ԱՌԱԿՔ ՍՈՂՈՄՈՆԻ 19:16 - Գրաբար Աստվածաշունչ (1895)

¹⁶ Որ պահէ զպատուիրանս՝ պահէ զանձն իւր, եւ որ արհամարհէ զճանապարհ իւր՝ կորիցէ։

ԱՌԱԿՔ ՍՈՂՈՄՈՆԻ 19:16 ပူးပေါင်းရင်းမြစ်များ

ԳԻՐՔ ՅՈԲԱՅ 5:2

Քանզի եւ զանզգամ սպանանէ բարկութիւն, եւ զմոլորեալն մեռուցանէ նախանձ։

ԳԻՐՔ ՍԱՂՄՈՍԱՑ 103:18

Լերինք բարձունք են եղջերուաց, եւ վէմք ապաւէն նապաստակաց։

ԱՌԱԿՔ ՍՈՂՈՄՈՆԻ 13:13

Որ արհամարհէ զիրօք՝ արհամարհեսցի ի նոցանէ. որ երկնչի ի պատուիրանէն՝ առողջ լիցի։ Որդւոյ նենգաւորի՝ բարի ինչ մի՛ եղիցի. ծառայի իմաստնոյ՝ յաջողեսցին գործք իւր, եւ ուղղեսցին ճանապարհք նորա։

ԱՌԱԿՔ ՍՈՂՈՄՈՆԻ 15:32

Որ մերժէ զխրատ՝ ատեայ զանձն, որ պահէ զյանդիմանութիւն՝ ստանայ զհանճար։

ԱՌԱԿՔ ՍՈՂՈՄՈՆԻ 16:17

Շաւիղք կենաց խոտորեն ի չարեաց, երկայնութիւն կենաց ճանապարհք արդարութեան։ Որ ընդունի զխրատ՝ ի բարիս եղիցի, եւ որ պահէ զյանդիմանութիւն՝ իմաստնասցի։ Որ զգուշանայ ճանապարհաց Տեառն՝ պահէ զանձն իւր. որ սիրէ զկեանս՝ խնայեսցէ ի բերան իւր։

ԱՌԱԿՔ ՍՈՂՈՄՈՆԻ 21:16

Այր մոլորեալ ի ճանապարհէ արդարութեան՝ ի ժողովս հսկայից հանգիցէ։

ԱՌԱԿՔ ՍՈՂՈՄՈՆԻ 21:23

Որ պահէ զբերան իւր եւ զլեզու՝ պահէ ի նեղութենէ զանձն իւր։

ԱՌԱԿՔ ՍՈՂՈՄՈՆԻ 22:5

Տատասկ եւ որոգայթ ի ճանապարհս թիւրաց, իսկ որ զգոյշ կայ անձին իւրում՝ մերժեսցի ի նոցանէ։

ԱՌԱԿՔ ՍՈՂՈՄՈՆԻ 29:18

Ոչ գտցի առաջնորդ ազգի անօրինի՝՝, իսկ որ պահէ զօրէնս՝ երանելի է։

ԱՌԱԿՔ ՍՈՂՈՄՈՆԻ 3:1

Որդեակ, զօրէնս իմ մի՛ մոռանար, եւ զբանս իմ պահեսցես ի սրտի քում,

ԺՈՂՈՎՕՂ 12:13

Եւ վախճան բանիս, զամենայն ինչ լուր, յԱստուծոյ երկիր, եւ զպատուիրանս նորա պահեա. զի այս է մարդն ամենեւին։

ԺՈՂՈՎՕՂ 8:5

Որ պահէ զպատուիրան՝ ոչ գիտասցէ զբան չարութեան. եւ ժամանակ իրաւանց՝՝ ճանաչէ սիրտ իմաստնոց։

ՄԱՐԳԱՐԷՈՒԹԻՒՆ ԵՐԵՄԵԱՅ 7:23

Այլ զայս բան պատուիրեցի նոցա եւ ասեմ. Լուարուք ձայնի իմում, եւ ես եղէց ձեզ յԱստուած, եւ դուք եղիջիք ինձ ի ժողովուրդ, եւ գնասջիք յամենայն ճանապարհս իմ զոր պատուիրեցի ձեզ, զի բարի լինիցի ձեզ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 33:5

Զի զձայն լուաւ զփողոյն եւ ոչ զգուշացաւ, արիւն նորա ի վերայ նորին եղիցի. եւ նա՝ զի զգուշացոյց, զանձն իւր ապրեցոյց։

Մատթեոսի Աւետարան 16:26

Զի՞նչ օգտիցի մարդ եթէ զաշխարհս ամենայն շահեսցի եւ զանձն իւր տուժեսցի. կամ զի՞նչ տացէ մարդ փրկանս ընդ անձին իւրոյ։

ԱՒԵՏԱՐԱՆ ԸՍՏ ՂՈՒԿԱՍՈՒ 10:28

Եւ ասէ ցնա. Ուղիղ ետուր զպատասխանիդ, զայդ արա եւ կեցցես։

ԱՒԵՏԱՐԱՆ ԸՍՏ ՂՈՒԿԱՍՈՒ 11:28

Եւ նա ասէ. Նա երանի այնոցիկ է, որ լսեն զբանն Աստուծոյ եւ պահիցեն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 14:15

Եթէ սիրէք զիս, զպատուիրանս իմ պահեսջիք։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 7:19

զի թլփատութիւն ոչինչ է, եւ անթլփատութիւն՝ ոչինչ, այլ՝ պահպանութիւն Աստուծոյ պատուիրանացն։

ՅՈՎՀԱՆՆՈՒ ԱՌԱՋԻՆ՝՝ 3:22

եւ զոր ինչ հայցեմք՝ առնումք ի նմանէ, զի զպատուիրանս նորա պահեմք, եւ զհաճոյս առաջի նորա առնեմք։

ՅՈՎՀԱՆՆՈՒ ԱՌԱՋԻՆ՝՝ 5:3

Քանզի այս է սէրն Աստուծոյ, եթէ զպատուիրանս նորա պահեսցուք. եւ պատուիրանք նորա չեն ինչ ծանունք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:14

Երանելիք են որ պահեն զպատուիրանս նորա. նոքա ունին իշխանութիւն ուտել ի փայտէն՝՝ կենաց եւ մտանել ընդ դրունս քաղաքին։