ԱՌԱԿՔ ՍՈՂՈՄՈՆԻ 15:30 - Գրաբար Աստվածաշունչ (1895)

³⁰ Լաւ է սակաւիկ ինչ առնուլ արդարութեամբ, քան զբազում արդիւնս աներկիւղածութեամբ։ Սիրտ առն խորհեսցի զիրաւունս, զի յԱստուծոյ ուղղեսցին գնացք նորա։ Ակն որ տեսանէ զբարիս՝՝ ուրախ առնէ զսիրտ. համբաւ բարի պարարէ զոսկերս։

ԱՌԱԿՔ ՍՈՂՈՄՈՆԻ 15:30 ပူးပေါင်းရင်းမြစ်များ

ԵԶՐ 9:8

Եւ այժմ գթութիւնք քո եղեն ի վերայ մեր, Տէր Աստուած մեր, եւ շնորհեցեր մեզ փրկութիւն, եւ հաստատեցեր զմեզ ի տեղի սրբութեան քո, եւ լուսաւորեցեր զաչս մեր այսօր, Տէր Աստուած մեր. եւ ետուր մեզ կենդանութիւն փոքր ի շատէ ի ծառայութեանն մերում։

ԳԻՐՔ ՍԱՂՄՈՍԱՑ 89:15

Ուրախ եղաք փոխանակ աւուրցն որ խոնարհ արարեր զմեզ, եւ ամացն՝ յորս տեսաք զչարչարանս։

ԱՌԱԿՔ ՍՈՂՈՄՈՆԻ 12:25

Բան ահեղ խռովեցուցանէ զսիրտ առն արդարոյ,՝՝ աւետիք բարեաց՝ ուրախ առնեն զնա։

ԱՌԱԿՔ ՍՈՂՈՄՈՆԻ 13:9

Լոյս արդարոց՝ յամենայն ժամ՝՝. լոյս ամպարշտաց՝ շիջցի։ Անձինք նենգաւորք՝ մոլորեսցին ի մեղս, այլ արդարք գթասցին եւ ողորմեսցին։

ԱՌԱԿՔ ՍՈՂՈՄՈՆԻ 15:29

Հեռի է Աստուած՝՝ յամպարշտաց. եւ աղօթից արդարոց լսէ։

ԱՌԱԿՔ ՍՈՂՈՄՈՆԻ 17:22

Սիրտ ուրախ բարեմոյն առնէ, առն հոգածի՝ ցամաքեն ոսկերք։

ԱՌԱԿՔ ՍՈՂՈՄՈՆԻ 25:25

Որպէս ջուր ցուրտ անձին ծարաւոյ ախորժելի է, նոյնպէս աւետիք բարեաց յերկրէ հեռաստանէ։

ԱՌԱԿՔ ՍՈՂՈՄՈՆԻ 3:8

Ապա բժշկութիւն եղիցի մարմնոյ քում, եւ դարման ոսկերաց քոց։

ԺՈՂՈՎՕՂ 11:7

Քաղցր է լոյս, եւ բարի աչաց տեսանել զարեգակն.

ՄԱՐԳԱՐԷՈՒԹԻՒՆ ԵՍԱՅԵԱՅ 58:11

եւ եղիցի Աստուած քո ընդ քեզ յամենայն ժամ, եւ լցցի ըստ ցանկութեան անձն քո, եւ ոսկերք քո պարարեսցին, եւ եղիցին՝՝ իբրեւ զպարտէզ ջրալից, եւ իբրեւ զաղբեւր ուստի ջուր ոչ պակասեսցէ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:23

Եւ քաղաքին չէին պէտք արեգական եւ լուսնի, զի լուսաւորեսցեն զնա. քանզի փառքն Աստուծոյ լուսաւորէին զնա յամենայն ժամ, եւ ճրագ ի նմա՝ Գառնն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:5

Եւ գիշեր ոչ անդ, եւ չէր ինչ անդ պէտք ճրագի եւ լուսոյ արեգական, վասն զի Տէր Աստուած լուսաւորէր զնոսա. եւ թագաւորեսցեն յաւիտեանս յաւիտենից։