ԱՌԱԿՔ ՍՈՂՈՄՈՆԻ 14:33 - Գրաբար Աստվածաշունչ (1895)

³³ Ի սիրտ բարի հանգչի իմաստութիւն, եւ ի սիրտ անմտաց ոչ ծանիցի։՝՝

ԱՌԱԿՔ ՍՈՂՈՄՈՆԻ 14:33 ပူးပေါင်းရင်းမြစ်များ

ԱՌԱԿՔ ՍՈՂՈՄՈՆԻ 12:16

իսկ անմիտն առ օրին յայտնէ զբարկութիւն իւր. թաքուցանէ զանարգանս իւր այր խորագէտ։

ԱՌԱԿՔ ՍՈՂՈՄՈՆԻ 12:23

Այր իմաստուն՝ աթոռ հանճարոյ, սիրտ անզգամաց պատահեսցէ նզովից։

ԱՌԱԿՔ ՍՈՂՈՄՈՆԻ 13:16

Ամենայն խորագէտ գործէ իմաստութեամբ, իսկ անմիտն տարածէ յանձն իւր զչարիս։

ԱՌԱԿՔ ՍՈՂՈՄՈՆԻ 14:32

Չարեօք իւրովք մերժի ամպարիշտն. եւ որ յուսայ յանձին սրբութիւն՝ արդար է։

ԱՌԱԿՔ ՍՈՂՈՄՈՆԻ 14:34

Արդարութիւն զազգ բարձրացուցանէ. նուազեցուցանեն զազգս մեղք։

ԱՌԱԿՔ ՍՈՂՈՄՈՆԻ 15:2

Լեզու իմաստնոց գիտէ զբարիս՝՝. բերանք անզգամաց պատմեն զչարիս։

ԱՌԱԿՔ ՍՈՂՈՄՈՆԻ 15:28

Սիրտք արդարոց խոկան զհաւատս, բերան ամպարշտի պատասխանի տայ զչարիս։ Ընդունելի են առաջի Տեառն ճանապարհք մարդոց արդարոց. վասն նոցա եւ թշնամիք բարեկամք լինին։

ԱՌԱԿՔ ՍՈՂՈՄՈՆԻ 2:10

Զի եթէ եկեսցէ իմաստութիւն ի միտս քո, եւ զհանճար անձին քում բարի համարեսցիս լինել։

ԱՌԱԿՔ ՍՈՂՈՄՈՆԻ 29:11

զամենայն բարկութիւն իւր միանգամայն թափէ անզգամ, իսկ իմաստունն մեղմով համբերէ։

ԺՈՂՈՎՕՂ 10:3

Քանզի եւ ի ճանապարհի յորժամ գնայցէ անմիտն, սիրտ նորա պակասեսցի, եւ զոր ինչ խորհի՝ ամենայն անմտութիւն՝՝ է։