ԱՌԱԿՔ ՍՈՂՈՄՈՆԻ 15:27 - Գրաբար Աստվածաշունչ (1895)

²⁷ Սատակէ զանձն իւր կաշառառուն՝՝, իսկ որ ատեայ զկաշառս՝ կեցցէ։ Ողորմութեամբ եւ հաւատովք՝ սրբին մեղք. երկիւղիւ Տեառն խորշի ամենայն ոք ի չարէ։՝՝

ԱՌԱԿՔ ՍՈՂՈՄՈՆԻ 15:27 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 2:40

Յարեաւ Սեմէի եւ հանդերձեաց զէշ իւր, եւ գնաց առ Անքուս խնդրել զծառայս իւր. եւ չոգաւ Սեմէի եւ ած զծառայսն իւր ի Գեթայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:27

Եւ բորոտութիւնն Նէեմանայ յարեսցի ի քեզ եւ ի զաւակ քո յաւիտեան։ Եւ ել յերեսաց նորա բորոտեալ իբրեւ զձիւն։

ԳԻՐՔ ՍԱՂՄՈՍԱՑ 15:5

Տէր բաժին ժառանգութեան իմոյ եւ բաժակի իմոյ, դու ես, որ այսրէն դարձուցանես զժառանգութիւն իմ յիս։

ԵԼՔ 18:21

Եւ դու տես քեզ յամենայն ժողովրդենէդ արս զօրաւորս, աստուածապաշտս, արս արդարակորովս որ ատիցեն զհպարտութիւն, եւ կացուսցես զնոսա ի վերայ դոցա հազարապետս եւ հարիւրապետս եւ յիսնապետս եւ տասնապետս։

ԵԼՔ 23:8

Եւ կաշառ մի՛ առնուցուս. զի կաշառ կուրացուցանէ զաչս համարձակահայեցաց, եւ ապականէ զբանս արդարս՝՝։

ԱՌԱԿՔ ՍՈՂՈՄՈՆԻ 1:19

Այս՝՝ ճանապարհք են ամենեցուն որ գործեն զանօրէնս, զի ամպարշտութեամբն զանձինս իւրեանց սատակեն։՝՝

ԱՌԱԿՔ ՍՈՂՈՄՈՆԻ 11:19

Որդի արդար ծնանի ի կեանս. հալածանք ամպարշտաց ի մահ։՝՝

ԱՌԱԿՔ ՍՈՂՈՄՈՆԻ 11:29

Որ ոչ գայցէ զտամբ իւրով՝՝, նա զհողմս ժառանգեսցէ. եւ ծառայեսցէ անմիտն իմաստնոյն։

ԱՌԱԿՔ ՍՈՂՈՄՈՆԻ 15:26

Պիղծ է առաջի Տեառն խորհուրդ անիրաւ. բանք սրբոց պարկեշտ են։

ԱՌԱԿՔ ՍՈՂՈՄՈՆԻ 20:21

Մասն՝՝ փութացեալ յառաջնումն՝ ի վախճանի ոչ օրհնեսցի։

ԱՌԱԿՔ ՍՈՂՈՄՈՆԻ 23:4

Մի՛ ձգտիր՝ եթէ տնանկիցես՝ ընդ մեծատան, այլ քո իմաստութեամբդ մերժեաց ի նմանէ։

ԱՌԱԿՔ ՍՈՂՈՄՈՆԻ 28:16

Թագաւոր կարօտ մտօք՝ մեծ զրպարտօղ, իսկ որ ատեայ զանիրաւութիւն՝ երկայնակեաց լիցի։

ԱՌԱԿՔ ՍՈՂՈՄՈՆԻ 28:25

Այր ագահ գրգռէ զհակառակութիւն, իսկ որ յուսացեալ է ի Տէր՝ ընդ խնամով կեցցէ։

ԱՌԱԿՔ ՍՈՂՈՄՈՆԻ 29:4

Թագաւոր արդար՝ կանգնէ զաշխարհ, եւ այր անօրէն կործանէ։

ՄԱՐԳԱՐԷՈՒԹԻՒՆ ԵՐԵՄԵԱՅ 17:11

Ձայն արար կաքաւ, ժողովեաց զոր ոչ իւր ծնեալ,՝՝ որ ժողովէ զմեծութիւն առանց իրաւանց, ի կէս աւուրց իւրոց թողցէ զնա, եւ ի վախճանի իւրում եղիցի անզգամ։

ԵՐԿՐՈՐԴՈՒՄՆ ՕՐԻՆԱՑ 16:19

Եւ մի՛ աչառիցեն երեսաց, եւ մի՛ առնուցուն՝՝ կաշառս. քանզի կաշառ կուրացուցանէ զաչս իմաստնոց, եւ ապականէ զբանս արդարոց։

ԵՐԿՐՈՐԴՈՒՄՆ ՕՐԻՆԱՑ 7:26

Եւ մի՛ տանիցիս զգարշելին ի տուն քո, եւ լինիցիս ի նզովս իբրեւ զնոյն. այլ գարշելով գարշեսցիս, եւ պղծելով պղծեսցես զնոսա, զի նզովեալ է։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:10

Զի արմատ ամենայն չարեաց արծաթսիրութիւն է. որում ոմանց ցանկացեալ՝ վրիպեցան ի հաւատոցն, եւ զանձինս արկին ընդ բազում ցաւովք։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:9

Իսկ որք կամինն մեծանալ՝ անկանին ի փորձութիւն եւ յորոգայթ եւ ի բազում ցանկութիւնս անմիտս եւ վնասակարս, որք ընկղմեն զմարդիկ ի սատակումն եւ ի կորուստ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:18

Այլ դուք զգոյշ լինիջիք ի նզովիցն. գուցէ ցանկացեալք առնուցուք ինչ դուք ի նզովից անտի, եւ առնիցէք զբանակ որդւոցդ Իսրայելի ի նզովս եւ ջնջիցէք զմեզ՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 12:3

Ահաւասիկ կամ ես. տուք զինէն պատասխանի առաջի Տեառն եւ առաջի օծելոյ նորա, եթէ զեզն ուրուք առի՞, կամ զէշ ուրուք վարեցի՞, կամ յաղթահարեցի՞ զոք ի ձէնջ, կամ թէ զրկեցի՞ ինչ զոք, յո՞յր ձեռաց առի հաս կամ կօշիկս. տուք զինէն պատասխանի՝՝, եւ հատուցից ձեզ։