ԱՌԱԿՔ ՍՈՂՈՄՈՆԻ 10:14 - Գրաբար Աստվածաշունչ (1895)

¹⁴ Իմաստունք ծածկեն զիմաստութիւն, բերան յանդգնելոյ մերձ է ի բեկումն։

ԱՌԱԿՔ ՍՈՂՈՄՈՆԻ 10:14 ပူးပေါင်းရင်းမြစ်များ

ԱՌԱԿՔ ՍՈՂՈՄՈՆԻ 1:5

որոց իբրեւ լուիցէ իմաստունն՝ իմաստնագոյն լիցի, իսկ որ հանճարեղն իցէ զառաջնորդութիւն ստասցի,

ԱՌԱԿՔ ՍՈՂՈՄՈՆԻ 10:10

Որ ակնարկէ ակամբ նենգութեամբ՝ ժողովէ արանց զտրտմութիւն, որ յանդիմանէ համարձակութեամբ՝ առնէ զխաղաղութիւն։՝՝

ԱՌԱԿՔ ՍՈՂՈՄՈՆԻ 10:8

Սիրտ իմաստուն ընկալցի զպատուիրանս, եւ ցոփն շրթամբք գայթակղելով կործանեսցի։

ԱՌԱԿՔ ՍՈՂՈՄՈՆԻ 12:23

Այր իմաստուն՝ աթոռ հանճարոյ, սիրտ անզգամաց պատահեսցէ նզովից։

ԱՌԱԿՔ ՍՈՂՈՄՈՆԻ 13:3

Որ խնայէ ի բերան իւր՝ պահէ զանձն, իսկ որ յանդուգն է շրթամբք՝ խռովէ զանձն իւր։

ԱՌԱԿՔ ՍՈՂՈՄՈՆԻ 17:20

Խստասիրտն՝ բարեաց ոչ պատահէ. այր յեղյեղուկ լեզուաւ՝ անկցի ի չարիս։

ԱՌԱԿՔ ՍՈՂՈՄՈՆԻ 18:1

Պատճառս խնդրէ այր որ կամիցի քակել ի բարեկամաց իւրոց. յամենայն ժամանակի նախատ լիցի։

ԱՌԱԿՔ ՍՈՂՈՄՈՆԻ 18:15

Սիրտ իմաստնոյ ստանայ զհանճար. ականջք իմաստնոց խնդրեն զխորհուրդս։

ԱՌԱԿՔ ՍՈՂՈՄՈՆԻ 18:7

Բերան անզգամի բեկումն է նմա, եւ շրթունք նորա որոգայթ անձին իւրում։

ԱՌԱԿՔ ՍՈՂՈՄՈՆԻ 19:8

Որ ստանայ զհանճար՝ սիրէ զանձն, եւ որ պահէ զիմաստութիւն՝ պահէ զբարիս՝՝։

ԱՌԱԿՔ ՍՈՂՈՄՈՆԻ 21:23

Որ պահէ զբերան իւր եւ զլեզու՝ պահէ ի նեղութենէ զանձն իւր։

ԱՌԱԿՔ ՍՈՂՈՄՈՆԻ 9:9

Տուր իմաստնոյն պատճառս, եւ իմաստնագոյն եւս լիցի. տեղեկացո զարդարն, եւ յաւելցէ ընդունել։

ԺՈՂՈՎՕՂ 10:12

Բանք բերանոյ իմաստնոյ՝ շնորհք, եւ շրթունք անմտի ընկղմեն զնա։

Մատթեոսի Աւետարան 12:35

Մարդ բարի ի բարի գանձուց սրտի իւրոյ՝՝ հանէ զբարիս. եւ մարդ չար ի չար գանձուց սրտի իւրոյ՝՝ հանէ զչարիս։

Մատթեոսի Աւետարան 13:44

Դարձեալ նման է արքայութիւն երկնից գանձի ծածկելոյ յագարակի, զոր գտեալ մարդոյ՝ թագոյց. եւ ի խնդութենէ անտի երթայ վաճառէ զամենայն ինչ զոր ունի, եւ գնէ զագարակն զայն։

Մատթեոսի Աւետարան 13:52

Եւ նա ասէ ցնոսա. Վասն այսորիկ ամենայն դպիր աշակերտեալ արքայութեան երկնից նման է առն տանուտեառն, որ հանէ ի գանձէ իւրմէ զնոր եւ զհին։