ԹԻՒՔ 35:12 - Գրաբար Աստվածաշունչ (1895)

¹² Եւ եղիցին ձեզ քաղաքք ապաստանի ի մերձաւորէ արեանն, եւ մի՛ մեռանիցի սպանօղն մինչեւ կացցէ առաջի ժողովրդեանն ի դատաստանի։

ԹԻՒՔ 35:12 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:7

Եւ ահա յարուցեալ է ամենայն ազգն ի վերայ աղախնոյ քո, ասեն. Տուր զսպանօղն եղբօր իւրոյ, եւ սպանցուք զնա փոխանակ անձին եղբօր իւրոյ, եւ բարձցուք զժառանգակալն քո. եւ շիջուցանիցեն զկայծակն իմ զմնացեալ, առ ի չթողլոյ առն իմում մնացորդ եւ անուն ի վերայ երեսաց երկրի։

ԹԻՒՔ 35:13

Եւ քաղաքքն զոր տայցէք՝ վեց քաղաքք ապաստանի լինիցին ձեզ։

ԹԻՒՔ 35:19

մերձաւոր արեանն սպանցէ զսպանօղն. յորժամ պատահեսցէ նմա՝ սպանցէ զնա։

ԵՐԿՐՈՐԴՈՒՄՆ ՕՐԻՆԱՑ 19:4

Այս սահման եղիցի ամենայն սպանողի որ փախչիցի անդր եւ ապրեսցի. Որ ոք հարկանիցէ զընկեր իւր ակամայ, եւ նա ոչ ատեայր զնա յերէկն եւ յեռանդ.

ԵՐԿՐՈՐԴՈՒՄՆ ՕՐԻՆԱՑ 19:6

զի մի՛ պնդեսցի մերձաւոր արեանն զկնի սպանողին մինչդեռ այրիցի սիրտ նորա, եւ հասանիցէ նմա, եթէ հեռագոյն իցէ ճանապարհն, եւ հարկանիցէ զանձն նորա, եւ նմա չէ դատաստան մահու, զի ոչ ատեայր զնա յերէկն եւ յեռանդ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:2

Տուք զքաղաքս ապաստանացն զորոց խօսեցայ ընդ ձեզ ի ձեռն Մովսիսի,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:9

Այն են քաղաքք հոյակապք ամենայն որդւոցն Իսրայելի եւ եկին յեցելոյ ի նոսա, փախչել անդր ամենայնի որ հարկանիցէ զանձն ակամայ. զի մի՛ մեռանիցի ի ձեռաց մերձաւորի արեանն, մինչեւ կացցէ առաջի ժողովրդեանն յատենի։