ԱՌԱԿՔ ՍՈՂՈՄՈՆԻ 15:1 - Գրաբար Աստվածաշունչ (1895)

¹ Պատասխանի ողոք դարձուցանէ զսրտմտութիւն. բան խիստ յարուցանէ զբարկութիւն։

ԱՌԱԿՔ ՍՈՂՈՄՈՆԻ 15:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:43

Պատասխանի ետ այր Իսրայելացի առն Յուդայ եւ ասէ. Տասն ձեռք իմ են յարքայի, եւ անդրանիկ ես եմ քան զքեզ.՝՝ նա եւ ի Դաւթի՝ ես ի վեր եմ քան զքեզ. եւ ընդէ՞ր այդպէս թշնամանեցեր զիս, եւ ոչ եղեւ ի համարի բան իմ, նախ ինձ դարձուցանել զարքայ առ իս։ Եւ խստացաւ բան առն Յուդայ քան զբան առն Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 12:7

Եւ խօսեցան ընդ նմա եւ ասեն. Եթէ յաւուր յայսմիկ լինիցիս ծառայ ժողովրդեանն այնմիկ եւ ծառայեսցես նոցա, եւ անսասցես նոցա եւ խօսեսցիս ընդ նոսա բանս բարիս, եղիցին քեզ ծառայք զամենայն աւուրս։

ՄՆԱՑՈՐԴԱՑ ԵՐԿՐՈՐԴ 10:7

Եւ խօսեցան ընդ նմա եւ ասեն. Եթէ այսօր լինիս բարի ժողովրդեանդ այդմ, եւ հաճոյ լիցիս եւ խօսեսցիս ընդ նոսա բանս բարիս, եւ եղիցին քեզ ծառայք զամենայն աւուրս։

ԳԻՐՔ ՅՈԲԱՅ 41:3

Ոչ լռեցից վասն նորա, եւ բան Հզօրին ողորմեսցի զուգականին նորա։՝՝

ԱՌԱԿՔ ՍՈՂՈՄՈՆԻ 10:12

Ատելութիւն գրգռէ զհակառակութիւն, եւ զամենեսին որ ոչն հակառակին ծածկէ սէր։

ԱՌԱԿՔ ՍՈՂՈՄՈՆԻ 15:18

Այր բարկացօղ նիւթէ զկռիւս. իսկ երկայնամիտն՝ եւ զհանդերձեալն ցածուցանէ։ Այր երկայնամիտ շիջուցանէ զդատաստանս, իսկ ամպարիշտն առաւել եւս գրգռէ՝՝։

ԱՌԱԿՔ ՍՈՂՈՄՈՆԻ 25:15

Յերկայնմտութենէ՝ յաջողութիւն թագաւորի, լեզու արձակ՝՝ փշրէ զոսկերս։

ԱՌԱԿՔ ՍՈՂՈՄՈՆԻ 28:25

Այր ագահ գրգռէ զհակառակութիւն, իսկ որ յուսացեալ է ի Տէր՝ ընդ խնամով կեցցէ։

ԱՌԱԿՔ ՍՈՂՈՄՈՆԻ 29:22

Այր բարկացող յարուցանէ զհակառակութիւն, եւ այր հեզ՝ դադարեցոյց զմեղս, եւ այր սրտմտող փորեաց զմեղս՝՝։

ԱՌԱԿՔ ՍՈՂՈՄՈՆԻ 29:8

Արք անօրէնք՝՝ հուր հարին զքաղաքէ, եւ իմաստունք դարձուցին զբարկութիւն։