ԹԻՒՔ 32:32 - Գրաբար Աստվածաշունչ (1895)

³² Մեք անցցուք վառեալք առաջի Տեառն յերկիրն Քանանացւոց, եւ տաջիք մեզ կալուածս յայսկոյս Յորդանանու։

ԹԻՒՔ 32:32 ပူးပေါင်းရင်းမြစ်များ

ՂԵՒՏԱԿԱՆ 14:34

Յորժամ մտանիցէք յերկիրն Քանանացւոց զոր ես տաց ձեզ ի ստացուած, եւ տայցեմ արած բորոտութեան ի տունս երկրին ստացուածոյ ձերոյ,

ԹԻՒՔ 32:19

Եւ ոչ եւս ժառանգեսցուք ի մէջ նոցա յանցիցն Յորդանանու եւ անդր. զի ունիմք զվիճակս մեր յայսկոյս Յորդանանու յարեւելից։

ԹԻՒՔ 32:31

Պատասխանի ետուն որդիքն Ռուբենի եւ որդիքն Գադայ եւ ասեն. Զոր ինչ ասէ տէրդ ցծառայս իւր՝՝ արասցուք։

ԹԻՒՔ 32:33

Եւ ետ Մովսէս որդւոցն Գադայ եւ որդւոցն Ռուբենի եւ կիսոյ ցեղին Մանասէի որդւոցն Յովսեփայ զթագաւորութիւնն Սեհոնի արքային Ամովրհացւոց, եւ զթագաւորութիւնն Ովգայ արքային Բասանու, զերկիրն եւ զքաղաքս սահմանօք իւրովք, եւ զքաղաքս երկրին շուրջանակի։

ԹԻՒՔ 34:15

յայնկոյս Յորդանանու յանդիման Երիքովի ի հարաւոյ ընդ կողմն արեւելից։

ԵՐԿՐՈՐԴՈՒՄՆ ՕՐԻՆԱՑ 1:1

Այս են պատգամք զոր խօսեցաւ Մովսէս ընդ ամենայն Իսրայելի յայնկոյս Յորդանանու յանապատին յարեւմուտս՝ մերձ ի ծովն Կարմիր, ի մէջ Փառանտիփողայ, եւ Ղոբանայ, եւ Հանգրուանացն եւ Ոսկեկայ՝՝։

ԵՐԿՐՈՐԴՈՒՄՆ ՕՐԻՆԱՑ 29:8

եւ հարաք զնոսա եւ առաք զերկիր նոցա, եւ ետու զնա ի ժառանգութիւն Ռուբենի եւ Գադայ եւ կիսոյ ցեղին Մանասէի։

ԵՐԿՐՈՐԴՈՒՄՆ ՕՐԻՆԱՑ 3:12

Եւ զերկիրն զայն ժառանգեցաք ի ժամանակին յայնմիկ յԱրոյերայ որ է առ եզերբ ձորոյն Առնովնայ, եւ զկէս ձորոյն՝՝ Գաղաադու եւ զքաղաքս նորա ետու Ռուբենի եւ Գադայ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:1

Եւ այս են թագաւորք զորս կոտորեաց Մովսէս եւ՝՝ որդիքն Իսրայելի, եւ ժառանգեցին զերկիրն նոցա յայնկոյս Յորդանանու յարեւմտից կողմանէ, ի ձորոյն Առնովնայ մինչեւ ցլեառնն Հերմոն, եւ զամենայն զԱրաբա յարեւելից կողմանէ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:6

Մովսէս ծառայ Տեառն եւ որդիքն Իսրայելի հարին զնոսա, եւ ետ զայն Մովսէս ծառայ Տեառն ի ժառանգութիւն Ռուբենի եւ Գադայ, եւ կիսոյ ցեղին Մանասէի։