ԱՌԱԿՔ ՍՈՂՈՄՈՆԻ 1:28 - Գրաբար Աստվածաշունչ (1895)

²⁸ իցէ զի կարդայցէք առ իս, եւ ես ոչ լսիցեմ ձեզ. խնդրեսցեն զիս չարք, եւ ոչ գտանիցեն.

ԱՌԱԿՔ ՍՈՂՈՄՈՆԻ 1:28 ပူးပေါင်းရင်းမြစ်များ

ԾՆՈՒՆԴՔ 6:3

Եւ ասէ Տէր Աստուած. Մի՛ մնասցէ ոգի իմ ի մարդկանդ յայդմիկ յաւիտեան, վասն լինելոյ դոցա մարմին. եւ եղիցին աւուրք դոցա ամք հարեւր քսան։

ԳԻՐՔ ՅՈԲԱՅ 27:9

կամ թէ խնդրուածոց նորա լուիցէ՞ Տէր. եթէ՝՝ ի հասանել ի վերայ նորա տագնապի,

ԳԻՐՔ ՅՈԲԱՅ 35:12

Անդ աղաղակեսցեն՝ եւ մի՛ լուիցէ, զի այն պատահումն ի հպարտութենէ չարեաց է.

ԱՌԱԿՔ ՍՈՂՈՄՈՆԻ 15:29

Հեռի է Աստուած՝՝ յամպարշտաց. եւ աղօթից արդարոց լսէ։

ԱՌԱԿՔ ՍՈՂՈՄՈՆԻ 8:17

Ես որ զիսն սիրեն՝ սիրեմ. եւ որ զիսն խնդրեն՝ գտցեն շնորհս՝՝։

Երգ Երգոց 5:6

Բացի ես եղբօրորդւոյ իմոյ. եղբօրորդի իմ անց, եւ ոգի իմ ել ընդ բանի նորա։ Խնդրեցի զնա՝ եւ ոչ գտի, կոչեցի զնա՝ եւ ոչ ետ ինձ ձայն։

ՄԱՐԳԱՐԷՈՒԹԻՒՆ ԵՍԱՅԵԱՅ 1:15

Յորժամ համբառնայցէք զձեռս ձեր՝ դարձուցից զերեսս իմ ի ձէնջ, եւ եթէ յաճախիցէք յաղօթս՝ ոչ լուայց ձեզ. զի ձեռք ձեր լի են արեամբ։

ՄԱՐԳԱՐԷՈՒԹԻՒՆ ԵՐԵՄԵԱՅ 11:11

Վասն այնորիկ այսպէս ասէ Տէր. Ահաւադիկ ես ածից ի վերայ դոցա չարիս, յորոց ոչ կարասցեն ելանել. եւ աղաղակեսցեն առ իս, եւ ոչ լուայց նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 14:12

Զի թէ պահեսցեն, ոչ լուայց խնդրուածոց նոցա. եւ եթէ մատուսցեն ողջակէզս եւ զոհս՝ ոչ հաճեցայց ընդ այն. զի սրով եւ սովով եւ մահուամբ սպառեցից զնոսա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 8:18

Եւ ես արարից ընդ նոսա բարկութեամբ, եւ ոչ խնայեսցէ ակն իմ, եւ ոչ ողորմեցայց նոցա. եւ աղաղակեսցեն յականջս իմ մեծաձայն, եւ ոչ լուայց նոցա։

ՄԱՐԳԱՐԷՈՒԹԻՒՆ ՈՎՍԵԱՅ 5:15

Գնացից եւ դարձայց ի տեղի իմ, մինչեւ ապականեսցին, եւ խնդրեսցեն զերեսս իմ. ի նեղութեան իւրեանց կանխեսցեն առ իս։

ՄԱՐԳԱՐԷՈՒԹԻՒՆ ՈՎՍԵԱՅ 5:6

Յորձիւք եւ պատարագօք՝՝ երթիցեն խնդրել զՏէր, եւ մի՛ գտցեն զնա, զի խոյս ետ ի նոցանէ.

ՄԱՐԳԱՐԷՈՒԹԻՒՆ ԱՄՈՎՍԱՅ 8:12

Եւ խովեսցին ջուրք՝՝ ի ծովէ մինչեւ ի ծով, եւ ի հիւսիսոյ մինչեւ յարեւելս. ընթասցին խնդրել զբանն Տեառն, եւ մի՛ գտցեն։

ՄԱՐԳԱՐԷՈՒԹԻՒՆ ՄԻՔԻԱՅ 3:4

նոյնպէս աղաղակեսցեն առ Տէր, եւ ոչ լուիցէ նոցա, եւ դարձուսցէ զերեսս իւր ի նոցանէն ի ժամանակին յայնմիկ, փոխանակ զի չարչարեցին զնոսա ի գործս՝՝ իւրեանց։

ՄԱՐԳԱՐԷՈՒԹԻՒՆ ԶԱՔԱՐԵԱՅ 7:13

Եւ եղիցի զոր օրինակ խօսեցան՝ եւ՝՝ ոչ լուան նմա, նոյնպէս աղաղակեսցեն, եւ ոչ լուիցէ նոցա՝՝, ասէ Տէր ամենակալ։

ԵՐԿՐՈՐԴՈՒՄՆ ՕՐԻՆԱՑ 1:45

Եւ նստեալ լայիք առաջի Տեառն, եւ ոչ լուաւ Տէր ձայնի ձերում, եւ ոչ անսաց ձեզ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:3

խնդրէք եւ ոչ առնուք, վասն զի չարաչար խնդրէք. զի անդէն ի ցանկութիւնս ձեր մաշեսջիք։

ԹԱԳԱՒՈՐՈՒԹԵԱՆՑ ԱՌԱՋԻՆ 8:18

Եւ աղաղակեսջիք յաւուր յայնմիկ յերեսաց թագաւորին ձերոյ զոր ընտրեցէք ձեզ, եւ ոչ լուիցէ ձեզ Տէր յաւուրսն յայնոսիկ. զի դուք ձեզէն ընտրեցէք ձեզ թագաւոր։՝՝