ԹԻՒՔ 35:25 - Գրաբար Աստվածաշունչ (1895)

²⁵ եւ ապրեցուսցէ ժողովուրդն զսպանօղն ի մերձաւորէ արեանն, եւ յուղարկեսցէ զնա ժողովուրդն անդրէն ի քաղաքն ապաստանի յոր ապաւինեալն էր. եւ բնակեսցէ անդ մինչեւ մեռանիցի քահանայն մեծ զոր օծին իւղովն սրբութեան։

ԹԻՒՔ 35:25 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:14

զի մահու մեռանիցի, եւ իբրեւ զջուր հեղեալ յերկիր ոչ ամփոփիցի, եւ ոչ առնուցու Աստուած զոգին, եւ խորհիցի ոք մերժել՝՝ յինքենէ զմերժեալն։

ԵԼՔ 29:7

Եւ առցես յիւղոյ անտի օծման, եւ արկցես ի գլուխ նորա եւ օծցես զնա։

ՂԵՒՏԱԿԱՆ 21:10

Եւ քահանայն մեծ յեղբարց իւրոց, յորոյ վերայ գլխոյն արկեալ իցէ զեւղն օծութեան, եւ կատարեալ զձեռս նորա զգենուլ զպատմուճանն, զգլուխ իւր մի՛ ապախուրեսցէ, եւ զհանդերձս իւր մի՛ պատառեսցէ.

ՂԵՒՏԱԿԱՆ 4:3

Եթէ քահանայապետն օծեալ մեղանչիցէ առ ի զժողովուրդն յանցուցանելոյ, մատուսցէ վասն մեղաց իւրոց զոր մեղաւ՝ զուարակ յանդւոյ անարատ Տեառն՝ վասն մեղաց.

ՂԵՒՏԱԿԱՆ 8:12

Եւ արկ Մովսէս յիւղոյ օծութեանն ի գլուխն Ահարոնի եւ օծ զնա, եւ սրբեաց զնա։

ԹԻՒՔ 35:24

դատեսցի ժողովուրդն ի մէջ հարկանելեացն եւ ի մէջ մերձաւորի արեանն ըստ դատաստանացս այսոցիկ.

ԹԻՒՔ 35:26

Եւ եթէ ելանելով ելանիցէ սպանօղն ըստ սահմանս քաղաքին յոր ապաւինեցաւն,

ԹԻՒՔ 35:28

Վասն այնորիկ ի քաղաքի ապաւինին իւրոյ բնակեսցէ, մինչեւ մեռանիցի քահանայն մեծ. եւ յետ մեռանելոյ քահանային մեծի՝ դարձցի անդրէն սպանօղն յերկիր կալուածոց իւրոց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:6

Եւ բնակեսցէ ի քաղաքին յայնմիկ մինչեւ կացցէ առաջի ժողովրդեանն յատենի, մինչեւ մեռանիցի քահանայն մեծ որ իցէ յաւուրսն յայնոսիկ. եւ ապա դարձցի սպանօղն եւ եկեսցէ ի տեղի իւր եւ ի տուն իւր, ի քաղաքն ուստի փախեաւ։