ԱՌԱԿՔ ՍՈՂՈՄՈՆԻ 13:6 - Գրաբար Աստվածաշունչ (1895)

⁶ Արդարութիւն պահէ զանմեղս ճանապարհաւ, զամպարիշտս անզգամեցուցանեն մեղք։

ԱՌԱԿՔ ՍՈՂՈՄՈՆԻ 13:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 1:52

Եւ ասէ Սողոմոն. Եթէ լինիցի յորդի զօրութեան, ոչ անկցի ի հերոյ նորա մազ մի ի գետին, ապա եթէ չարութիւն գտցի ի նմա՝ մահու մեռցի։

ԹԱԳԱՒՈՐՈՒԹԵԱՆՑ ԵՐՐՈՐԴ 13:34

Եւ եղեւ բանն այն ի մեղս տանն Յերոբովամայ, եւ ի սատակումն եւ յապականութիւն յերեսաց երկրին։

ՄՆԱՑՈՐԴԱՑ ԵՐԿՐՈՐԴ 28:23

եւ ասաց արքայն. Խնդրեցից զաստուածս Դամասկոսի որք հարին զիս. եւ ասէ. Եթէ աստուածք թագաւորին Ասորեստանեայց նոքա են զօրաւորք՝՝, նոցա այսուհետեւ զոհեցից եւ օգնեսցեն ինձ. եւ նոքա եղեն նմա խոչ եւ ամենայն Իսրայելի։

ԳԻՐՔ ՍԱՂՄՈՍԱՑ 119:1

Ի նեղութեան իմում ես առ Տէր կարդացի, եւ լուաւ ինձ։

ԳԻՐՔ ՍԱՂՄՈՍԱՑ 15:2

Պահեա զիս, Աստուած, զի ես ի քեզ յուսացայ. ասացի Տեառն. Տէր իմ ես դու, եւ բարիք իմ ինձ ի քէն են։

ԳԻՐՔ ՍԱՂՄՈՍԱՑ 26:1

Տէր լոյս իմ եւ կեանք իմ, ես յումմէ՞ երկեայց. Տէր ապաւէն կենաց իմոց, ես յումմէ՞ դողացայց։

ԱՌԱԿՔ ՍՈՂՈՄՈՆԻ 10:29

Ամրութիւն սրբոց երկեւղ Տեառն, եւ բեկումն այնոցիկ ոյք գործեն զչարիս։

ԱՌԱԿՔ ՍՈՂՈՄՈՆԻ 11:20

Պիղծ են Տեառն՝ ճանապարհք թեւրք՝՝, եւ ընդունելի են նմա ամենայն ամբիծք ճանապարհաւ։

ԱՌԱԿՔ ՍՈՂՈՄՈՆԻ 11:3

Կատարելութիւն ուղղոց առաջնորդեսցէ նոցա, եւ գայթակղութիւն արհամարհողաց աւերեսցէ զնոսա։

ԱՌԱԿՔ ՍՈՂՈՄՈՆԻ 21:12

Ի միտ առնու արդար զսիրտ ամպարշտաց, եւ ապականեն զամպարիշտս չարիք՝՝։

ԱՌԱԿՔ ՍՈՂՈՄՈՆԻ 5:22

Անօրէնութիւնք որսան զայր, եւ ի տոռունս մեղաց իւրոց շաղի իւրաքանչիւր ոք։