ԱՌԱԿՔ ՍՈՂՈՄՈՆԻ 15:18 - Գրաբար Աստվածաշունչ (1895)

¹⁸ Այր բարկացօղ նիւթէ զկռիւս. իսկ երկայնամիտն՝ եւ զհանդերձեալն ցածուցանէ։ Այր երկայնամիտ շիջուցանէ զդատաստանս, իսկ ամպարիշտն առաւել եւս գրգռէ՝՝։

ԱՌԱԿՔ ՍՈՂՈՄՈՆԻ 15:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:43

Պատասխանի ետ այր Իսրայելացի առն Յուդայ եւ ասէ. Տասն ձեռք իմ են յարքայի, եւ անդրանիկ ես եմ քան զքեզ.՝՝ նա եւ ի Դաւթի՝ ես ի վեր եմ քան զքեզ. եւ ընդէ՞ր այդպէս թշնամանեցեր զիս, եւ ոչ եղեւ ի համարի բան իմ, նախ ինձ դարձուցանել զարքայ առ իս։ Եւ խստացաւ բան առն Յուդայ քան զբան առն Իսրայելի։

ԱՌԱԿՔ ՍՈՂՈՄՈՆԻ 10:12

Ատելութիւն գրգռէ զհակառակութիւն, եւ զամենեսին որ ոչն հակառակին ծածկէ սէր։

ԱՌԱԿՔ ՍՈՂՈՄՈՆԻ 14:29

Այր երկայնամիտ՝ բազմապատիկ է խորհրդովք. իսկ կարճամիտն՝ յոյժ անմիտ է։

ԱՌԱԿՔ ՍՈՂՈՄՈՆԻ 15:1

Պատասխանի ողոք դարձուցանէ զսրտմտութիւն. բան խիստ յարուցանէ զբարկութիւն։

ԱՌԱԿՔ ՍՈՂՈՄՈՆԻ 15:19

Ճանապարհք վատաց կցեալ են փշովք, իսկ ժրացն՝ վարունք են։

ԱՌԱԿՔ ՍՈՂՈՄՈՆԻ 16:14

Սրտմտութիւն թագաւորի հրեշտակ մահու, եւ այր իմաստուն՝ ցածուցանէ զնա։

ԱՌԱԿՔ ՍՈՂՈՄՈՆԻ 16:28

Այր խորամանկ նիտայ զչարիս. եւ լապտեր նենգութեան բորբոքի չարեօք, եւ՝՝ քակէ զբարեկամս։

ԱՌԱԿՔ ՍՈՂՈՄՈՆԻ 22:24

Մի՛ լինիր ընկեր առն բարկացողի, եւ ընդ բարեկամի զայրացողի մի՛ բնակեր՝՝.

ԱՌԱԿՔ ՍՈՂՈՄՈՆԻ 25:15

Յերկայնմտութենէ՝ յաջողութիւն թագաւորի, լեզու արձակ՝՝ փշրէ զոսկերս։

ԱՌԱԿՔ ՍՈՂՈՄՈՆԻ 26:21

Կրակարանք՝՝ կայծականց եւ փայտ հրոյ, եւ այր բանսարկու առ ի յուզել զկռիւ։

ԱՌԱԿՔ ՍՈՂՈՄՈՆԻ 28:25

Այր ագահ գրգռէ զհակառակութիւն, իսկ որ յուսացեալ է ի Տէր՝ ընդ խնամով կեցցէ։

ԱՌԱԿՔ ՍՈՂՈՄՈՆԻ 29:22

Այր բարկացող յարուցանէ զհակառակութիւն, եւ այր հեզ՝ դադարեցոյց զմեղս, եւ այր սրտմտող փորեաց զմեղս՝՝։

ԺՈՂՈՎՕՂ 10:4

Եթէ հոգի իշխանին ելցէ ի վերայ քո՝ մի՛ թողուր զտեղի քո. զի ողոքումն դարձուցանէ զմեղս մեծամեծս։

Մատթեոսի Աւետարան 5:9

Երանի խաղաղարարաց, զի նոքա որդիք Աստուծոյ կոչեսցին։