ԱՌԱԿՔ ՍՈՂՈՄՈՆԻ 1:7 - Գրաբար Աստվածաշունչ (1895)

⁷ Սկիզբն իմաստութեան երկեւղ Տեառն, հանճար բարի ամենեցուն որ առնեն զնա. պաշտօն բարի առ Աստուած՝ սկիզբն զգօնութեան.՝՝ զիմաստութիւն եւ զխրատ ամպարիշտք անգոսնեն։

ԱՌԱԿՔ ՍՈՂՈՄՈՆԻ 1:7 ပူးပေါင်းရင်းမြစ်များ

ԳԻՐՔ ՅՈԲԱՅ 28:28

եւ ասէ ցմարդ. Ահա աստուածպաշտութիւն է իմաստութիւն, եւ մեկնել ի չարեաց է հանճար։

ԳԻՐՔ ՍԱՂՄՈՍԱՑ 111:10

Մեղաւորն տեսցէ եւ բարկասցի, զատամունս իւր կրճտեսցէ եւ հալեսցի, եւ ցանկութիւն մեղաւորաց կորիցէ։

ԱՌԱԿՔ ՍՈՂՈՄՈՆԻ 1:22

Ցորքան ժամանակս անմեղք իցեն զհետ արդարութեան, մի՛ ամաչեսցեն. իսկ անմիտք ցանկացօղք թշնամանաց՝ ամպարշտեալք ատեցին զիմաստութիւն, եւ դատապարտք եղեն յանդիմանութեանց։

ԱՌԱԿՔ ՍՈՂՈՄՈՆԻ 15:32

Որ մերժէ զխրատ՝ ատեայ զանձն, որ պահէ զյանդիմանութիւն՝ ստանայ զհանճար։

ԱՌԱԿՔ ՍՈՂՈՄՈՆԻ 15:33

Երկեւղ Տեառն խրատ եւ իմաստութիւն, եւ սկիզբն փառաց պատասխանի արասցէ նմա՝՝։

ԱՌԱԿՔ ՍՈՂՈՄՈՆԻ 15:5

Անզգամն՝ անգոսնէ զխրատ հօր. իսկ որ պահէ զյանդիմանութիւն՝ խորագէտ է։ Ի յաճախել արդարութեան՝ զօրութիւն բազում, եւ ամպարիշտք արմատաքի յերկրէ կորիցեն։՝՝

ԱՌԱԿՔ ՍՈՂՈՄՈՆԻ 18:2

Ոչ ինչ պիտոյ է իմաստութիւն պակասամտի, զի առաւել եւս վարի անզգամութեամբ։

ԱՌԱԿՔ ՍՈՂՈՄՈՆԻ 2:5

յայնժամ ի միտ առցես զերկեւղ Տեառն, եւ զգիտութիւն Աստուծոյ գտցես։

ԱՌԱԿՔ ՍՈՂՈՄՈՆԻ 23:9

Յականջս անզգամի ամենեւին մի՛ խօսիր, զի մի՛ անգոսնեսցէ զիմաստուն բանս քո։

ԱՌԱԿՔ ՍՈՂՈՄՈՆԻ 9:10

Սկիզբն իմաստութեան՝ երկեւղ Տեառն, եւ խորհուրդ սրբոց՝ հանճար. իմանալ զօրէնս՝ մտաց առատաց է։

ԺՈՂՈՎՕՂ 12:13

Եւ վախճան բանիս, զամենայն ինչ լուր, յԱստուծոյ երկիր, եւ զպատուիրանս նորա պահեա. զի այս է մարդն ամենեւին։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:28

Եւ որպէս զի ոչ ընտրեցին զԱստուած ունել ի գիտութեան, մատնեաց զնոսա Աստուած ի միտս անարգութեան՝ գործել զանարժանս.

ԵՐԿՐՈՐԴՈՒՄՆ ՕՐԻՆԱՑ 4:6

Եւ պահեսջիք եւ արասջիք, զի այն է իմաստութիւն ձեր եւ հանճար առաջի ամենայն ազգացն, որ լսիցեն զամենայն իրաւունս զայսոսիկ եւ ասիցեն. Ահա ժողովուրդ իմաստուն եւ հանճարեղ, ազգս այս մեծ։