ԹԻՒՔ 35:27 - Գրաբար Աստվածաշունչ (1895)

²⁷ եւ գտցէ զնա մերձաւոր արեանն արտաքոյ սահմանաց քաղաքին ապաստանի իւրոյ, եւ սպանցէ մերձաւոր արեանն զսպանօղն, մի՛ լինիցի մահապարտ։

ԹԻՒՔ 35:27 ပူးပေါင်းရင်းမြစ်များ

ԵՐԿՐՈՐԴՈՒՄՆ ՕՐԻՆԱՑ 19:10

եւ մի՛ հեղցի արիւն անպարտ յերկրին քում, զոր Տէր Աստուած քո տացէ քեզ ի ժառանգութիւն. եւ մի՛ ոք լիցի ի միջի քում պարտական արեան։

ԵՐԿՐՈՐԴՈՒՄՆ ՕՐԻՆԱՑ 19:6

զի մի՛ պնդեսցի մերձաւոր արեանն զկնի սպանողին մինչդեռ այրիցի սիրտ նորա, եւ հասանիցէ նմա, եթէ հեռագոյն իցէ ճանապարհն, եւ հարկանիցէ զանձն նորա, եւ նմա չէ դատաստան մահու, զի ոչ ատեայր զնա յերէկն եւ յեռանդ։

ԵԼՔ 22:2

Իսկ եթէ յական գտանիցի գող, եւ խոցեալ մեռանիցի, չէ այն նմա ի սպանութիւն։

ԹԻՒՔ 35:26

Եւ եթէ ելանելով ելանիցէ սպանօղն ըստ սահմանս քաղաքին յոր ապաւինեցաւն,

ԹԻՒՔ 35:28

Վասն այնորիկ ի քաղաքի ապաւինին իւրոյ բնակեսցէ, մինչեւ մեռանիցի քահանայն մեծ. եւ յետ մեռանելոյ քահանային մեծի՝ դարձցի անդրէն սպանօղն յերկիր կալուածոց իւրոց։