ԹԻՒՔ 4:14 - Գրաբար Աստվածաշունչ (1895)

¹⁴ եւ դիցեն ի վերայ նորա զսպասն որովք պաշտիցեն ի վերայ նորա, եւ զբուրուառս եւ զմսահանս եւ զտաշտսն, եւ զծածկիչսն եւ՝՝ զամենայն սպաս սեղանոյն, եւ արկցեն ի վերայ նորա նուարտան մաշկեղէն կապուտակ. եւ անցուսցեն ընդ նա զլծակսն։ Եւ առցեն հանդերձ ծիրանի եւ ծածկեսցեն զաւազանն եւ զխարիսխս նորա, եւ արկցեն զնովաւ մաշկ կապուտակ, եւ դիցեն ի վերայ լծակացն։՝՝

ԹԻՒՔ 4:14 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 4:19

Եւ արար Սողոմոն զամենայն սպաս տանն Տեառն. եւ զսեղանն ոսկի եւ զայլ սեղանսն, եւ ի վերայ նոցա զհացն զառաջաւորութեան,

ԵԼՔ 27:1

Եւ արասցես սեղան յանփուտ փայտից, ի հինգ կանգնոյ զերկայնութիւն եւ ի հինգ կանգնոյ զլայնութիւն. չորեքկուսի լինիցի սեղանն. եւ յերից կանգնոց զբարձրութիւն նորա։

ԵԼՔ 27:3

Եւ արասցես պսակ սեղանոյն, եւ զնուարտանն՝՝ նորա, եւ զտաշտսն եւ զմսահանսն եւ զկրակարանսն, եւ զամենայն սպասն արասցես պղնձի։

ԹԻՒՔ 4:13

Եւ զնուարտանն դիցեն ի վերայ սեղանոյն՝՝, եւ ծածկեսցեն զնա հանդերձիւ համակ ծիրանւով,

ԹԻՒՔ 4:15

Եւ կատարեսցեն Ահարոն եւ որդիք նորա ծածկել զսրբութիւնսն, եւ զամենայն կահ սրբութեանն ի չուել բանակին. եւ ապա մտցեն որդիքն Կահաթու բառնալ. եւ մի՛ մերձեսցին ի սրբութիւնսն՝ զի մի՛ մեռանիցին. զայն բառնայցեն որդիքն Կահաթու ի խորանէ անտի վկայութեան։

ԹԻՒՔ 4:6

Եւ դիցեն ի վերայ նորա զնուարտանն մաշկեղէն զկապուտակ, եւ արկցեն զնովաւ ձորձ համակ կապուտակ ի վերուստ կողմանէ, եւ ագուսցեն զլծակսն։