ԹԻՒՔ 35:8 - Գրաբար Աստվածաշունչ (1895)

⁸ Եւ զքաղաքս՝ զոր տայցէք ի կալուածոց որդւոցն Իսրայելի, ի բազմաց բազումս, եւ ի սակաւուց՝ սակաւս. ըստ իւրաքանչիւր ժառանգութեան զոր ժառանգիցեն՝ տացեն ի քաղաքաց անտի՝ Ղեւտացւոցն։

ԹԻՒՔ 35:8 ပူးပေါင်းရင်းမြစ်များ

ԾՆՈՒՆԴՔ 49:7

Անիծեալ սրտմտութիւն նոցա, զի յանդուգն էր. եւ ոխութիւն նոցա, զի խիստ էր. բաժանեցից զնոսա ի մէջ Յակոբայ, եւ ցրուեցից զնոսա ի մէջ Իսրայելի։

ՄՆԱՑՈՐԴԱՑ ԵՐԿՐՈՐԴ 11:14

(վասն զի թողին Ղեւտացիքն զբնակութիւնս կալուածոց իւրեանց, եւ գնացին առ Յուդայ եւ յԵրուսաղէմ. քանզի եհան զնոսա Յերոբովամ եւ որդիք նորա, ոչ եւս պաշտել զՏէր։

ԵԼՔ 16:18

Եւ չափեցին չափովն. որոյ շատն էր՝ ոչ յաւելաւ, եւ որոյ սակաւն էր՝ ոչ պակասեաց. իւրաքանչիւր ըստ բաւականի իւրում ժողովեցին։

ՂԵՒՏԱԿԱՆ 25:32

Եւ ի քաղաքս Ղեւտացւոց տունք որ ի քաղաքս կալուածոց նոցա իցեն՝ ընդ փրկանօք լինիցին հանապազ որ ի մէջ Ղեւտացւոցն իցէ՝՝։

ԹԻՒՔ 26:54

Ըստ բազմաց՝ բազմացուսցես զժառանգութիւնն, եւ ըստ սակաւուց՝ սակաւացուսցես զժառանգութիւնն իւրեանց. իւրաքանչիւր որպէս եւ անցին ի հանդիսի՝ տացի ժառանգութիւնն իւրեանց։

ԹԻՒՔ 33:54

Ըստ ցեղից ձերոց, ըստ բազմաց՝ բազմացուցանիջիք զկալուածս իւրեանց, եւ ըստ սակաւուց՝ սակաւացուսջիք զկալուածս իւրեանց. որպէս ելանիցէ յանուն ուրուք՝ անդ լինիցի. ըստ ցեղից նահապետութեան ձերոյ ժառանգեսջիք։

ԹԻՒՔ 35:9

Եւ խօսեցաւ Տէր ընդ Մովսիսի եւ ասէ.