ԱՌԱԿՔ ՍՈՂՈՄՈՆԻ 1:9 - Գրաբար Աստվածաշունչ (1895)

⁹ զի պսակ շնորհաց ընկալցի գլուխ քո, եւ մանեակ ոսկի ի պարանոցի քում։

ԱՌԱԿՔ ՍՈՂՈՄՈՆԻ 1:9 ပူးပေါင်းရင်းမြစ်များ

ԾՆՈՒՆԴՔ 41:42

Եւ հանեալ փարաւոնի զմատանին իւր ի ձեռանէ իւրմէ՝ եդ ի ձեռին Յովսեփայ, եւ զգեցոյց նմա պատմուճան բեհեզեայ, եւ արկ մանեակ ոսկի ի պարանոց նորա։

ԳԻՐՔ ՍԱՂՄՈՍԱՑ 73:6

Որպէս յանտառի փայտատօք կոտորեցին զդրունս նորա,՝՝ ի միասին փայտատօք եւ մրճովք կործանեցին զնա։

ԱՌԱԿՔ ՍՈՂՈՄՈՆԻ 3:22

զի կեցցէ անձն քո, եւ շնորհք իցեն ի վերայ պարանոցի քո. եղիցի բժշկութիւն մարմնոյ քում, եւ դարման ոսկերաց քոց։՝՝

ԱՌԱԿՔ ՍՈՂՈՄՈՆԻ 3:3

Ողորմութիւն եւ հաւատք ի քէն մի՛ պակասեսցեն. արկ զնոսա ընդ պարանոց քո, եւ գրեա զնոսա յընդարձակութիւն սրտի քո.

ԱՌԱԿՔ ՍՈՂՈՄՈՆԻ 4:9

Զի տացէ գլխոյ քում պսակ շնորհաց. եւ պսակաւն փափկութեան վերակացու լիցի քեզ։

Երգ Երգոց 1:10

Նմանութիւն ոսկւոյ արասցուք քեզ՝ հանդերձ կիտուածովք արծաթոյ,

Երգ Երգոց 4:9

Սրտակաթ արարեր զմեզ, քոյր մեր հարսն, սրտակաթ արարեր զմեզ միով ակամբ քով, եւ միով քառամանեկաւ պարանոցի քո։

ՄԱՐԳԱՐԷՈՒԹԻՒՆ ԵՍԱՅԵԱՅ 3:19

եւ զհիւսս եւ զծամակալս եւ զպսակակալս եւ զմահիկս,

ՄԱՐԳԱՐԷՈՒԹԻՒՆ ԵՐԵՄԵԱՅ 35:8

Եւ լուաք բարբառոյ Յովնադաբայ որդւոյ Ռեքաբայ հօր մերում՝ ըստ ամենայնի զոր պատուիրեաց մեզ չըմպել գինի զամենայն աւուրս մեր, մեք եւ կանայք մեր եւ ուստերք եւ դստերք մեր.

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:11

եւ զարդարեցի զքեզ զարդու, եւ եդի ապարանջանս ի ձեռս քո, եւ քառամանեակ ի պարանոց քո.