ԱՌԱԿՔ ՍՈՂՈՄՈՆԻ 14:35 - Գրաբար Աստվածաշունչ (1895)

³⁵ Ընդունելի է թագաւորի սպասաւոր իմաստուն. եւ իւրով շութափութեամբ թօթափէ զանարգանս. բարկութիւն կորուսանէ զիմաստունս՝՝։

ԱՌԱԿՔ ՍՈՂՈՄՈՆԻ 14:35 ပူးပေါင်းရင်းမြစ်များ

ԾՆՈՒՆԴՔ 41:38

Եւ ասէ փարաւոն ցամենայն ծառայս իւր. Միթէ գտանիցե՞մք այր այնպիսի որ ունիցի զոգի Աստուծոյ յանձին իւրում։

ԱՌԱԿՔ ՍՈՂՈՄՈՆԻ 10:5

Որդի խրատեալ՝ իմաստուն լիցի, եւ զանմիտն ի ծառայութեան վարեսցէ։ Ապրեցաւ ի խորշակէ որդի իմաստուն, խորշակահար լինի ամարայնի որդի անօրէն։

ԱՌԱԿՔ ՍՈՂՈՄՈՆԻ 14:34

Արդարութիւն զազգ բարձրացուցանէ. նուազեցուցանեն զազգս մեղք։

ԱՌԱԿՔ ՍՈՂՈՄՈՆԻ 16:13

Ընդունելի են թագաւորի շրթունք արդարք, զբանս ուղիղս սիրէ Տէր՝՝։

ԱՌԱԿՔ ՍՈՂՈՄՈՆԻ 17:2

Ծառայ իմաստուն տիրեսցէ տերանց անմտաց՝՝, եւ ընդ եղբարս բաժանեսցի մասն։

ԱՌԱԿՔ ՍՈՂՈՄՈՆԻ 19:26

Որդի որ անարգէ զհայր եւ մերժէ զմայր, ամօթ կրէ եւ նախատ լիցի։

ԱՌԱԿՔ ՍՈՂՈՄՈՆԻ 20:26

Ցրումն ամպարշտաց՝՝ թագաւոր իմաստուն. եւ արկանէ զնոքօք անիւ։

ԱՌԱԿՔ ՍՈՂՈՄՈՆԻ 20:8

Յորժամ թագաւոր արդար նստիցի յաթոռ, ոչ դառնայցէ ընդդէմ աչաց նորա ամենայն չարագործ։

ԱՌԱԿՔ ՍՈՂՈՄՈՆԻ 22:11

Սիրէ Տէր զսիրտ սուրբ, եւ ընդունելի են նմա ամենայն անարատք. շրթամբք հովուէ թագաւոր։՝՝

ԱՌԱԿՔ ՍՈՂՈՄՈՆԻ 25:5

Սատակեա՝՝ զամպարիշտս յերեսաց թագաւորի, եւ ուղղեսցի արդարութեամբ աթոռ նորա։

ԱՌԱԿՔ ՍՈՂՈՄՈՆԻ 29:12

Թագաւոր՝ որ ունկնդիր է բանից անիրաւութեան, ամենեքեան որ ընդ նովաւ են՝ անօրէնք են։

Մատթեոսի Աւետարան 25:21

Ասէ ցնա տէրն իւր. Ազնի՛ւ, ծառայ բարի եւ հաւատարիմ, որովհետեւ ի սակաւուդ հաւատարիմ ես, ի վերայ բազմաց կացուցից զքեզ. մուտ յուրախութիւն տեառն քո։

Մատթեոսի Աւետարան 25:23

Ասէ ցնա տէրն իւր. Ազնի՛ւ, ծառայ բարի եւ հաւատարիմ, որովհետեւ ի սակաւուդ հաւատարիմ ես, ի վերայ բազմաց կացուցից զքեզ. մուտ յուրախութիւն տեառն քո։