՍՈՂՈՄՈՆԻ 21:5

Խորհուրդ համառօտ՝ սակայն՝՝ յառաւելութիւն, եւ ամենայն վաղվաղուկ՝ սակայն ի նուազութիւն։

ԱՌԱԿՔ ՍՈՂՈՄՈՆԻ 25:8

Զոր տեսին աչք քո՝ խօսեաց. մի՛ յանդուգն անկանիցիս ի մարտ, զի մի՛ յետոյ զղջանայցես։

ԱՌԱԿՔ ՍՈՂՈՄՈՆԻ 28:20

Այր հաւատարիմ օրհնեսցի յոյժ, եւ չարագործն ի պատուհասէ մի՛ ապրեսցի։ Որ ոչ պատկառէ յերեսաց արդարոց՝ չէ գովելի։

ԱՌԱԿՔ ՍՈՂՈՄՈՆԻ 28:22

Փութայ մեծանալ այր չարակն, եւ ոչ գիտէ թէ ողորմածն յաղթէ նմա։

ԱՌԱԿՔ ՍՈՂՈՄՈՆԻ 29:20

Յորժամ տեսանիցես զայր յանդուգն բանիւք, գիտասջիր զի յոյս գոյ յանզգամին քան ի նմա։

ԺՈՂՈՎՕՂ 12:9

Եւ աւելի իմն է զի եղեւ Ժողովօղն իմաստուն. զի ուսուցանէր ժողովրդեանն զգիտութիւն. եւ ունկն քննէ զզարդ առակաց՝՝։

ԺՈՂՈՎՕՂ 7:9

Բարի է կատարած բանից՝ քան զսկիզբն իւրեանց. բարի է երկայնամիտ՝ քան զհպարտացեալն ոգւով։

ՄԱՐԳԱՐԷՈՒԹԻՒՆ ԵՍԱՅԵԱՅ 27:11

Կանայք՝ որ դիմեալ գայք ի հանդիսէ՝ յառաջ մատիք.՝՝ զի ոչ եթէ ժողովուրդ է՝ յորում գոյ իմաստութիւն. վասն այնորիկ մի՛ գթասցի ի նոսա Աստուած որ արարն զնոսա. մի՛ որ ստեղծն զնոսա ողորմեսցի նոցա։

ՄԱՐԳԱՐԷՈՒԹԻՒՆ ԵՍԱՅԵԱՅ 28:16

Վասն այնորիկ այսպէս ասէ Տէր Տէր. Ահաւասիկ ես դնեմ ի հիմունս Սիոնի վէմ բազմապատիկ, զընտիր զգլուխ անկեան զպատուականն ի հիմունս նորա՝՝, եւ որ հաւատասցէ ի նա՝ մի՛ ամաչեսցէ։

ՄԱՐԳԱՐԷՈՒԹԻՒՆ ՈՎՍԵԱՅ 4:6

Նմանեցաւ ժողովուրդ իմ այնմիկ՝ յորում ոչ գոյր գիտութիւն՝՝. զի դու զգիտութիւն մերժեցեր, մերժեցից եւ ես զքեզ, զի մի՛ եւս քահանայասցիս ինձ. եւ մոռացար զօրէնս Աստուծոյ քո, մոռացայց եւ ես զորդիսն քո։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:3

Եւ զայն արասցեն ընդ ձեզ, քանզի ոչ ծանեան զՀայր եւ ոչ զիս։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 10:2

Քանզի վկայեմ նոցա՝ թէ զնախանձ Աստուծոյ ունին, այլ՝ ոչ գիտութեամբ։

ԱՌ ՓԻԼԻՊԵՑԻՍ ԹՈՒՂԹ 1:9

Եւ զայն աղօթս առնեմ, զի սէրն ձեր եւս քան զեւս առաւել լիցի ի գիտութեան եւ յամենայն իմաստութեան,