ԱՌԱԿՔ ՍՈՂՈՄՈՆԻ 14:17 - Գրաբար Աստվածաշունչ (1895)

¹⁷ Բարկասիրտ գործէ առանց խորհրդոյ. եւ այր իմաստուն՝ յոյժ համբերէ։

ԱՌԱԿՔ ՍՈՂՈՄՈՆԻ 14:17 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:12

Ո՞չ լաւ իցեն Աբանա եւ Փարփարա գետք Դամասկոսի քան զամենայն ջուրս Իսրայելի. եւ ընդէ՞ր ոչ երթայց եւ լուացայց ի նոսա եւ սրբեցայց. եւ դարձաւ եւ գնաց սրտմտութեամբ։

ԱՌԱԿՔ ՍՈՂՈՄՈՆԻ 12:16

իսկ անմիտն առ օրին յայտնէ զբարկութիւն իւր. թաքուցանէ զանարգանս իւր այր խորագէտ։

ԱՌԱԿՔ ՍՈՂՈՄՈՆԻ 12:2

Լաւ է որ՝՝ գտանէ շնորհս ի Տեառնէ, իսկ այր անօրէն կարկեսցի։

ԱՌԱԿՔ ՍՈՂՈՄՈՆԻ 14:16

Իմաստունն զարհուրեալ՝ խոտորեցաւ ի չարէ. իսկ անզգամն յանձնապաստան խառնակի ընդ անօրինին՝՝։

ԱՌԱԿՔ ՍՈՂՈՄՈՆԻ 14:18

Բաժանին ամպարիշտք զչարիս, իսկ խորագէտք զօրանան իմաստութեամբ։

ԱՌԱԿՔ ՍՈՂՈՄՈՆԻ 14:29

Այր երկայնամիտ՝ բազմապատիկ է խորհրդովք. իսկ կարճամիտն՝ յոյժ անմիտ է։

ԱՌԱԿՔ ՍՈՂՈՄՈՆԻ 15:18

Այր բարկացօղ նիւթէ զկռիւս. իսկ երկայնամիտն՝ եւ զհանդերձեալն ցածուցանէ։ Այր երկայնամիտ շիջուցանէ զդատաստանս, իսկ ամպարիշտն առաւել եւս գրգռէ՝՝։

ԱՌԱԿՔ ՍՈՂՈՄՈՆԻ 16:32

Լաւ է այր երկայնամիտ քան զհզօր. եւ այր որ ունի զիմաստութիւն՝ քան զանդս մեծամեծս, եւ որ յաղթէ բարկութեան՝ քան որ առնուցու զքաղաք հզօր։

ԱՌԱԿՔ ՍՈՂՈՄՈՆԻ 20:3

Փառք են առն խոտորել ի հայհոյութեանց, իսկ ամենայն անզգամ ընդ այնպիսիսն շաղի։

ԱՌԱԿՔ ՍՈՂՈՄՈՆԻ 22:24

Մի՛ լինիր ընկեր առն բարկացողի, եւ ընդ բարեկամի զայրացողի մի՛ բնակեր՝՝.

ԱՌԱԿՔ ՍՈՂՈՄՈՆԻ 29:22

Այր բարկացող յարուցանէ զհակառակութիւն, եւ այր հեզ՝ դադարեցոյց զմեղս, եւ այր սրտմտող փորեաց զմեղս՝՝։

ԱՌԱԿՔ ՍՈՂՈՄՈՆԻ 6:18

սիրտ որ նիւթէ զխորհուրդս չարս, եւ ոտք որ փութան գործել զչարիս՝ սատակեսցին։

ԺՈՂՈՎՕՂ 7:9

Բարի է կատարած բանից՝ քան զսկիզբն իւրեանց. բարի է երկայնամիտ՝ քան զհպարտացեալն ոգւով։

ՄԱՐԳԱՐԷՈՒԹԻՒՆ ԵՍԱՅԵԱՅ 32:7

Զի խորհուրդք չարաց՝՝ անօրէնս խորհին ապականել զխոնարհս բանիւք անիրաւութեամբ, եւ ցրուել զբանս տնանկաց ի դատաստանի.

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:19

Գիտասջիք, եղբարք իմ սիրելիք, եղիցի ամենայն մարդ արագ առ ի լսել, եւ ծանր առ ի խօսել, եւ ծանր առ ի բարկանալ։